ပါကစ္စတန် တက္ကသိုလ်တစ်ခုကို တာလီဘန်များက အကြမ်းဖက်တိုက်ခိုက်

ဇန်န၀ါရီ ၂၀၊ ၂၀၁၆
M-Media

– ပါကစ္စတန်အနောက်မြောက်ပိုင်း ပက်ရ်ှဝါရ်မြို့အနီးရှိ တက္ကသိုလ်တစ်ခုကို တာလီဘန်အကြမ်းဖက်သမားများက ယနေ့တွင် ၀င်ရောက်တိုက်ခိုက်မှုကြောင့် အနည်းဆုံး လူ ၂၁ ဦးသေဆုံးခဲ့သည်ဟု သိရသည်။

သေနတ်သမား ၄ ဦးက ပက်ရ်ှဝါရ် မြို့မှ ကီလိုမီတာ ၅၀ အကွာတွင်ရှိသည့် ချာဆာဒါမြို့တွင် ဘာချာချန်း တက္ကသိုလ်သို့ ဖောက်ခွဲမှု ၂ ခုနှင့်အတူ ၀င်ရောက်တိုက်ခိုက်ခဲ့ခြင်းဖြစ်သည်။ ပါကစ္စတန်ရဲတပ်ဖွဲ့၊ စစ်တပ်နှင့် အထူးတပ်ဖွဲ့ ၀င်များမှာ မြေပြင်နှင့် ဝေဟင်တို့မှ စစ်ဆင်ရေးများပြုလုပ်ကာ သေနတ်သမားများအား နှိမ်နင်းခဲ့သည်။

ရဲတပ်ဖွဲ့အကြီးအကဲ ဆအီဒ် ၀ါဇီရ်ကမူ အဆိုပါ အကြမ်းဖက်တိုက်ခိုက်မှုအတွင်း ၂၁ ဦးသေဆုံးခဲ့ကာ မိမိတို့ လုံခြုံရေးတပ်ဖွဲ့များမှာ ထိုဒေသအား ရှင်းလင်းခဲ့ပြီးဖြစ်သည်ဟု ပြောကြားခဲ့သည်။ ဒဏ်ရာရရှိသူမှာ ၃၀ ကျော်ရှိပြီး သေဆုံးသူများတွင် သေနတ်သမားများ ပါဝင်ခြင်း ရှိ၊ မရှိ အတိအကျမသိရှိရသေးပေ။

ပါကစ္စတန် တာလီဘန်အဖွဲ့ TTP က ထိုတိုက်ခိုက်မှုမှာ ၎င်းတို့လက်ချက်ဖြစ်သည်ဟု ကြေငြာခဲ့ပြီး လူမျိုးစုဒေသများတွင် ၎င်းတို့အား ပါကစ္စတန်စစ်တပ်က ထိုးစစ်ဆင်မှုကို လက်တုန့်ပြန်ခြင်းဖြစ်သည်ဟု ပြောကြားခဲ့သည်။

၂၀၁၄ ခုနှစ်အတွင်း ပက်ရ်ှဝါရ်ရှိ စစ်တပ်ကဖွင့်လှစ်ထားသော စာသင်ကျောင်းသို့ တာလီဘန်များက ၀င်ရောက်ကာ အကြမ်းဖက်တိုက်ခိုက်မှု ပြုလုပ်ခဲ့ပြီး ကျောင်းသား အနည်းဆုံး ၁၃၀ ကျော် သေဆုံးခဲ့သည်။

Ref: Channelnewsasia