အခွန်လိမ်လည်မှု၊ ပြည်သူ့ဘဏ္ဍာ အလွဲသုံးစားမှုဖြင့် စပိန်တော်ဝင်မင်းသမီး တရားရင်ဆိုင်နေရ

ဇန်န၀ါရီ ၁၂၊ ၂၀၁၆
M-Media

– စပိန်နိုင်ငံ၏ တော်ဝင်မင်းသမီး ခရစ္စတီးနားအား အခွန်ရှောင်မှုနှင့် ပြည်သူ့ဘဏ္ဍာများကို အလွဲသုံးစားလုပ်သည်ဟူသော စွဲချက်ဖြင့် ယမန်နေ့က စတင်ကြားနာစစ်ဆေးခဲ့သည်ဟု သိရသည်။

ခရစ်တီးနားမှာ အခွန်ငွေလိမ်လည်မှုဖြင့် တရားသူကြီး ၃ ဦးပါဝင်သော ခုံအဖွဲ့ရှေ့မှောက်တွင် ကြားနာစစ်ဆေးခံခဲ့ရခြင်းဖြစ်ပြီး စပိန်တော်ဝင်အသိုင်းအ၀ိုင်းတွင် ပထမဆုံး တရားစွဲဆိုခံရသူ ဖြစ်လာခဲ့သည်။

သူမခင်ပွန်း၏ စီးပွားရေးလုပ်ငန်းများနှင့်ပတ်သက်၍ မသမာမှုများရှိနေသောကြောင့် စပိန်တရားရေးဌာနက ကာလကြာရှည် စုံစမ်းမှု ပြုလုပ်ခဲ့ပြီးနောက် ခရစ္စတီးနား၊ သူမ၏ ခင်ပွန်းနှင့် အခြား ၁၆ ဦးကို ပြည်သူ့ဘဏ္ဍာအလွဲသုံးစားလုပ်မှု၊ အခွန်ငွေလိမ်လည်မှုတို့အတွက် ယခုကဲ့သို့ တရားစွဲဆိုခဲ့ခြင်းဖြစ်သည်။ ၎င်းတို့အားလုံးကမူ စွဲချက်များကို ငြင်းဆိုခဲ့သည်။

ထိုကဲ့သို့ တရားစွဲဆိုခံရသောကြောင့် ဘုရင်ဖီးလစ် ၆ ၏ ညီမဖြစ်သူ အသက် ၅၀ အရွယ် ခရစ္စတီးနားမှာ သူမ၏ မြို့ စားဘွဲ့ကိုလည်း စွန့်လွှတ်ခဲ့ရသည်။

ခရစ္စတီးနားမှာ ခင်ပွန်းနှင့်အတူ ပူးတွဲပိုင်ဆိုင်သည့် အိမ်ခြံမြေကုမ္ပဏီမှ အကုန်ကျခံသည့် တစ်ကိုယ်ရေ အသုံးစားရိတ်များနှင့် ပတ်သက်၍ အခွန်ငွေကို ကြေငြာရန် ပျက်ကွက်မှုဖြင့် တရားစွဲဆိုခံရခြင်းဖြစ်ပြီး ပြစ်မှုထင်ရှားပါက ထောင်ဒဏ် ၈ နှစ်အထိ ကျခံရနိုင်သည်။

စီးပွားရေးသမားဖြစ်သူ သူမ၏ ခင်ပွန်း အီနာရီ အာရ်ဒန်ဂါရင်မှာ ၎င်းကိုင်တွယ်နေသော အကျိုးအမြတ်မယူသည့် အဖွဲ့မှတစ်ဆင့် ပါးလ်မားမြို့စားရာထူးကို အသုံးပြု၍ ပြည်သူ့ဘဏ္ဍာ ယူရိုသန်းပေါင်းများစွာကို အလွဲသုံးစား လုပ်ထားသည်ဟု စွပ်စွဲခံထားရသည်။ အစိုးရရှေ့နေများက အာရ်ဒါန်ဂါရင်ကို ထောင်ဒဏ် အနှစ် ၂၀ ချမှတ်ရန်တင်ပြခဲ့သည်။

Ref: Al-jazeera