ကျောက်မီးသွေးမှ ဓာတ်အားထုတ်လုပ်မှု ၁၇ ဆ တိုးလာမည့် မြန်မာနိုင်ငံ၏ မဟာဓာတ်အား စီမံကိန်း

ဇန်န၀ါရီ ၁၈၊ ၂၀၁၆
M-Media

ရှမ်းပြည်နယ်တွင်ရှိသည့် မြန်မာနိုင်ငံ၏ ပထမဆုံး ကျောက်မီးသွေး ဓာတ်အားပေးစက်ရုံ (တီကျစ်)

– နိုင်ငံ၏ လျှပ်စစ်ထုတ်လုပ်ရေး မဟာစီမံကိန်းအရ မြန်မာနိုင်ငံတောင်ပိုင်းတွင် ကျောက်မီးသွေးသုံး ဓာတ်အားပေးစက်ရုံများကို တည်ဆောက်ရန် တာဆူနေပြီး ၂၀၃၀ ခုနှစ်အထိ အကျုံးဝင်မည့် အဆိုပါ မဟာစီမံကိန်းက ကျောက်မီးသွေးမှ ဓာတ်အားထုတ်လုပ်မှုပမာဏကို ၁၇ ဆအထိ မြှင့်တင်ပေးမည်ဖြစ်သည်။

အပူစွမ်းအင်စီမံကိန်းမှ လက်ထောက်ညွှန်ကြားရေးမှူးဖြစ်သူ ဦးအေးမင်းက ပြီးခဲ့သည့်ကြာသာပတေးနေ့တွင် ပြုလုပ်ခဲ့သည့် “မြန်မာ့လျှပ်စစ်စွမ်းအား ညီလာခံ” တွင် နိုင်ငံ၏ ရေအားလျှပ်စစ် စီမံကိန်းအများစုက နိုင်ငံမြောက်ပိုင်းတွင် တည်ရှိသည်ဟု ပြောကြားခဲ့သည်။

အဆိုပါစီမံကိန်းများက အချိန်နှင့် ငွေ အများအပြား ကုန်ကျမည်ဖြစ်ပြီး နိုင်ငံတောင်ပိုင်းသို့ ဓာတ်အာဖြန့်ဖြူးရန်အတွက် ဓာတ်အားကွန်ယက်စနစ်တွင်လည်း ရင်းနှီးမြှုပ်နှံမှုများ လိုအပ်မည်ဟု ၎င်းက ထည့်သွင်းပြောကြားခဲ့သည်။

“လျှပ်စစ်ဓာတ်အားတောင်းဆိုမှုက နှစ်စဉ် တိုးတက်လာမှာပါ။ ဒါ့ကြောင့် ဒါကိုဖြည့်ဆည်းဖို့အတွက် ကျွန်တော်တို့ဟာ အပူစွမ်းအင်သုံး ဓာတ်အားပေးစက်ရုံတွေ ပိုလိုအပ်ပါတယ်။ နောက်ပြီး အပူစွမ်းအင်သုံး ဓာတ်အားထုတ်လွှတ်မှုက ကာလ၊ ဒေသ မရွေးပါဘူး” ဟု ဦးအေးမင်းက ထပ်လောင်းပြောကြားခဲ့သည်။

မဟာစီမံကိန်းအရ ၂၀၃၀ ခုနှစ်တွင် ကျောက်မီးသွေးမှ ဓာတ်အား မဂ္ဂါဝပ် ၇၉၄၀ သို့မဟုတ် တည်ဆောက်ပြီးစီးခဲ့သည့် ဓာတ်အားပေးစက်ရုံများ၏ စုစုပေါင်း ပမာဏ ၂၃၅၉၄ မဂ္ဂါဝပ်၏ ၃၃ ရာခိုင်နှုန်းကို ထုတ်လုပ်နိုင်မည်ဖြစ်သည်။ လက်ရှိအချိန်တွင် ကျောက်မီးသွေးမှ ထုတ်လုပ်နိုင်သည့် စွမ်းအင်ပမာဏမှာ ၂ ရာခိုင်နှုန်းသာရှိပြီး ရှမ်းပြည်နယ်တွင် ၁၂၀ မဂ္ဂါဝပ် ထုတ်လုပ်ပေးသော ဓာတ်အားပေးစက်ရုံတစ်ခုနှင့် တနင်္သာရီတိုင်းဒေသကြီးရှိ ၈ မဂ္ဂါဝပ်ထုတ်လုပ်ပေးသော ဓာတ်အားပေးစက်ရုံတို့ ဖြစ်သည်။

