IS အဖွဲ့နဲ့ဆက်နွယ်နေတဲ့ စစ်သွေးကြွခုနှစ်ဦးကို ဖမ်းဆီးထိန်းသိမ်းနိုင်ကြောင်း မလေးရှားပြော

ဇန်ဝါရီ ၂၅၊ ၂၀၁၆
M-Media

– နိုင်ငံတစ်ဝှမ်း သုံးရက်ကြာ စစ်ဆင်ရေးလုပ်ပြီးနောက် IS လျှို့ဝှက်အဖွဲ့ခွဲတစ်ခုရဲ့ အဖွဲ့ဝင် ခုနှစ်ယောက်ကို ဖမ်းဆီးထိန်းသိမ်းနိုင်ခဲ့တယ်လို့ မလေးရှားရဲတပ်ဖွဲ့က ယမန်နေ့မှာ ပြောကြားခဲ့ပါတယ်။

မလေးရှားက အိမ်ရှင်အဖြစ်ပြုလုပ်မယ့် အစွန်းရောက်တိုက်ဖျက်ရေးနဲ့ အကြမ်းဖက်မှုပပျောက်ရေးဆိုင်ရာ နိုင်ငံတကာ နှီးနှောဖလှယ်ဖွဲတစ်ခု မကျင်းပခင် အဲဒီစစ်ဆင်ရေးကို ဇန်န၀ါရီ ၂၂ ရက်နေ့က ပြည်နယ် ၄ ခုမှာ ပြုလုပ်ခဲ့တာဖြစ်ပါတယ်။

သံသယရှိသူတွေဟာ အင်ဒိုနီးရှားနိုင်ငံ ဂျကာတာမြို့မှာ လူခုနှစ်ယောက်သေဆုံးစေခဲ့တဲ့ ဇန်န၀ါရီ ၁၄ အသေခံဗုံးခွဲမှုတွေကို ပြုလုပ်ဖို့ခိုင်းစေခဲ့တဲ့ စစ်သွေးကြွခေါင်းဆောင်တစ်ဦးဖြစ်သူ ဘာဟ်ရန် နအင်း အပါအ၀င် ဆီးရီးယားအခြေစိုက် IS အဖွဲ့ဝင်တွေထံကနေ မလေးရှားမှာ တိုက်ခိုက်မှုတွေပြုလုပ်ဖို့ ညွှန်ကြားချက်တွေ ရရှိထားတယ်လို့ ရဲတပ်ဖွဲ့က ပြောပါတယ်။

မကြာခင်က ဆီးရီးယားမှာ ခေါင်းဖြတ်သတ်တဲ့ ဗီဒီယိုတစ်ခုနဲ့ဆက်နွယ်မှုရှိတဲ့ မလေးရှားနိုင်ငံသား IS စည်းရုံးရေးမှူး မိုဟာမက် ၀မ်ဒီ မိုဟာမက် ဂျေဒီ က ယခုဖမ်းဆီးခံရတဲ့သူတွေကို အမိန့်ပေးညွှန်ကြားနေတာဖြစ်တယ်လို့ ရဲချုပ် ခါလစ်ဒါ အဘူဘာကာရ်က ပြောကြားခဲ့ပါတယ်။

ခါလစ်ဒ်ရဲ့ ပြောကြားချက်အရ ကွာလာလမ်ပူမှာ အသေခံတိုက်ခိုက်ဖို့ ကြံစည်နေတယ်လို့ ၀န်ခံထွက်ဆိုထားတဲ့ သံသယရှိသူ စစ်သွေးကြွတစ်ဦးကို ဇန်န၀ါရီ ၁၅ ရက်နေ့က ဖမ်းမိရာကနေ ကျန်တဲ့သူတွေကိုပါ ဖမ်းဆီးနိုင်ခဲ့တာဖြစ်တယ်လို့ သိရပါတယ်။

သံသယရှိထားသူတွေထဲက တစ်ဦးဟာ ဆီးရီးယားမှာရှိတဲ့ IS တွေနဲ့ ဆက်သွယ်ပြီး မလေးရှားနိုင်ငံသားတွေဆီက ငွေကြေးထောက်ပံ့မှုတွေလုပ်ဖို့ တာဝန်ယူထားတယ်လို့ ယုံကြည်ရပါတယ်။ ပြီးတော့ ယင်းငွေတွေကို မလေးရှားမှာပဲ အကြမ်းဖက်မှုတွေလုပ်ဖို့ သုံးစွဲမှာဖြစ်တယ်လို့ ခါလစ်ဒ်က ပြောပါတယ်။

ဖမ်းဆီးခံရသူတွေအားလုံးဟာ မလေးရှားနိုင်ငံသား အမျိုးသားတွေဖြစ်ပြီး အသက် ၂၆ နဲ့ ၅၀ ကြား ရှိကြပါတယ်။ ဖမ်းဆီးရမိတဲ့ပစ္စည်းတွေထဲမှာ ကျည်ဆန်တွေ၊ စာရွက်စာတမ်းတွေ၊ IS အလံတွေနဲ့ ၀ါဒမှိုင်းတိုက်တဲ့ ဗီဒီယိုတွေ ပါဝင်ပါတယ်။

Ref: Reuter