ဘီလီယံနာ ၆၂ ဦး၏ ချမ်းသာမှုက ကမ္ဘာ့လူဦးရေထက်ဝက်၏ ပိုင်ဆိုင်မှုလောက်ရှိနေ

ဇန်န၀ါရီ ၁၈၊ ၂၀၁၆
M-Media

– ကမ္ဘာပေါ်တွင် အချမ်းသာဆုံးပုဂ္ဂိုလ် ၆၂ ဦးက ကမ္ဘာလူဦးရေ ထက်ဝက်ခန့်၏ ပိုင်ဆိုင်မှုပမာဏလောက် ပိုင်ဆိုင်ထားကြသည်ဟု ပရဟိတအဖွဲ့ဖြစ်သော Oxfam က ယနေ့တွင် ပြောကြားလိုက်သည်။

အလွန်အမင်းချမ်းသာသောသူများမှာ ၂၀၁၀ ခုနှစ်ကတည်းက ၄၄ ရာခိုင်နှုန်း မြင့်တက်လာသည်ကို တွေ့ခဲ့ရပြီး ၎င်းတို့၏ ချမ်းသာကြွယ်ဝမှုမှာ ကန်ဒေါ်လာ ၁.၇၆ ထရီလီယံရှိကာ ထိုပမာဏက ကမ္ဘာ့အဆင်းရဲဆုံး ပြည်သူ ၃.၅ ဘီလီယံ၏ ပိုင်ဆိုင်မှုပမာဏလောက် ရှိနေသည်။

ယူကေအခြေစိုက် Oxfam က အခွန်အနည်းငယ်သာဆောင်ရသည့် နေရာများကလည်း ထိုချမ်းသာကြွယ်ဝသူများ၏ ငွေကြေး ၇.၆ ထရီလီယံကို သိုဝှက်ထိန်းသိမ်းပေးထားပြီး အစိုးရများမှာ နှစ်စဉ် အခွန်ငွေ ကန်ဒေါ်လာ ဘီလီယံ ၁၉၀ ဆုံးရှုံးနေသည်ဟု ထည့်သွင်းဖော်ပြခဲ့သည်။

Oxfam သြစတေးလျရုံးခွဲမှ အမှုဆောင်အကြီးအကဲ ဟဲလင် ဇိုကီက ထိုချမ်းသာကြွယ်ဝမှုများက သင့်လျော်သည့် မျှဝေမှုရှိနေလားဟု စစ်ဆေးရန် နည်းလမ်းများလည်းမရှိဟု ပြောကြားခဲ့သည်။

“အခွန်ရှောင်လို့ရတဲ့နေရာတွေကို ဖယ်ရှားပစ်ဖို့အတွက် ကမ္ဘာ့ စီးပွားရေးခေါင်းဆောင်တွေနဲ့ နိုင်ငံရေးခေါင်းဆောင်တွေထံကနေ အခွန်ဆိုင်ရာ အဓိက ပြုပြင်ပြောင်းလဲမှုလုပ်ဖို့အတွက် ကတိက၀တ်တွေ လိုအပ်တယ်လို့ ကျွန်မတို့ ယုံကြည်ပါတယ်” ဟု ဇိုကီက ဆိုသည်။ ထို့ပြင် ချမ်းသာကြွယ်ဝမှုများမှာ ဆင်းရဲသူများသို့ မရောက်သလောက် ရှိသည်ဟုလည်း သူမက ထပ်လောင်းပြောကြားခဲ့သည်။

Ref : Aljazeera