၃ လအတွင်း ၇ ကြိမ်မြောက် ဖားကန့်မြေစာပုံပြိုကျမှု အနည်းဆုံး ၆ ဦးသေဆုံး

ဇန်န၀ါရီ ၂၇၊ ၂၀၁၆
M-Media

– ဖားကန့်တွင် တနင်္လာနေ့ နေ့လည်ပိုင်းက ဖြစ်ပွားခဲ့သော မြေစာပုံပြိုကျမှုအတွင်း အနည်းဆုံး လူ ၆ ဦးသေဆုံးကြောင်း အတည်ပြုနိုင်ခဲ့သည်ဟု သိရသည်။

အဆိုပါ အဖြစ်အပျက်မှာ နိုဝင်ဘာလအတွင်း လူပေါင်း ၁၀၀ ကျော်သေဆုံးခဲ့သည့် မြေစာပုံပြိုကျမှုပြီးနောက် ၆ ကြိမ်မြောက်ဖြစ်ပွားခြင်းလည်းဖြစ်ပြီး သေဆုံးသွားသူများ၏ ဈာပနကို စီစဉ်ပေးရသည့် ဖားကန့် နှစ်ခြင်း ခရစ်ယာန်ဘုရားကျောင်းကမူ ပြိုကျခဲ့သည့် မြေစာပုံအောက်တွင် လူတစ်ဒါဇင်ကျော်ခန့် ရှိနေဆဲဟု ပြောကြားခဲ့သည်။

“ကျွန်တော်တို့ သူတို့ကို ဒီနေ့ အသုဘချမှာပါ။ တစ်ချို့မိသားစုတွေကတော့ လာရောက်ကြပြီး တစ်ချို့တွေကတော့ မလာကြပါဘူး။ သူတို့ကို ကျွန်တော်တို့ ထပ်စောင့်လို့မရတော့ပါဘူး။ မြေစာပုံအောက်မှာ နောက်ထပ် လူတစ်ဒါဇင်လောက် ရှိနိုင်ပါတယ်။ ဒါပေမယ့် တော်တော်လေး အန္တရာယ်ရှိတဲ့အတွက်ကြောင့် အလောင်းတွေကို ထုတ်ဖို့ ခက်ခဲပါတယ်” ဟု ဘုရားကျောင်းတာဝန်ရှိသူ ဒတ်လက ပြောကြားခဲ့သည်။

မြန်မာနိုင်ငံပိုင်မီဒီယာကမူ ပန်ခမ်ဘမ်းရွာတွင် ဖြစ်ပွားခဲ့သည့် ထိုအဖြစ်အပျက်အတွင်း လူ ၃ ဦးသေဆုံးခဲ့သည်ဟု သတင်းထုတ်ပြန်ခဲ့သည်။ ဒေသတွင်း ရဲအရာရှိတစ်ဦးဖြစ်သူ ကျော်စိုးကမူ ပြိုကျခဲ့သော မြေစာပုံမှာ ပေ ၁၀၀ ကျော်မြင့်ကာ ပေ ၁၅၀ ကျော် ထုရှိပြီး ထိုမြေစာပုံဘေးနားတွင် ကျောက်တူးသမား ၁၀၀ ခန့် နေထိုင်ကြသည်ဟု ပြောကြားခဲ့သည်။

ဒေသတွင်း အမျိုးသားဒီမိုကရေစီအဖွဲ့ချုပ်ပါတီမှ အဖွဲ့ဝင်တစ်ဦဖြစ်သူ ခင်မောင်ချစ်က မြေစာပုံပြိုကျမှုအတွင်း ကျောက်တူးသမားများနေထိုင်သည့် တဲ ၄ လုံး နစ်မြုပ်သွားခဲ့ပြီး၊ လူပေါင်း တစ်ဒါဇင်ကျော်ခန့် သေဆုံးနိုင်ကြောင်း သို့ရာတွင် မည်မျှသေဆုံးသည်ကို အတိအကျသိရှိရန် ကြိုးစားနေကြောင်း ထည့်သွင်းပြောကြားခဲ့သည်။

Ref : ABC News