မန္တလေးမြို့၌ ၁၄၈၉နှစ်မြောက် မဟာတမန်တော်မြတ်မွေးနေ့ကျင်းပ

မန္တလေး ဇန်နဝါရီ ၂၅
.
၁၄၈၉ နှစ်မြောက် မဟာတမန်တော်မြတ် မွေးနေ့အခမ်းအနားကို ဇန်နဝါရီ၂၅ ရက် နံနက် ၇နာရီခွဲမှ မွန်းတည့် ၁၂နာရီအထိ မန္တလေးမြို့ စကြာနွယ်စဉ်ရပ် ၇၄လမ်း၊ ၃၆×၃၇လမ်းကြားရှိ မဏ္ဍပ်၌ မန္တလေးမြို့ (KAFTG) ဃရာနာမိသားစုက ကြီးမှူးကျင်းပသည်။ (အပေါ်ပုံ)
.
ရှေးဦးစွာ ၇၄လမ်း၊ ၃၆×၃၇လမ်းစုရပ်မဏ္ဍပ်မှ ၇၇လမ်းအထိ၊ ထိုမှ ၃၅လမ်းထိ၊ ၃၅လမ်း၊ ၇၄လမ်းဗဟိုထိ စီတန်းလှည့်လည်၍ တမန်တော်အား ချီးကျုးဂုဏ်ပြုရွတ်ဖတ်မှုပြုလုပ်ရာ မန္တလေးမြို့ရှိ အစ္စလာမ်ဘာသာဝင်များ၊ မန္တလေးမြို့လုံးဆိုင်ရာ တမန်တော်နေ့ကျင်းပရေးကော်မတီဝင်များ၊ ဃရာနာမိသားစုဝင်များ စီတန်းလှည့်လည်ပွဲတွင် လိုက်ပါကြသည်။
.
ထို့နောက် စုရပ်ဖြစ်သည့် မဏ္ဍပ်၌ တရားတော်များဟောကြားခဲ့ရာ ကမ္ဘာ့ဗုဒ္ဓဘာသာငြိမ်းချမ်းရေးညီလာခံသို့ တက်ရောက်လာသည့် ဧည့်သည်တော် အီရန်နိုင်ငံ ယဉ်ကျေးမှုဝန်ကြီးဌာန ဘာသာပေါင်းစုံ တက္ကသိုလ်အဓိပတိနှင့် (KAFTG) ဃရာနာမိသားစုက ဦးဆောင်ပြီး တက်ရောက်လာသူများအား တရားဒေသနာတော်များ ဟောကြားသည်။
.
အဆိုပါ တမန်တော်မြတ်မွေးနေ့အခမ်းအနားသို့  မန္တလေးနှင့်အနီးဝန်းကျင်ဒေသများမှလည်း တက်ရောက်ခဲ့ကြကြောင်း သိရသည်။ ယင်းအခမ်းအနားကို မန္တလေးမြို့၌ နှစ်စဉ်ကျင်းပကြောင်း သိရှိရသည်။
.
ခင်ခင်ဝင်း(ပညာရေး)
၂၆၊၁၊ ၂၀၁၆ မြန်မာ့အလင်းသတင်းစာမှ ကူးယူဖော်ပြသည်။