အစ္စလာမ်ကပေးထားသည့် ဘာသာရေးလူနည်းစုအခွင့်အရေးကို ဖော်ထုတ်ကျင့်သုံးရန်အတွက် ညီလာခံတစ်ခုကို ကမ္ဘာ့မွတ်စလင်များ ကျင်းပမည်

ဇန်န၀ါရီ ၂၄၊ ၂၀၁၆
M-Media

ခရစ်ယာန်များ၏ ဘာသာရေးလွတ်လပ်ခွင့်ကို အာမခံပေးထားပြီး၊ ခရစ်ယာန်လူနည်းစုများအား မွတ်စလင်များက ကာကွယ်စောင့်ရှောက်ပေးမည်ဟု ကတိပြုထားသည့် တမန်တော်မုဟမ္မဒ်သခင်၏ ပဋိဉာဏ်စာတမ်းတစ်ခု

– မွတ်စလင်အမည်ခံ အကြမ်းဖက်သမားတွေကြောင့် နေရပ်စွန့်ခွာ ထွက်ပြေးနေကြရတဲ့ အရှေ့အလယ်ပိုင်းက ခရစ်ယာန်တွေ၊ အခြားသော ဘာသာခြားလူနည်းစုတွေ အန္တရာယ်ကင်းကင်းနေနိုင်ဖို့၊ သူတို့ရဲ့အခွင့်အရေး၊ လွတ်လပ်ခွင့်တွေကို လူများစုမွတ်စလင်တွေက ကာကွယ်ပေးဖို့အတွက် ဆွေးနွေးကြမယ့် မွတ်စလင်ခေါင်းဆောင်းတွေရဲ့ ညီလာခံကို လာမယ့်တစ်ပတ်အတွင်း မော်ရိုကိုနိုင်ငံမှာ ကျင်းပပြုလုပ်သွားမယ်လို့ သိရပါတယ်။

ကမ္ဘာတစ်ဝှမ်းက မွတ်စလင်ခေါင်းဆောင်တွေ၊ ပညာရှင်တွေ ၃၀၀ ကျော်လောက် တက်ရောက်ကြမယ့် အဲဒီအစည်းအဝေးဟာ ဘာသာခြားလူနည်းစုတွေကို ကာကွယ်စောင့်ရှောက်ပေးရမယ်ဆိုတဲ့ အစ္စလာမ်ရဲ့ စစ်မှန်တဲ့သင်ကြားမှုနဲ့ သည်းခံနိုင်မှုတို့ကို အခိုင်အမာဖြစ်အောင် ဆောင်ရွက်သွားမယ့်ပွဲလို့ အမေရိကန်ရဲ့ ပထမဆုံး မွတ်စလင် အနုပညာ ကောလိပ် ဇေတူနာကောလိပ်ကို ဖွင့်လှစ်တည်ထောင်ထားတဲ့ ရှိခ် ဟမ်ဇာယူစွဖ်က ပြောကြားခဲ့ပါတယ်။

အဲဒီအစည်းအဝေးဟာ လွန်ခဲ့တဲ့ နှစ်ပေါင်း ၁၄၀၀ ကျော်အရင်က တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) က မွတ်စလင်မဟုတ်သူတွေရဲ့ အခွင့်အရေးကို အာမခံပေးခဲ့တဲ့ “မဒီနာပဋိဉာဏ်စာတမ်း” ကို ပြန်လည် အသက်သွင်းသွားမှာ ဖြစ်ပါတယ်။

မယုံကြည်သူတွေရဲ့ ငြှင်းပမ်းနှိပ်စက်မှုကြောင့် မဒီနာကို ရွှေ့ပြောင်းလာပြီးတဲ့နောက် မဒီနာက လူ့အဖွဲ့အစည်း ခေါင်းဆောင်အဖြစ် အုပ်ချုပ်ခွင့်အာဏာ အပ်နှင်းခံခဲ့ရတဲ့အခါ မုဟမ္မဒ်သခင် ပထမဆုံးကြိုးပမ်းဖော်ထုတ်ခဲ့တဲ့ ဒီ ပဋိဉာဏ်စာတမ်းမှာ ဂျူးတွေ၊ ခရစ်ယာန်တွေနဲ့ အခြားသော အာရပ်လူမျိုးစုတွေရဲ့ လွတ်လပ်ခွင့်၊ ကြိုက်နှစ်သက်ရာ ယုံကြည်ကိုးကွယ်နိုင်ခွင့်၊ လွတ်လပ်စွာ ထုတ်ဖော်ပြောဆိုခွင့် စတာတွေကို တရားဝင် အာမခံပေးထားပြီး၊ လူများစုဖြစ်တဲ့ မွတ်စလင်လူ့အဖွဲ့အစည်းဟာ လူနည်းစုတွေကို ကာကွယ်စောင့်ရှောက်ပေးမယ်လို့ ကတိပြုခဲ့ပါတယ်။

