၂၀၁၅ ခုနှစ်တွင် သတင်းထောက်များအပေါ် တိုက်ခိုက်မှုပေါင်း ၅၇၀ ကျော် အစ္စရေးကျူးလွန်ခဲ့

ဇန်န၀ါရီ ၁၂၊ ၂၀၁၆
M-Media

– ပြီးခဲ့တဲ့ တစ်နှစ်တာအတွင်းမှာ အစ္စရေးတပ်ဖွဲ့တွေရဲ့ သတင်းထောက်များကို တိုက်ခိုက်မှု ၅၇၄ ခုကျော် ရှိခဲ့တယ်လို့ အစီအရင်ခံစာအသစ်တစ်ခုမှာ ဖော်ပြခဲ့ပါတယ်။

အဲဒီ နှစ်ပတ်လည်အစီရင်ခံစာကို အစ္စလာမ့်ရေဒီယိုနှင့် ရုပ်သံလိုင်းများ သမဂ္ဂက ထုတ်ပြန်ခဲ့တာဖြစ်ပြီး အစီရင်ခံစာအရ ထိခိုက်မှုနှစ်ခုမှာ လူသေဆုံးစေခဲ့တယ်လို့ ဆိုပါတယ်။ အဲဒီနှစ်ဦးဟာ ဂါဇာကမ်းမြောင်မှာ သေဆုံးခဲ့တဲ့ ပါလက်စတိုင်း ရုပ်သံရိုက်ကူးသူ အဟ်မဒ် အလ်-ဟာဘာဗီနဲ့ အဟ်မဒ် ဂျာဟာဂျီဟီတို့ ဖြစ်ပါတယ်။

တိုက်ခိုက်မှုပေါင်း ၁၉၀ လောက်မှာ သတ္တုနဲ့ ရာဘာကျည်ဆံတွေကို အသုံးပြုခဲ့တဲ့အပြင် အဆိပ်နဲ့ ငရုပ်ငွေ့တွေကိုလည်း သုံးပြုခဲ့ပြီး လူအများအပြားကို ထိခိုက်ဒဏ်ရာရစေခဲ့ပါတယ်။ သမဂ္ဂရဲ့အဆိုအရ တစ်ချို့ တိုက်ခိုက်မှုတွေမှာ အစ္စရေးတပ်တွေက သတင်းထောက်တွေကို လူသားဒိုင်းအဖြစ်အသုံး ပြုခဲ့တာမျိုးလည်း တွေ့မြင်ခဲ့ရတယ်လို့ ဆိုပါတယ်။

တိုက်ခိုက်မှုအများစုဖြစ်တဲ့ ၁၅၉ ခုကို ပြီးခဲ့တဲ့နှစ် အောက်တိုဘာလအတွင်း ကျူးလွန်ခဲ့တာဖြစ်ပါတယ်။ အဲ့ဒီလမှာ ပါလက်စတိုင်းနယ်မြေ ဂျေရုဆလင်မှာရှိတဲ့ အလ်အက်ဆွာဗလီဝတ်ကျောင်းထဲကို အစ္စရေးတပ်ဖွဲ့တွေနဲ့ ဂျူးအစွန်းရောက်တွေဝင်ရောက်ပြီး ပါလက်စတိုင်းဝတ်ပြုသူတွေကို တိုက်ခိုက်ရာကနေ တင်းမာမှုတွေ မြင့်တက်ခဲ့ပါတယ်။

ကလေးရော မိန်းမပါ အပါအ၀င် ပါလက်စတိုင်းလူမျိုး ၁၆၀ ကျော်ကို အောက်တိုဘာလ အစလောက်ကတည်းက အစ္စရေးတပ်တွေက သတ်ဖြတ်ခဲ့ကြပါတယ်။ လူသားချင်းစာနာထောက်ထားမှုဆိုင်ရာ ကုလသမဂ္ဂရုံးက ပါလက်စတိုင်းလူမျိုးများပေါ် အစ္စရေးတပ်များရဲ့ တရားလွန်သတ်ဖြတ်နေခြင်းကို စိုးရိမ်နေမိကြောင်း ထုတ်ဖော်ပြောဆိုခဲ့ပါတယ်။

Ref: Presstv