ဆွီဒင်၏ ပါလက်စတိုင်းအား ထောက်ခံမှုကို မကျေနပ်၍ ဆွီဒင်ပရိဘောဂလုပ်ငန်းကို သပိတ်မှောက်ရန် အစ္စရေး တိုက်တွန်း

ဇန်န၀ါရီ ၁၇၊ ၂၀၁၆
M-Media

– ပါလက်စတိုင်းများကို အစ္စရေးက တရားလက်လွတ်သတ်ဖြတ်မှုများအတွက် စုံစမ်းစစ်ဆေးရန် ဆွီဒင်နိုင်ငံခြားရေးဝန်ကြီး၏ ဆော်သြမှုကို တုန့်ပြန်သည့်အနေဖြင့် ဆွီဒင်ပရိဘောဂလုပ်ငန်း Ikea ကို သပိတ်မှောက်ရန် အစ္စရေးက တိုက်တွန်းနေသည်ဟု သိရသည်။

ပါလက်စတိုင်းအား အချုပ်အခြာအာဏာပိုင်နိုင်ငံအဖြစ် အသိအမှတ်ပြုထားသည့် ဆွီဒင်နိုင်ငံ၏ နိုင်ငံခြားရေးဝန်ကြီး မာဂေါ့ ဝေါလစထရုမ်မှာ အစ္စရေးနှင့်ပတ်သက်၍ ပြင်းပြင်းထန်ထန် ဝေဖန်လေ့ရှိသူဖြစ်ပြီး အစ္စရေးများကို တိုက်ခိုက်သည်ဟု စွပ်စွဲခံရသော ပါလက်စတိုင်း၏ သေဆုံးမှုများအတွက် အစ္စရေးက တရားလက်လွတ် သတ်ဖြတ်ခြင်း ရှိ၊ မရှိကို စုံစမ်းစစ်ဆေးမှုများပြုလုပ်ရန် ပြီးခဲ့သည့်သီတင်းပတ်အတွင်း တိုက်တွန်းဆော်သြခဲ့ခြင်းဖြစ်သည်။

အစ္စရေးဝန်ကြီးချုပ် နေတန်ယာဟုက ဝေါလ်စရုမ်း၏ ပြောကြားမှုအား ရှုတ်ချခဲ့ပြီး၊ အစ္စရေးအစိုးရကလည်း မိမိတို့နိုင်ငံမှာ သူမအား မကြိုဆိုဟု ပြောကြားခဲ့သည်။ ထို့ပြင် အစ္စရေး နိုင်ငံရေးသမားအချို့မှာ သံတမန်ရေးရာ၏ အခြားတစ်ဖက်မှ ဆွီဒင်နိုင်ငံအား တုန့်ပြန်ချင်နေသည်။

“ဆွီဒင်နဲ့ ဆက်ဆံရေးရပ်တန့်ုဖို့ ကျွန်တော် ဆော်သြနေတာမဟုတ်ပါဘူး။ ဒါပေမယ့် Ikea မှာဈေးဝယ်တာတွေကို ရပ်ဖို့ လူတိုင်းကို အကြံပေးချင်ပါတယ်” ဟု အစ္စရေး နိုင်ငံခြားရေ၀န်ကြီးဟောင်း အာဗစ်ဂ်ဒေါရ် လီဘာမန်က ပြောကြားခဲ့သည်။

ဆွီဒင်နာမည်ကြီး ပရိဘောကလုပ်ငန်းဖြစ်သော Ikea မှာ အစ္စရေးတွင် ကြီးမားသည့် ဆိုင်ခွဲသုံးခု ဖွင့်လှစ်ထားသည်။ ဆွီဒင်မှာ ၂၀၁၄ ခုနှစ်နှောင်းပိုင်းက ပါလက်စတိုင်းအား အချုပ်အခြာအာဏာပိုင် နိုင်ငံအဖြစ် အသိအမှတ်ပြုခဲ့ပြီး ထိုလုပ်ရပ်က အစ္စရေးအား ဒေါသထွက်စေခဲ့သည်။

“ဆွီဒင်အစိုးရအနေနဲ့ သိထားဖို့လိုတာက အရှေ့အလယ်ပိုင်းက ဆက်ဆံရေးတွေဟာ အိမ်မှာ ကိုယ့်ဟာကိုယ်တပ်ဆင်လို့ရတဲ့ Ikea က ပရိဘောကပစ္စည်းထက် ပိုပြီး ရှုပ်ထွေးတယ် ဆိုတာပါပဲ” ဟု လီဘာမန်က ပြောကြားခဲ့သည်။

ဆွီဒင်နိုင်ငံခြားရေးဝန်ကြီးကလည်း လီဘာမန်၏ မှတ်ချက်ကို ပြန်လည်တုန့်ပြန်ခဲ့သည်။

“လီဘာမန်ကို ပရိဘောက ပါကင်တစ်ခုလောက် တပ်ဆင်ဖို့ ပို့ပေးရင် ကျွန်မ ၀မ်းသာမိမှာပါ။ အဲဒီအခါကျမှ ဒါကို ဆင်တဲ့အခါ လုပ်ဖော်ကိုင်ဖက်တစ်ယောက်၊ ပူးပေါင်းဆောင်ရွက်မှုနဲ့ တပ်ဆင်နည်းလမ်းညွှန်စာအုပ်ကောင်းတစ်အုပ် စတာတွေ လိုအပ်တယ်ဆိုတာ သိလာမှာပါ” ဟု ဝေါလ်စထရုမ်းက ပြောကြားခဲ့သည်။

ဆွီဒင်အပါအ၀င် အခြားသောဥရောပနိုင်ငံအချို့လည်း ပါလက်စတိုင်းအား အချုပ်အခြာအာဏာပိုင်နိုင်ငံအဖြစ် မူအရ အသိအမှတ်ပြုထားကြပြီး အစ္စရေး၏ ပါလက်စတိုင်းပြည်သူများအပေါ် ကျူးလွန်မှုများကို ရှုတ်ချမှုများ ပြုလုပ်ခဲ့သည်။

Ref: Telegraph