သမိုင်းသုတေသီတွေကတော့ တမန်တော် မုဟမ္မဒ်သခင်ဟာ လူနည်းစုအခွင့်အရေးကို တရားဝင် အာမခံပေးတဲ့ တ စ်ဦးတည်းသော ဘာသာရေးခေါင်းဆောင်၊ ပထမဆုံးနိုင်ငံရေးခေါင်းဆောင် ဖြစ်တယ်လို့ သတ်မှတ်ခဲ့ကြပါတယ်။

“တမန်တော်မြတ်ကြီးဟာ ဘာသာရေးအရ ဖိနှိပ်ခံခဲ့ရပါတယ်။ ဒါ့ကြောင့် ဘာသာရေး ဖိနှိပ်မှုရဲ့ အတွေ့အကြုံဟာ ဘာလဲဆိုတာကို သူက ပထမဆုံး သိခဲ့တာပေ့ါ။ သူ့ရဲ့ သာသနာမှာတော့ ဘာသာရေးလူနည်းစုတွေရဲ့ အခွင့်အရေးတွေကို အာမခံပေးထားပါတယ်” လို့ ဇန်န၀ါရီ ၂၁ ရက်နေ့က ပြုလုပ်ခဲ့တဲ့ ဆွေးနွေးပွဲအကြို သတင်းစာရှင်းလင်းပွဲမှာ ယူစွဖ်က ပြောကြားခဲ့ပါတယ်။ ပြီးတော့ အစ္စလာမ့်သမိုင်းကလည်း ခိုင်မာတဲ့ ဘာသာရေးသည်းခံနိုင်မှုကို ထုတ်ဖော်ပြသနေတယ်လို့ သူက ထည့်သွင်းပြောကြားခဲ့ပါတယ်။

ဒီညီလာခံကို မော်ရီတေးနီးယားနိုင်ငံက ဘာသာရေးလူနည်းစု အခွင့်အရေးဆိုင်ရာ အာဏာပိုင်ဖြစ်တဲ့ အစ္စလာမ်ဘာသာရေးပညာရှင် ရှိခ် ဘင် ဘေယာဟ်နဲ့ မော်ရိုကိုဘုရင့်နိုင်ငံ အစ္စလာမ်ရေးရာနှင့် ထောက်ပံ့ကူညီမှု ၀န်ကြီးဌာနတို့က ပူးပေါင်းဆောင်ရွက်သွားမှာဖြစ်ပါတယ်။

အီဂျစ်၊ တူရကီ၊ အီရတ်၊ ပါကစ္စတန်၊ အီရန် စတဲ့ မွတ်စလင်အများစုရှိရာနိုင်ငံတွေက ဘာသာရေးနဲ့ နိုင်ငံရေးခေါင်းဆောင် ၃၀၀ ကျော်လောက် အဲဒီညီလာခံကို တက်ရောက်မယ်လို့ ခန့်မှန်းထားပြီး ဒါဟာ မွတ်စလင်ကမ္ဘာရဲ့ ပထမဆုံးဖွဲ့စည်းပုံအခြေခံဥပဒေလို့ သတ်မှတ်လို့ရကာ သက္ကရာဇ် ၆၂၂ ခုနှစ်က ပေါ်ထွက်ခဲ့တဲ့ “မဒီနာပဋိဉာဏ်စာတမ်း” ပြီးတဲ့နောက် အဲဒီလို အာမခံပေးမှုမျိုးနဲ့ ပတ်သက်လို့ မွတ်စလင်ကမ္ဘာရဲ့ ပထမဆုံး အဓိက အားထုတ်မှုတစ်ခုလည်း ဖြစ်ပါတယ်။ “မဒီနာပဋိဉာဏ်စာတမ်း” ရဲ့ ဥပမာတစ်ချက်ကိုပြောရရင် အပိုဒ် ၁၇ မှာ ဖော်ပြထားတဲ့ “ဂျူးဘာသာဝင်တ စ်ယောက်ဖြစ်ခြင်းကြောင့် မည်သည့်ဂျူးမှ လမ်းမှားသည်ဟု သတ်မှတ်ခံရမည်မဟုတ်” ဆိုတာပါပဲ။

