ရောမဗလီကြီးကို လာရောက်လည်ပတ်ရန် အီတလီမွတ်စလင်များက ပုပ်ရဟန်းမင်းကြီးကို ဖိတ်ခေါ်

ဇန်န၀ါရီ ၂၂၊ ၂၀၁၆
M-Media

– အနောက်ကမ္ဘာမှာ အကြီးဆုံး ဗလီဝတ်ကျောင်းတော်တစ်ခုလို့ မှတ်ယူခံထားရတဲ့ အီတလီနိုင်ငံ ရောမမြို့က ဗလီကြီးကို လာရောက်လည်ပတ်ဖို့အတွက် အီတလီမွတ်စလင် ကိုယ်စားလှယ်အဖွဲ့တစ်ခုဟာ ပုပ်ရဟန်းမင်းကြီး ဖရန်စစ်ကို ဗုဒ္ဓဟူးနေ့က ဖိတ်ကြားခဲ့ပါတယ်။

အီတလီအစ္စလာမ့်အသင်း (ICT) က ရှေ့ဆောင်အီမာမ် ယဟ်ယာ ပါလာဗီစီနီ၊ အီတလီအစ္စလာမ့်ယဉ်ကျေးမှုစင်တာ (ICCI) က ဒါရိုက်တာ အဘ်ဒဲလ်လာဟ် ရီဒူနီ၊ ဆော်ဒီသံအမတ် ရာယဒ်ခါလဒ် ကရင်မလီတို့ပါဝင်တဲ့ ကိုယ်စားလှယ်အဖွဲ့က ပုပ်ရဟန်းမင်းကြီးနဲ့တွေ့ဆံစဉ်မှာ အခုလို ဖိတ်ကြားခဲ့တာဖြစ်ပါတယ်။

ပုပ်ရဟန်းမင်းကြီးကတော့ အဲဒီလို ဖိတ်ကြားခံရမှုအတွက် ကျေးဇူးတင်တယ်လို့ ကြာသာပတေးနေ့မနက်ပိုင်း ၀တ်ပြုဆုတောင်းမှုမှာ ပရိတ်သတ်တွေကို ပြောကြားခဲ့ပြီး၊ လာရောက်လည်ပတ်မယ်လို့တော့ မပြောသေးပါဘူး။ တကယ်လို့ သွားရောက်ခဲ့မယ်ဆိုရင်တော့ ဖရန်စစ်ဟာ ၁၉၉၅ ခုနှစ်က ဖွင့်လှစ်ခဲ့တဲ့ အဲဒီရောမဗလီကြီးကို သွားရောက်လည်ပတ်တဲ့ ပထမဆုံးပုပ်ရဟန်းမင်းကြီး ဖြစ်လာမှာဖြစ်ပါတယ်။

(ICI) က အီမာန်ကြီး ယဟ်ယာ ပါလာဗီစီနီကတော့ အဲဒီတွေ့ဆုံမှုဟာ အပြုသဘောဆောင်ခဲ့ပြီး ရင်းနှီးဖော်ရွေမှုကို ပြသရာ ရောက်တယ်လို့ ပြောကြားခဲ့ပါတယ်။ ပုပ်ရဟန်းမင်းကြီးကလည်း ခရစ်ယာန်နဲ့ မွတ်စလင်တွေအကြားမှာ အပြန်အလှန် ထားရှိရမယ့် အခွင့်အရေးတွေကို ရည်ညွှန်းပြောဆိုခဲ့တယ်လို့ သူကဆိုပြီး ညီရင်းအစ်ကိုစိတ်ဓာတ်၊ ရင်နှီးဖော်ရွေမှုနဲ့ ပူးပေါင်းဆောင်ရွက်မှုတွေကိုလည်း မဖြစ်မနေ လုပ်ဆောင်သွားရမယ်လို့ ဆိုပါတယ်။

SM/IINA