အကြမ်းဖက်တိုက်ဖျက်ရေး နိုင်ငံတကာညီလာခံကို မလေးရှားတွင်ပြုလုပ်

ဇန်န၀ါရီ ၂၅၊ ၂၀၁၆
M-Media

– အစွန်းရောက်မှုနှင့် အကြမ်းဖက်တိုက်ဖျက်ရေး နိုင်ငံတကာ ညီလာခံကို မလေးရှားနိုင်ငံ ကွာလာလမ်ပူမြို့တွင် ယနေ့မှ စတင်ကာ ကျင်းပပြုလုပ်နေပြီး IS အကြမ်းဖက်အဖွဲ့ကဲ့သို့ လက်နက်ကိုင်အုပ်စုများ၏ ကြီးထွားလာသော ခြိမ်းခြောက်မှုများမှ မလေးရှားပြည်သူများအား ကာကွယ်ပေးရန် မိမိအနေဖြင့် အရာရာတိုင်းကို ဆောင်ရွက်သွားမည်ဟု မလေးရှားဝန်ကြီးချုပ် နာဂျစ် ရာဇတ်က ပြောကြားလိုက်သည်။

ညီလာခံအဖွင့်မိန့်ခွန်းတွင် နာဂျစ်က ထိုကဲ့သို့ ပြောကြားလိုက်ခြင်းဖြစ်ပြီး မိမိတို့အနေဖြင့် အကြမ်းဖက်တိုက်ဖျက်ရေး ဥပဒေများကို ပြဌာန်းထားသည်ဟုလည်း ၀န်ကြီးချုပ်က ထည့်သွင်းပြောကြားခဲ့သည်။

အင်ဒိုနီးရှားနိုင်ငံ ဂျကာတာမြို့တွင် အကြမ်းဖက်တိုက်ခိုက်မှုဖြစ်ပွားအပြီး ၁၁ ရက်ကြာတွင် ပေါ်ထွက်လာခဲ့သည့် အဆိုပါ ညီလာခံမှာ ၂ ရက်တာ ကြာမြင့်မည်ဖြစ်ပြီး အာဆီယံနိုင်ငံမှ ၀န်ကြီးများ၊ မလေးရှား၏ မဟာဗျူဟာ မိတ်ဖက်နိုင်ငံ ၉ နိုင်ငံဖြစ်သော သြစတေးလျ၊ ပြင်သစ်၊ အီတလီ၊ ဂျပန်၊ တရုတ်၊ ဆော်ဒီ၊ ယူအေအီး၊ ယူကေနှင့် အမေရိကန်တို့မှ ၀န်ကြီးများလည်း တက်ရောက်ကြမည်ဖြစ်သည်။

ဂျကာတာတိုက်ခိုက်မှုက အရှေ့တောင်အာရှတွင် အကြမ်းဖက်အဖွဲ့၏ အယူအဆများ ပြန့်နှံ့မှု ကြီးထွားလာနေသည်ဟူသော စိုးရိမ်မှုများကို မြင့်တက်စေပြီး မလေးရှား အကြမ်းဖက်တိုက်ဖျက်ရေးဌာန အကြီးအကဲ အယွဘ်ခန်း မိုင်ဒင် ပစ်ချေးက မိမိတို့မှာ ဖြစ်လာနိုင်ဖွယ်ရှိသည့် တိုက်ခိုက်မှုတိုင်းကို တားဆီးနိုင်မည်မဟုတ်ဟု ပြောကြားခဲ့သည်။

“ဘယ်ဥပဒေစိုးမိုးရေးအဖွဲ့ကမှ ဒီလိုတိုက်ခိုက်မှုတွ ဖြစ်မလာဘူးလို့ ရာနှုန်းပြည့် အာမ မခံနိုင်ပါဘူး” ဟု ပစ်ချေးက ဆိုသည်။

ပြီးခဲ့သည့်ဖေဖော်ဝါရီလကတည်းက အကြမ်းဖက်တိုက်ခိုက်ရန် ကြံစည်မှုပေါင်း ၇ ခုကို ရဲတပ်ဖွဲ့က တားဆီးနိုင်ခဲ့သည်ဟု ၎င်းက ထည့်သွင်းပြောကြားခဲ့သည်။ နိုင်ငံရပ်ခြားတွင် IS အဖွဲ့နှင့် သွားရောက်ပူးပေါင်းသူ မလေးရှား နိုင်ငံသားများမှာ ရာကျော်ရှိသည်ဟု ခန့်မှန်းထားပြီး ၇၂ ဦးကို မည်သူမည်ဝါဖြစ်ကြောင်း ဖော်ထုတ်နိုင်ခဲ့ကာ ၈ ဦးမှာ နိုင်ငံအတွင်းသို့ ပြန်လည် ၀င်ရောက်လာခဲ့ကြသည်။

အစ္စလာမ်နှင့် မပတ်သက်

ဝန်ကြီးချုပ်နာဂျစ်ကမူ IS၊ အလ်ကိုင်းဒါးနှင့် မာလီ၊ ဘာကီနာဖာဆိုတို့တွင် တိုက်ခိုက်မှုများ ပြုလုပ်ခဲ့သည့် Islamic Maghreb ကဲ့သို့ အကြမ်းဖက်အဖွဲ့များမှာ အစ္စလာမ်နှင့် မည်သို့မှ သက်ဆိုင်ခြင်းမရှိဟု ထည့်သွင်းပြောကြားခဲ့သည်။

“လူရာချီသေတယ်။ တော်တော်များများက ဆိုးဆိုးဝါးဝါး ဒဏ်ရာရရှိခဲ့တယ်။ ဒါက ဘာအတွက်လဲ။ အစ္စလာမ်အတွက်မဟုတ်ပါဘူ။ အကြမ်းဖက်ဝါဒနဲ့ပတ်သက်တာဆိုလို့ အစ္စလာမ်မှာ ဘာမှမရှိဘူး။ ဒီအုပ်စုတွေက ငြိမ်းချမ်းရေး၊ သည်းခံမှုနဲ့ အပြန်အလှည် နားလည်သဘောပေါက်ဖို့အတွက် သင်ကြားတဲ့ ဘာသာတရားကို စော်ကားနေတဲ့ အုပ်စုတွေပါ။ ‘ငါတို့နာမည်ကို အလွဲသုံးစားမလုပ်နဲ့’ လို့ ကျယ်ကျယ်လောင်လောင် ပြောဆိုနေကြတဲ့ မွတ်စလင်အများစုကို အဲဒီ အဖွဲ့တွေက ကြောက်ရွံ့နေကြပါတယ်”

ထို့ပြင် အကြမ်းဖက်အစွန်းရောက်ဝါဒကို တိုက်ဖျက်ရေး အရေးပါသည့် အစိတ်အပိုင်းမှာ ဘာသာတရားနှင့်ပတ်သက်၍ ရုပ်ဖျက်ပြောဆိုခြင်း၊ လိမ်ညာပြောဆိုခြင်းတို့ကို ရှင်းလင်းဖယ်ရှားခြင်းပင် ဖြစ်သည်ဟု နာဂျစ်က ထပ်လောင်းပြောကြားခဲ့သည်။

Ref: Channelnewsasia