အခုပြုလုပ်မယ့် ညီလာခံဟာ မွတ်စလင်အများစုရှိရာဒေသတွေမှာ နေထိုင်နေကြတဲ့ ဘာသာရေးလူနည်းစုတွေရဲ့ အခွင့်အရေးတွေကို ခိုင်မာစေမယ့် အစ္စလာမ့်ဥပဒေအခြေပြု ကြေငြာချက်အသစ် ထွက်ပေါ်လာဖို့ ရည်ရွယ်တာဖြစ်ပါတယ်။

ဒီညီလာခံကို တက်ရောက်ဖို့အတွက် ခရစ်ယာန်၊ ဂျူး၊ ဟိန္ဒူနဲ့ ဆစ်ခ်ဘာသာတရားတွေနဲ့ အခြားသော ဘာသာတရားတွေက ထိပ်တန်း ဘာသာရေးခေါင်းဆောင်တွေကိုလည်း ဖိတ်ကြားထားတယ်လို့ ဆိုပါတယ်။

အမေရိကန်ပြည်ထောင်စု ဗာဂျီးနီးယားမြောက်ပိုင်းက အရေးပါတဲ့ ဗလီဝတ်ကျောင်းတော်အခြေပြုအဖွဲ့ All Dulles Area Muslim Society အကြီးအကဲ အီမမ် မိုဟာမက် မဂျစ်ကတော့ ကမ္ဘာတစ်ဝှမ်းလုံးက မွတ်စလင်တွေဟာ ဒီညီလာခံကို အခြေပြုပြီး နိုင်ငံရေးကြေငြာချက်၊ စာသင်ကျောင်းသင်ရိုးညွှန်းတမ်းတို့ကို ရေးဆွဲတာမျိုး ဖြစ်လာဖို့ မျှော်လင့်တယ်လို့ ပြောကြားခဲ့ပါတယ်။

ဒီညီလာခံရဲ့ နောက်ထပ်ရည်ရွယ်ချက်တစ်ခုကတော့ အစ္စလာမ်သာသနာမှာ ဘာသာရေးလူနည်းစုတွေရဲ့ အခွင့်အရေးကို ဘယ်လိုအသိအမှတ်ပြုထားလဲဆိုတာ မွတ်စလင်တွေကို ပြန်လည် အမှတ်ရစေဖို့လည်း ဖြစ်ပါတယ်။ ဒါတင်မကေသေးဘဲ မွတ်စလင်တွေကိုရော၊ မွတ်စလင်မဟုတ်သူတွေကိုပါ တိုက်ခိုက်သတ်ဖြတ်နေတဲ့ အစွန်းရောက်အကြမ်းဖက်အဖွဲ့ IS ရဲ့ ကြောက်မက်ဖွယ် ဒဿနတွေကို ဒီညီလာခံကနေ တိုက်ဖျက်နိုင်ဖို့လည်း မျှော်လင့်နေပါတယ်။

“မွတ်စလင်နဲ့ မွတ်စလင်မဟုတ်သူတွေဟာ အတူတကွ နေထိုင်လို့မရဘူးဆိုတဲ့ အယူအဆကို ကျွန်တော်တို့ တိုက်ဖျက်ချင်ပါတယ်။ ကျွန်တော်တို့ဟာ ဒီယူအဆမှာ ပါဝင်မယ့်သူတွေ မဟုတ်သလို၊ ဒီအယူအဆကို လက်ခံမယ့်သူတွေလည်း မဟုတ်ပါဘူး” လို့ ယူဆွဖ်က ထည့်သွင်းပြောကြားခဲ့ပါတယ်။

Ref: Washingtionpost