အတိုက်အခံများကို ကျေးဇူးတင်ပြီး တိုင်းပြည်အတွက် ပူးပေါင်းဆောင်ရွက်မည်ဟု ယုံကြည်ကြောင်း ဒေါ်အောင်ဆန်းစုကြည် ပြော

ဇန်န၀ါရီ ၃၀၊ ၂၀၁၆
M-Media

– တနင်္လာနေ့မှစတင်ကာ လွှတ်တော်အား ထိန်းချုပ်နိုင်တော့မည့် အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က မိမိ၏ပါတီအတွက် လမ်းဖွင့်ပေးခဲ့သည့် အတိုက်အခံများကို ကျေးဇူးတင်သည်ဟုဆိုပြီး တိုင်းပြည်ကောင်းစားရေးအတွက် ပူးပေါင်းဆောင်ရွက်သွားမည်ဟု ယုံကြည်ကြောင်း ပြောကြားလိုက်သည်။

ယမန်နေ့က ပထမအကြိမ် ပြည်ထောင်စုလွှတ်တော် ပုံမှန်အစည်းအဝေး မိန့်ခွန်းတွင် ဒေါ်အောင်ဆန်းစုကြည်က ယခုကဲ့သို့ ပြောကြားခဲ့ခြင်းဖြစ်သည်။ ယမန်နေ့မှာ စစ်တပ်ကျောထောက်နောက်ခံပြု  ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက နေရာအများစုရရှိခဲ့သည့် ပထမအကြိမ်လွှတ်တော် သက်တမ်းကုန်သည့်နေ့လည်း ဖြစ်သည်။

“လွတ်တော်အတွင်းမှာပဲဖြစ်ဖြစ်၊ လွှတ်တော်ပြင်ပမှာပဲဖြစ်ဖြစ် တိုင်းပြည်နဲ့ ပြည်သူအကျိုးအတွက် ကျွန်မတို့အားလုံးဟာ ပူးပေါင်းဆောင်ရွက်နိုင်ကြမယ်လို့ ကျွန်မ ယုံကြည်ပါတယ်” ဟု ဒေါ်အောင်ဆန်းစုကြည်က ထည့်သွင်း ပြောကြားခဲ့သည်။

လွှတ်တော်နောက်ဆုံးနေ့တွင် လွှတော်ကိုယ်စားလှယ်ဟောင်းများအား နှုတ်ဆက်ခြင်းနှင့် ကိုယ်စားလှယ်သစ်များအား ကြိုဆိုခြင်း အခမ်းအနားကိုလည်း ပြုလုပ်ခဲ့ကြပြီး သီချင်းသီဆိုမှုများ အကများဖြင့် ပျော်ရွှင်စွာ အဆုံးသတ်ခဲ့ကြသည်။ ပြည်ထောင်စုလွှတ်တော်နာယကနှင့် ပြည်သူ့လွှတ်တော်ဥက္ကဌ သူရဦးရွှေမန်းကမူ အမျိုးသားဒီမိုကရေစီအဖွဲ့ချုပ်က တောင်ပြိုကမ်းပြို အနိုင်ရခဲ့သည့် နိုဝင်ဘာရွေးကောက်ပွဲမှာ ပြည်သူများ၏အောင်ပွဲဟု ယမန်နေ့ လွှတ်တော်မိန့်ခွန်းတွင်ပြောကြားခဲ့သည်။

ထို့ပြင် မိမိ၏ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ရှုံးနိမ်းခဲ့မှုအတွက် ၀မ်းနည်းမိသည်ဟုဆိုသည်။

“ရွေးကောက်ပွဲမှာ ကျွန်တော်တို့ ရှုံးတဲ့အတွက် ကျွန်တော် စိတ်မကောင်းဖြစ်မိပါတယ်။ အရင်ကပြောသလိုပဲ ပြည်သူတွေက ရွေးကောက်ပွဲမှာ အနိုင်ရခဲ့တာပါ။ ဒါ့ကြောင့် ပြည်သူထဲကတစ်ယောက်ဖြစ်တဲ့ ကျွန်တော်လည်း ရွေးကောက်ပွဲမှာ အနိုင်ရခဲ့ပါတယ်။ ဒေါ်အောင်ဆန်းစုကြည်ကလည်း ဒါဟာ သူ့ရဲ့ ကိုယ်စားလှယ်လောင်းတွေ အောင်နိုင်တာမဟုတ်ဘဲ ပြည်သူတွေက ရွေးကောက်တာလို့ ပြောပါတယ်။ ဒါ့ကြောင့် ပြည်သူတွေက အနိုင်ရတာပါ” ဟု သူရ ဦးရွှေမန်းက ပြောကြားခဲ့သည်။

နိုဝင်ဘာ ၈ ရက်နေ့ ရွေးကောက်ပွဲတွင် ရွေးကောက်တင်မြှောက်ခြင်း ခံခဲ့ရသည့် လွှတ်တော်ကိုယ်စားလှယ်များမှာ ဖေဖော်ဝါရီ ၁ ရက် တနင်္လာနေ့မှစတင်ကာ ဒုတိယအကြိမ် လွှတ်တော်ပုံမှန်အစည်းအဝေးကို ကျင်းပပြုလုပ်တော့မည်ဖြစ်သည်။

တောင်ပြိုကမ်းပြိုအနိုင်ရခဲ့သည့် အမျိုးသားဒီမိုကရေစီအဖွဲ့ချုပ်က အစိုးရအား ဦးဆောင်ဖွဲ့စည်းနိုင်မည်ဖြစ်သော်လည်း နိုင်ငံ၏ အရေးပါသော ရာထူးများကို စစ်တပ်က ချုပ်ကိုင်ထားဆဲဖြစ်ကာ စစ်တပ်မှာ နိုင်ငံ၏ တရားစီရင်ရေးနှင့် အုပ်ချုပ်ရေးစနစ်၏ အထက်တွင် ရှိနေဆဲဖြစ်သည်။

Ref: BBC, RFA