အစားအစာလေလွင့်မှု ထိန်းချုပ်ရေး ဆော်ဒီဆွေးနွေး

ဇန်န၀ါရီ ၂၄၊ ၂၀၁၆
M-Media

– မြေအောက်ရေအပါအ၀င် တိုင်းပြည်ရဲ့သဘာဝသယံဇာတတွေကို ခြိမ်းခြောက်နေတဲ့အတွက် အစားအစာတွေ လေလွင့်မှုကို လျှော့ချဖို့ ကော်မတီဖွဲ့စည်းပြီး ဆောင်ရွက်ရမယ်လို့ ဆော်ဒီနိုင်ငံ တော်ဝင်တရားရုံးတော်က အမိန့်ပေးညွှန်ကြားခဲ့ကြောင်း စိုက်ပျိုးရေးဝန်ကြီး အဗ္ဗဒူလ်ရာဟ်မန်အလ်ဖဒ်လီက ပြောကြားလိုက်ပါတယ်။

မကြာသေးခင်က လေ့လာချက်တစ်ခုအရ ဆော်ဒီအာရေးဗီးယားရဲ့ တိုးပွားလာတဲ့လူဦးရေကြောင့် ယခုနှစ်မှာ အစားအစာပြုန်းတီးမှု တန်ချိန် ၁၄ သန်း ရှိရာကနေ ၂၀၂၀ ခုနှစ်မှာ တန်ချိန် ၁၇.၅ သန်း ရှိလာမယ့်အပြင် အလေအလွင့်တွေကို ပြန်လည်သိမ်းဆည်းရမယ့် ကုန်ကျစရိတ်ဟာ နှစ်စဉ် ဆော်ဒီရီယဲလ် သန်းပေါင်း ၃၆၀ လောက် ကုန်ကျနိုင်တယ်လို့ ခန့်မှန်းထားပါတယ်။

‘အစားအစာ လေလွင့်ပြုန်းတီးမှုလျှော့ချရေး” ခေါင်းစဉ်နဲ့ လယ်ယာစိုက်ပျိုးရေးဝန်ကြီးဌာနက ဦးစီးဆောင်ရွက်တဲ့ အ
လုပ်ရုံဆွေးနွေးပွဲတစ်ခုကိုလည်း ကျင်းပပြုလုပ်ခဲ့ပြီး အဲဒီဆွေးနွေးပွဲမှာ စည်ပင်သာယာရေးဌာနမှ တာဝန်ရှိသူ ယူစွဖ် အလ်-ဆအစ်ဖ် တင်သွင်းတဲ့ စာတမ်းတစ်စောင်အရ ဆော်ဒီနိုင်ငံသားတိုင်းဟာ တစ်နှစ်မှာ ပျမ်းမျှ ၅၁၁ ကီလိုဂရမ်နှုန်း၊ တစ်ရက်မှာ ၁.၂ မှ ၁.၄ ကီလိုဂရမ်နှုန်း အစားအစာလေလွင့်မှုကို ပြုလုပ်နေတယ်လို့ ဖော်ပြထားပါတယ်။

ဥယျာဉ်၊ ပန်းခြံတွေကထွက်တဲ့ အော်ဂဲနစ် ပစ္စည်းတွေနဲ့ စားကြွင်းစားကျန်တွေဟာ တစ်နိုင်ငံလုံး စွန်ပစ်ပစ္စည်းတွေရဲ့ ၄၀ ရာခိုင်နှုန်းလောက်ရှိပြီး၊ အစာကြွင်းအကျန် သီးသန့်ဆိုရင်တော့ တစ်နိုင်ငံလုံးက စွန့်ပစ်ပစ္စည်းတွေရဲ့ ၂၈ ရာခိုင်နှုန်းလောက်ရှိပါတယ်။ ဒါဟာ မင်္ဂလာပွဲတွေနဲ့ အခြားသော လူမှုရေးပွဲတွေမှာ အစားအသောက် ပိုလျှံမှုတွေနဲ့လည်း ဆက်စပ်နေပါတယ်။

မက်စ်ဂျစ်ဒ် ဟရမ် ဗလီဝတ်ကျောင်းတော်ကြီးရဲ့ တရားဟောဆရာနဲ့ ရှေ့ဆောင်အီမာန်ဖြစ်ပြီး၊ အကြီးတန်း ဓမ္မပညာရှင်များကောင်စီရဲ့ အဖွဲ့ဝင်တစ်ဦးလည်းဖြစ်သူ ရှိုက်ဆွာလေ ဘင် ဟူမိုဒ် တင်သွင်းတဲ့ စာတမ်းမှာတော့ အစားအသောက်ဖြုန်းတီးခြင်းဟာ အပြစ်ထိုက်တယ်လို့ ဖော်ပြထားပါတယ်။

Ref: Arabnews