ရေအားလျှပ်စစ်က ဆောက်လုပ်ပြီးသား ဓာတ်အားပေးစက်ရုံများထဲမှ ဓာတ်အား ၆၉ ရာခိုင်နှုန်းကို ထုတ်လုပ်ပေးပြီး ၃၉ ရာခိုင်နှုန်းမှာ သဘာဝဓာတ်ငွေ့ဖြင့်လည်ပတ်သော ဓာတ်အားပေးစက်ရုံများမှ ရရှိခြင်းဖြစ်သည်။ မဟာစီမံကိန်း ပြီးစီးပါက ရေအားလျှပ်စစ်မှ ထုတ်လုပ်သော ဓာတ်အားပမာဏမှာ ၃၈ ရာခိုင်နှုန်း (၈၈၉၆ မီဂါဝပ်)၊ သဘာဝဓာတ်ငွေ့က ၂၀ ရာခိုင်နှုန်း (၄၇၂၅ မီဂါဝပ်) သာ ရှိတော့မည်ဖြစ်ပြီး၊ ပြန်ပြည့်ဖြိုးမြဲစွမ်းအင်မှ ထုတ်လုပ်သည့် စွမ်းအင်ပမာဏမှာ ၉ ရာခိုင်နှုန်း (၂၀၀၀ မီဂါဝပ်) ရှိလာမည်ဖြစ်သည်။

“အချိန်အတိုင်းအတာတစ်ခုထိတော့ ကျွန်တော်တို့ဟာ ရေအားလျှပ်စစ်နဲ့ သဘာဝဓာတ်ငွေ့တွေကို မှီခိုနေရမှာပါ။ ဒါပေမယ့် ရည်မှန်းထားသလို တစ်နိုင်ငံလုံး ၂၄ နာရီအပြည့် လျှပ်စစ်မီးပေးနိုင်ဖို့အတွက် ကျောက်မီးသွေး၊ ပြန်ပြည့်ဖြိုးမြဲစွမ်းအင်တွေလို အခြားရင်းမြစ်တွေကိုလည်း ရှာဖွေဖို့ လိုအပ်ပါတယ်” ဟု ဦးအေးမင်းက ထည့်သွင်းပြောကြားခဲ့သည်။

“ကျောက်မီးသွေးစွမ်းအင်သုံး ဓာတ်အားပေးစက်ရုံတွေဟာ ကျွန်တော်တို့ရဲ့ ဓာတ်အားထုတ်လုပ်မှုအတွက် ဦးစားပေး ဖြစ်လာပါတယ်။ ကျွန်တော်တို့မှာ အခြား ရွေးချယ်စရာမရှိဘူး။ စိတ်ချရတဲ့ ဓာတ်အား ရရှိဖို့အတွက် ကျွန်တော်တို့မှာ ရွေးချယ်စရာ များများစားစား မရှိပါဘူး”

အစိုးရကတော့ ၂၀၃၀ ပြည့်နှစ်တွင် ရာနှုန်းပြည့် ဓာတ်အားပေးနိုင်ရန် စီစဉ်ထားသည်။ တည်ဆောက်ပြီးသား ဓာတ်အားပေးစက်ရုံများမှ ဓာတ်အားထုတ်လုပ်မှုမှာ ၂၀၁၀-၂၀၁၁ ဘဏ္ဍာရေးနှစ်တွင် ၃၄၁၃ မဂ္ဂါဝပ်ရှိရာမှ ပြီးခဲ့သည့်လတွင် ၅၀၂၉ မဂ္ဂါဝပ်အထိ မြင့်တက်လာခဲ့လေသည်။

မဟာစီမံကိန်းတွင် ပုဂ္ဂလိကကဏ္ဍမှ ပူးပေါင်းပါဝင်မှုမှာလည်း အရေးပါသည့်အခန်းကဏ္ဍတွင် ရှိနေသည်ဟု လက်ထောက်ညွှန်ကြားရေးမှူးက ဆိုသည်။

ရန်ကုန်၊ မန္တလေး၊ တနင်္သာရီနှင့် ဧရာဝတီတိုင်းဒေသကြီးတို့တွင် သဘာဝဓာတ်ငွေ့ ဓာတ်အားပေးစက်ရုံနှင့် စွန့်ပစ်အပူကို ပြန်လည်အသုံးပြု၍ ရေနွေးငွေ့သုံး ဓာတ်အားပေးစက်ရုံ စုစုပေါင်း ၉ ခုကို တည်ဆောက်ရန်အတွက် နိုင်ငံခြားတိုင်းပြည်များမှ လုပ်ငန်းများကို ခွင့်ပြုခဲ့ပြီးဖြစ်သည်။

ထို့ပြင် ပြည်တွင်းနှင့် ပြည်ပမှ ပုဂ္ဂလိကကုမ္ပဏီများမှာ ရှမ်း၊ မွန်၊ ရန်ကုန်၊ စစ်ကိုင်း၊ ဧရာဝတီနှင့် တနင်္သာရီ စသည့် ပြည်နယ်နှင့် တိုင်းဒေသကြီးများတွင် ကျောက်မီးသွေးသုံး ဓာတ်အားပေးစက်ရုံ ၁၁ ခုကို တည်ဆောက်သွားမည်ဖြစ်သည်။

