ပရီးမီးယားလိဂ်မှာ စံချိန်သစ်တင်ချင်နေတဲ့ အဒီဘာယော

ဇန်န၀ါရီ ၂၇၊ ၂၀၁၆
M-Media

– ပရီးမီးယားလိဂ်တွင် ဂိုးအများဆုံးသွင်းယူသူ အာဖရိက ကစားသမားအဖြစ် စာရင်းဝင်သည့် ဒရော့ဘာ၏ စံချိန်ကို ချိုးဖျက်ရန် ဆန္ဒရှိနေသည်ဟု ခရစ္စတယ်ပဲလေ့စ်၏ တိုက်စစ်မှူးသစ် အီမန်နျူယဲလ် အဒီဘာယောက ပြောကြားလိုက်သည်။

အာဆင်နယ်၊ မန်စီးတီနှင့် စပါးအသင်းတို့၏ တိုက်စစ်မှူေးဟောင်း အဒီဘာယောမှာ ယမန်နေ့က ခရစ္စတယ်ပဲလေ့စ်အသင်းသို့ ရာသီကုန်စာချုပ်ဖြင့် ရောက်ရှိလာခဲ့ခြင်းဖြစ်သည်။ ဒရော့ဘာမှာ ပရီးမီးယားလိဂ်တွင် ၁၀၄ ဂိုးသွင်းထားကာ ဂိုးအများဆုံးသွင်းသည့် အာဖရိက ကစားသမား ဖြစ်နေပြီး အဒီဘာယောကမူ ထိုစံချိန်ကို ချိုးဖျက်ရန် ၈ ဂိုးသာလိုတော့သည်။

“အခုအချိန်အထိ ဘောလုံးလောကမှာ ရရှိခဲ့တဲ့အောင်မြင်မှုတွေအတွက် ကျွန်တော် တော်တော်လေး ကျေနပ်ပါတယ်။ ဘယ်လောက်ပဲနှစ်တွေကြာကြာ တိုဂိုက တိုဂိုပါပဲ။ ကျွန်တော်ဟာ ပရီးမီးယားလိဂ်မှာ ကစားခွင့်ရတဲ့ ပြီးတော့ ဂိုးတွေ ဒီလောက်သွင်းခွင့်ရတဲ့ တစ်ဦးတည်းသော တိုဂိုကစားသမားပါပဲ။ ဒ့ါကြောင့် ဒါနဲ့ပတ်သက်ပြီး ကျွန်တော် ပျော်ရွှင်မိပါတယ်။ တကယ်လို့ (ဒရော့ဘာရဲ့စံချိန်ကို) ချိုးနိုင်မယ်ဆိုရင်တော့ ကျွန်တော့်ရဲ့ ကစားသမားဘ၀တစ်လျှောက် အကောင်းဆုံးသောအရာ ဖြစ်မှာပါ။ မချိုးနိုင်ရင်လည်း ကျွန်တော် ဆက်ပြီး ပျော်ရွှင်နေမှာပါပဲ။ တိုက်စစ်မှူးတစ်ယောက်အတွက် အရေးကြီးဆုံးက ဂိုးတွေသွင်းဖို့ပါပဲ” ဟု အဒီဘာယောက ပြောကြားခဲ့သည်။

အဒီဘာယောမှာ ၂၀၁၅ ခုနှစ် ဇန်န၀ါရီလမှစ၍ ပရီးမီးယားလိဂ်တွင် ၁၇ မိနစ်သာ ကစားထားသောကြောင့် ၎င်း၏ ကြံ့ခိုင်မှုနှင့်ပတ်သက်၍ စိုးရိမ်မှုများ ရှိနေသည်။

Ref : Goal