မြန်မာက ပထမဆုံးဝယ်ယူခဲ့သည့် ပါကစ္စတန်တိုက်လေယာဉ်ကို အခြားနိုင်ငံများက စိတ်ဝင်စား

ဇန်န၀ါရီ ၁၃၊ ၂၀၁၆
M-Media

– မြန်မာနိုင်ငံက ပထမဆုံး ၀ယ်ယူလိုက်တဲ့ ပါကစ္စတန်လုပ် JF-17 တိုက်လေယာဉ်တွေကို အခြားနိုင်ငံတွေကလည်း ၀ယ်ယူဖို့ စိတ်ဝင်စားနေတယ်လို့ ပါကစ္စတန်မီဒီယာတွေက ဖော်ပြလိုက်ပါတယ်။

စိတ်ဝင်စားနေတဲ့ နိုင်ငံတွေကတော့ သီရိလင်္ကာ၊ အဇာဘိုင်ဂျန်နဲ့ မလေးရှားတို့ဖြစ်ပြီး၊ ပါကစ္စတန်သမ္မတ နာဝက်ဇ်ရှရစ်ဖ် မကြာသေးမီက ကိုလံဘိုကို သွားရောက်လည်ပတ်ပြီးတဲ့နောက်ပိုင်းမှာ သီရိလင်္ကာက ဒီလေယာဉ်တွေကို ၀ယ်ယူဖို့ စိတ်ဝင်စားလာတာဖြစ်ပါတယ်။

အိန္ဒိယက ဆန့်ကျင်မှုတွေရှိနေပေမယ့် သန်း ၄၀၀ ဖိုးလောက်ရှိမယ့် လေယာဉ်ဝယ်ယူရေးသဘောတူညီချက်ကို သီရိလင်္ကာက လက်မှတ်ထိုးဖို့ရှိနေပါတယ်။ သီရိလင်္ကာလေတပ် SLAF က အိုမင်းဟောင်းနွမ်းနေပြီဖြစ်တဲ့ အစ္စရေးထုတ် Kfirs နဲ့ MiG-27 တိုက်လေယာဉ်တွေကို ပါကစ္စတန်ထုတ်လေယာဉ်တွေနဲ့ အစားထိုးချင်နေတာပါ။ ပါကစ္စတန်ကတော့ ၁၀ စီး ဒါမှမဟုတ် ၁၂ စီးလောက် ရောင်းချင်နေပါတယ်။

တရုတ်နိုင်ငံရဲ့ နည်းပညာအကူအညီနဲ့ ပါကစ္စတန်မှာထုတ်လုပ်တဲ့ အဲဒီ JF-17 လေယာဉ်တွေဟာ တစ်စီးကို ကန်ဒေါ်လာ ၃၅ သန်းလောက် ကျသင့်မှာဖြစ်ပါတယ်။

ပါကစ္စတန်က ဒီလေယာဉ်တွေကို ပထမဆုံးဝယ်ယူခဲ့တဲ့ နိုင်ငံခြားတိုင်းပြည်ကတော့ မြန်မာနိုင်ငံဖြစ်ပြီး ပြီးခဲ့တဲ့နှစ်က ၁၆ စင်း မှာယူခဲ့တာဖြစ်ပါတယ်။ တန်ဖိုးကတော့ ဒေါ်လာ သန်း ၅၀၀ ဖိုးလောက်ရှိပါတယ်။

ပါကစ္စတန်သမ္မတ မမ်နွန် ဟူစိန်က အဇာဘိုင်ဂျန်နဲ့ နိုက်ဂျီးရီးယားတို့ဟာ သူတို့ရဲ့လေယာဉ်ကို ၀ယ်ယူဖို့ စိတ်ဝင်စားနေတယ်လို့ မကြာသေးမီက ပြောကြားထားပါတယ်။ နောက်ပြီး အီဂျစ်နဲ့ မလေးရှားတို့ကိုလည်း ရောင်းချမယ်လို့ သတင်းတွေထွက်ပေါ်နေကာ မလေးရှား ကာကွယ်ရေးဝန်ကြီး ဒါတွတ်ဆရီ ဟီရှာမွဒ်ဒင်က တွန် ဟူစိန်က ဒီသတင်းတွေကို ငြင်းဆိုခဲ့ပါတယ်။

Ref: Defense-update