ပြီးစီးပါက ရန်ကုန်တိုင်းဒေသကြီးမှာ အဓိက ကျောက်မီးသွေးသုံး ဓာတ်အားပေးစက်ရုံများ တည်ရှိသည့်နေရာ ဖြစ်လာမည်ဖြစ်သည်။

မဟာစီမံကိန်း

စွမ်းအင်ဖွံ့ဖြိုးမှု စီမံကိန်းမှ လက်ထောက်ညွှန်ကြားရေးမှူးဖြစ်သူ ဦးသန်းနိုင်လင်းက မဟာစီမံကိန်းတွင် မျှော်မှန်း ဓာတ်အားတောင်းဆိုမှု၊ ပင်မစွမ်းအင်နှင့် စွမ်းအင်ရင်းမြစ်များကို ထည့်သွင်းစဉ်းစားထားသည်ဟု ဆိုသည်။

ထိုစီမံကိန်းအောက်ရှိ ပရောဂျက်အချို့ကို ဂျပန်အစိုးရ၊ အာရှဖွံ့ဖြိုးရေးဘဏ်နှင့် တောင်ရီးယားမှ EXIM ဘဏ်တို့က ဘဏ္ဍာရေး ထောက်ပံ့သွားမည်ဖြစ်သည်။

ထားဝယ်နှင့် တနင်္သာရီ အထူးစီးပွားရေးဇုန် ဒေသများတွင် ၂၃၀ ကီလိုဗို့ရှိ အဓိက ဓာတ်အားဖြန့်ဖြူးမှုစက်ရုံနှင့် စက်ရုံခွဲများ တည်ဆောက်မှုမှာလည်း အဆိုပါမဟာစီမံကိန်းတွင် ပါဝင်သည်။

မဟာစီမံကိန်းရေးဆွဲမှုတွင် တစ်စိတ်တစ်ပိုင်း ပါဝင်ခဲ့သည့် ဂျပန်ရင်းနှီးမြှုပ်နှံမှု ကော်ပိုရေးရှင်းအေဂျင်စီက မြန်မာနိုင်ငံ၏ ဓာတ်အားတောင်းဆိုမှုမှာ ၂၀၃၀ ခုနှစ်တွင် ၁၄၅၄၂ မီဂါဝပ်အထိ ရောက်ရှိမည်ဟု ခန့်မှန်းထားသည်။

မြန်မာ့ ရေအားလျှပ်စစ်နှင့် ပြန်ပြည့်ဖြိုးမြဲစွမ်းအင်စီမံကိန်းမှ လက်ထောက်ညွှန်ကြားရေးမှူးဖြစ်သူ ဦးတင့်လွင်ဦးက နိုင်ငံရပ်ခြားရင်းနှီးမြှုပ်နှံသူများမှာ နိုင်ငံ၏ စွမ်းအင်ကဏ္ဍတွင် ပူးပေါင်းဆောင်ရွက်မှုဖြင့်လည်းကောင်း၊ BOT နည်းဖြင့်လည်းကောင်း ရင်းနှီးမြှုပ်နှံနိုင်သည်ဟု ပြောကြားခဲ့သည်။

စာရင်းအရ မြန်မာနိုင်ငံမှာ အဓိက မြစ်ကြီး ၄ စင်းဖြစ်သော ဧရာဝတီ၊ သံလွင်၊ ချင်းတွင်းနှင့် စစ်တောင်းမြစ်များမှ ဓာတ်အား ၁၀၈ မဂ္ဂါဝပ် ထုတ်လုပ်နိုင်မည့် အလားအလာရှိသည်ဟု ဦးသန်းနိုင်လင်းက ပြောကြားခဲ့သည်။

ထို့ပြင် စုစုပေါင်း မဂ္ဂါဝပ် ၅၅၀ ထုတ်လုပ်နိုင်မည့် နေစွမ်းအင်သုံးစီမံကိန်း ၃ ခု၊ စုစုပေါင်း ဓာတ်အား ၂၃၈၀ မဂ္ဂါဝပ် ထုတ်လုပ်နိုင်မည့် လေစွမ်းအင်သုံးစီမံကိန်း ၃ ခုနှင့် မြေအောက်အပူစွမ်းအင်သုံး စီမံကိန်းတစ်ခုတို့ အကောင်အထည်ဖော်ရန် စွမ်းအင်ဝန်ကြီးဌာနမှာ ကုမ္ပဏီများအပြားနှင့် နားလည်မှုစာချွန်လွှာကို လက်မှတ်ရေးထိုးထားသည်ဟု ၎င်းက ထည့်သွင်းပြောကြားခဲ့သည်။

Ref: The Nation

(The Nation တွင် ဖော်ပြထားသည့် Myanmar targets 17-fold rise in coal-fired power by 2030 ဆောင်းပါးကို
လေးမောင်က ဆီလျော်အောင် ဘာသာပြန်ဆိုသည်။)