ခြေထောက်ပါသည့် ဝေလငါးရုပ်ကြွင်းပြတိုက် အီဂျစ်တွင်ဖွင့်လှစ်

ဇန်န၀ါရီ ၁၇၊ ၂၀၁၆
M-Media

– ယခုအခါ မျိုးတုန်းပျောက်ကွယ်သွားပြီဖြစ်သည့် “လမ်းလျှောက်ဝေလငါး” (walking whale) မျိုးစိတ်၏ ကျောက်ဖြစ်ရုပ်ကြွင်းများကို ပြသထားသည့် ပြတိုက်တစ်ခုကို အီဂျစ်က ကြာသာပတေးနေ့တွင့် ဖွင့်လှစ်လိုက်ပြီး အရှေ့အလယ်ပိုင်းတွင် ပထမဆုံး ဝေလငါးရုပ်ကြွင်းပြတိုက်လည်း ဖြစ်လာခဲ့သည်။

ထိုသို့ ဖွင့်လှစ်ခြင်းမှာ ကမ္ဘာလှည့်ခရီးသွား အများအပြား ၀င်ရောက်လာစေရန် အစိုးရ၏ ကြိုးပမ်းလုပ်ဆောင်မှုများထဲမှ တစ်ခုဖြစ်ပြီး မကြာသေးမီက ကမ္ဘာလှည့်ခရီးသွားများမှာ စစ်သွေးကြွများ၏ တိုက်ခိုက်ခံမှုကို ခံရပြီးနောက် အီဂျစ်ရှိ စွဲမက်ဖွယ်ကောင်းသည့် နေရာများ လုံခြုံနေပြီဖြစ်ကြောင်း ယုံကြည်မှု ပြန်လည်ရယူလိုက်ခြင်းလည်းဖြစ်သည်။

ယင်းပြတိုက်မှာ မြို့တော်ကိုင်ရို၏ အနောက်တောင်ဘက် ၁၀၅ မိုင်ခန့်တွင်ရှိသည့် ဝေလငါးတောင်ကြားမှ ကန္တာရထဲတွင် ဆောက်လုပ်ထားခြင်းဖြစ်ပြီး အီဂျစ်အစိုးရက လုံခြုံရေးအများအပြား ချထားသည်။

၂၀၁၁ ခုနှစ်တွင် အာဏာရှင် ဟိုစနီမူဘာရက်အား ပြည်သူများက ဆန္ဒပြခဲ့ရာမှ နိုင်ငံရေးမတည်ငြိမ်မှု ဖြစ်ခဲ့ရသည့် အီဂျစ်တွင် အရေးပါသည့် ခရီးသွားလာရေးလုပ်ငန်းမှာ ဆုတ်ယုတ်ခဲ့ရသည်။

အဆိုပါပြတိုက်တွင် လွန်ခဲ့သည့် နှစ်ပေါင်း ၃၇ သန်းက တည်ရှိခဲ့သည်ဟု ယုံကြည်ရသည့် ခြေထောက်ပါသော ဝေလငါးတစ်ကောင်လုံး၏ အရိုးရုပ်ကြွင်းကို ပြသထားသည်။ မီတာ ၂၀ ရှည်လျားသော အဆိုပါရုပ်ကြွင်းက ဝေလငါးများမှာ ကုန်းနေ နို့တိုက်သတ္တ၀ါမှ ယနေ့ခေတ် ရေနေနို့တိုက်သတ္တ၀ါအဖြစ် ပြောင်းလဲမှုဖြစ်စဉ်၏ သက်သေဖြစ်ကြောင်း သိပ္ပံပညာရှင်များက ယုံကြည်ကြသည်။

ထို့ပြင် ရှေးခေတ်လူများ အသုံးပြုခဲ့သည့် သမိုင်းမတိုင်ခင်က ပစ္စည်းများ၊ အခြားကျောက်ဖြစ်ရုပ်ကြွင်းများနှင့် ဝေလငါးများမှာ ကုန်းနေသတ္တ၀ါမှ ရေနေသတ္တ၀ါအဖြစ်သို့ အဆင့်ဆင့် ဆင့်ကဲပြောင်းလဲမှုများကိုလည်း ဖော်ပြထားသည်။

Ref : IINA