ဘိုးအင်းဂျက်လေယာဉ် အစီး ၁၀၀ ကျော် ၀ယ်ယူရန် အီရန်စီစဉ်

ဇန်န၀ါရီ ၂၅၊ ၂၀၁၆
M-Media

– အရပ်ဖက်လေကြောင်းသယ်ယူပို့ဆောင်ရေးလုပ်ငန်း ပြန်လည်ဆန်းသစ်ရေးအစီအစဉ် အစိတ်အပိုင်းအဖြစ် အမေရိကန်လေယာဉ်ကုမ္ပဏီ ဘိုးအင်းထံမှ လေယာဉ် အစီး ၁၀၀ ကျော်ဝယ်ယူဖို့ စီစဉ်နေတယ်လို့ အီရန်အစိုးရတာဝန်ရှိသူတွေက ကြေငြာလိုက်ပါတယ်။

နိုင်ငံတကာက စီးပွားရေးပိတ်ဆို့မှုများ ရုတ်သိမ်းပြီးချိန်မှစပြီး နိုင်ငံတကာစီးပွားရေးလုပ်ငန်းတွေ ပြန်လည်စတင်ရန် ကြိုးပမ်းလာတဲ့အချိန် အဆိုပါကြေညာချက်ကို သယ်ယူပို့ဆောင်ရေးဝန်ကြီးဌာန ဒုတိယ၀န်ကြီး အဇ်ဂဲရ် ဖက္ကရီး ကာရှန်း က ကြေငြာခဲ့တာဖြစ်ပါတယ်။

ထို့ပြင် ဈေးကွက်စီးပွားရေးဖွံ့ဖြိုးရန်အတွက် လေဆိပ်လုပ်ငန်း၊ လေကြောင်းခရီးစဉ်လုပ်ငန်း၊ ခရီးသွားလာရေးလုပ်ငန်
းနဲ့ သယ်ယူပို့ဆောင်ရေးလုပ်ငန်းများအကြောင်းဆွေးနွေးမယ့် လေကြောင်းဆိုင်ရာ ထိပ်သီးအစည်းအဝေးကိုလည်း တီဟီရန်မှာ စတင်ကျင်းပပြုလုပ်နေပါတယ်။

ဘိုးအင်းကုမ္ပဏီ တာဝန်ရှိသူများက အဆိုပါညီလာခံကို တက်ရောက်ရန် စီစဉ်ထားသော်လည်း ဗီဇာကိစ္စများကြောင့် ခရီးစဉ်ကို ဖျက်သိမ်းခဲ့ရပါတယ်။ ကုမ္ပဏီတာဝန်ရှိသူတစ်ဦးကတော့ အီရန်ဟာ ပြည်တွင်းပြေးဆွဲရန် ကိုယ်ထည်ကျဉ်း ဘိုးအင်း ၇၃၇ လေယာဉ်တွေနဲ့ ခရီးဝေးပျံသန်းဖို့ အတွက် ဘိုးအင်း ၇၇၇ လေယာဉ်တွေကို ၀ယ်ယူဖို့ စီစဉ်နေတယ်လို့ ဆိုပါတယ်။

အီရန် အရပ်ဖက်လေကြောင်းအဖွဲ့ ဥက္ကဌ အလီ အဘ်ဇီဒဟ်က အီရန်အနေနဲ့ ထိုင်ခုံ ၂၅၀ နဲ့အထက်ပါတဲ့ လေယာဉ်အစီး ၁၅၀ လောက် ချက်ချင်း လိုအပ်နေတယ်လို့ ပြောပါတယ်။ နောက်ထပ် ၁၀ နှစ်အတွင်းမှာ လုပ်ငန်းသုံးလေယာဉ်အသစ် အစီး ၅၀၀ ထပ်လိုမယ်လို့ သူက ထည့်သွင်း ပြောကြားခဲ့ပါတယ်။

ပို့ဆောင်ရေးဝန်ကြီး အဘာ့စ် အေခွန်ဒီက အီရန်လေယာဉ်လုပ်ငန်းမှာ လာရောက်ရင်းနှီးမြှုပ်နှံဖို့ အစ္စရေးနိုင်ငံကလွဲရင် ကျန်တဲ့ နိုင်ငံတကာကုမ္ပဏီအားလုံးကို ဖိတ်ခေါ်တယ်လို့ ပြောကြားခဲ့ပါတယ်။

Ref: Press TV