Doctor Sparrow: စာကလေးတွေကို ဆေးပညာ ဘယ်သူများ သင်ကြားပေးထားပါလိမ့်။

ဇန်နဝါရီ ၂၀ ၊ ၂၀၁၆
M-Media
အေးထွန်း ရှာဖွေတင်ဆက်သည်

ငှက်တွေဟာ သူတို့အသိုက်ကိုဆောက်ရာမှာ ကြုံရာအရွက်တွေကို သုံးပြီး ပြီးစလွယ်ဆောက်လုပ်ကြတာ မဟုတ်ပါဘူး။

သူတို့ရဲ့ အရွက်ရွေးချယ်မူဟာ သူတို့ရဲ့ ဆေးပညာ ဗဟုသုတကို မီးမောင်းထိုးပြနေပါတယ်။

ဥပမာအားဖြင့် အိန္ဒိယမှာ စာကလေး (House Sparrows) တွေဟာ အသိုက်ဟောင်းကို မွန်းမံရာမှာ အခြားအပင် အရွက်တွေကို လစ်လျှူရှုပြီး တမာရွက်တွေကို ရွေးချယ် အသုံးပြုလေ့ ရှိကြတယ်။

ဘာလို့လဲဆိုရင် တမာရွက်တွေမှာ ပါဝင်တဲ့ Azadirachtin ဓာတုဗေဒ ကွန်ပေါင်းဟာ ထူးရှယ် အင်းဆက်သတ် စွမ်းရည်ရှိပြီး ၊ နောက်ထပ် ဓာတုဗေဒကွန်ပေါင်း တစ်ခုဖြစ်တဲ့ Beta-Sitosterol မှာလဲ အင်းဆက်တွေကို မောင်းထုတ်နိုင်တဲ့ အစွမ်းရှိရုံမက သွေးစုပ်ကပ်ပါးကောင်တွေ ဥ မဥနိုင်အောင် ဟန့်တားနိုင်စွမ်း ရှိနေတယ်လေ။

ကလ်ကတ္တားမြို့တော်မှာ လူတွေ ငှက်ဖျားရောဂါဖြစ်နေတုံး စာကလေးတွေရဲ့ အပြုအမူကို သတိပြုမိခဲ့တဲ့ ဇီဝဗေဒပညာရှင် Sudhim Senegupta ဟာ အံ့အားသင့်ခဲ့ရတယ်။
အဲဒီအချိန်ကာလမှာ စာကလေးတွေဟာ သူတို့အသိုက်တွေဆီ Krishnachura ပင်တွေဆီက ကွိုင်းနိုင်း (ကွီနိုင်) (Quinine , C_(20 ) H_(24 ) N_(2 ) O_(2 ) ) ကြွယ်ဝတဲ့ အရွက်တွေကို ရွေးချယ်ယူလာကြပါတယ်။

ကွီနိုင် ကွန်ပေါင်းမှာ ငှက်ဖျားတိုက်ဖျက်ရေး စွမ်းရည်ရှိတယ်ဆိုတာ ကျွန်တော်တို့ အသိ။

ဆိုတော့ ဇီဝဗေဒပညာရှင် Sudhim Senegupta က စာကလေးတွေဟာ ငှက်ဖျားရောဂါကို ကြံ့ကြံ့ခံနိုင်ဖို့ ဒီ ကွီနိုင်ကြွယ်ဝတဲ့ အရွက်တွေကို အသိုက်ဆီယူလာတာ ဖြစ်ရမယ်လို့ ကောက်ချက်ချခဲ့ပါတယ်။

( Wild Health: Lessons in Natural Wellness from the Animal Kingdom By Cindy Engel , Pg 124 – 125)

M-Media Knowledge ကဏ္ဍမှ အပတ်စဉ် ဗုဒ်ဓဟူးနေ့ တိုင်း တင်ဆက်ပါမည်။