အစ္စရေး၏လုပ်ရပ်မှာ လွန်လွန်းနေပြီး ပါလက်စတိုင်းအား အသိအမှတ်ပြုတော့မည်ဟု ပြင်သစ်ကြေငြာ

ဇန်န၀ါရီ ၃၀၊ ၂၀၁၆
M-Media

– လာမည့်သီတင်းပတ်များတွင် ပါလက်စတိုင်း-အစ္စရေးပြဿနာအတွက် နိုင်ငံတကာ၏ အားထုတ်မှု မအောင်မြင်ပါက ပါလက်စတိုင်းအား အချုပ်အခြာအာဏာပိုင်နိုင်ငံအဖြစ် အသိအမှတ်ပြုတော့မည်ဟု ပြင်သစ်က ကြေငြာလိုက်သည်။

“သက်ဆိုင်ရာနှစ်ဖက်နိုင်ငံ၊ သူတို့ရဲ့ အဓိကမိတ်ဖက်နိုင်ငံတွေဖြစ်တဲ့ အမေရိကန်၊ ဥရောပနဲ့ အာရပ်နိုင်ငံတွေပါဝင်တဲ့ နိုင်ငံတကာဆွေးနွေးပွဲတစ်ခု ဖြစ်လာဖို့ ပြင်ဆင်ရင်း နှစ်နိုင်ငံအဖြေထွက်လာဖို့အတွက် ပြင်သစ်က လာမယ့်သီတင်းပတ်တွေမှာ စေ့စပ်ဆောင်ရွက်သွားမှာပါ” ဟု ပြင်သစ်နိုင်ငံခြားရေးဝန်ကြီး လော့ရန့် ဖာဘီယက်စ်က ယမန်နေ့တွင် ပြောကြားခဲ့သည်။

ထိုကြိုးပမ်းမှုမှာ ပါလက်စတိုင်း-အစ္စရေးပြဿနာအတွက် နောက်ဆုံးကြိုးပမ်းမှုဖြစ်ပြီး မအောင်မြင်ပါ “မိမိတို့မှာ ပါလက်စတိုင်းအား အချုပ်အခြာအာဏာပိုင် နိုင်ငံတစ်ခုအဖြစ် သတ်မှတ်၍ တာဝန်ကျေပွန်အောင်ဆောင်ရွက်ရန် လိုအပ်သည်” ဟု နိုင်ငံခြားရေးဝန်ကြီးက ထည့်သွင်းပြောကြားခဲ့သည်။

ကုလသမဂ္ဂ လုံခြုံရေးကောင်စီ၏ အမြဲတမ်းအဖွဲ့ဝင်နိုင်ငံအဖြစ် ပြင်သစ်မှာ အစ္စရေးနှင့် ပါလက်စတိုင်းပြဿနာ အဖြေရှားရေး ကြိုးပမ်းမှုပြုလုပ်သွားရန် တာဝန်ရှိသူဟုလည်း ၎င်းက ဆိုသည်။

“ကံမကောင်းစွာပဲ နယ်မြေတွေဆက်လက်သိမ်းပိုက်နေတာကို ကျွန်တော်တို့မြင်နေရတယ်။ ကုလအတွင်းရေးမှူးချုပ်က နယ်မြေသိမ်းပိုက်မှုလုပ်တာကို သတိပေးပြီး၊ ရပ်တန့်ဖို့ပြောတာကို အစ္စရေးဝန်ကြီးချုပ်က အတွင်းရေးမှူးချုပ်ဟာ အကြမ်းဖက်ဝါဒကို အားပေးနေတယ်လို့ပြောလိုက်တာက တော်တော်လေးကို လွန်လွန်းပါတယ်” ဟု ဖာဘီယက်စ်က ပြောကြားခဲ့သည်။

ကုလအတွင်းရေးမှူးချုပ် ဘန်ကီမွန်က ပါလက်စတိုင်းပိုင်နက်များအား အစ္စရေးက နှစ်ပေါင်း ၅၀ ကျော်ကြာ ကျူကျော်သိမ်းပိုက်နေမှုကို အင်္ဂါနေ့က ဝေဖန်ပြောကြားခဲ့ပြီး၊ နှစ်နိုင်ငံအဖြေရအောင် ဆောင်ရွက်မည်ဆိုသော အစ္စရေး၏ ကတိက၀တ်အတွက် မေးခွန်းထုတ်ခဲ့သည်။ ထို့ပြင် အစ္စရေးမှာ နိုင်ငံတကာအသိုင်းအ၀ိုင်းနှင့် ပါလက်စတိုင်းပြည်သူများအား စိန်ခေါ်နေသည်ဟု ထည့်သွင်းပြောကြားခဲ့သည်။

အစ္စရေးက ပါလက်စတိုင်းနယ်မြေများကို သိမ်းပိုက်နေကာ ပါလက်စတိုင်းပြည်သူများအပေါ် ကျူးလွန်မှုများအတွက် ပြီးခဲ့သည့်လများအတွင်း အမေရိကန်၊ ဥရောပသမဂ္ဂနှင့် ကုလသမဂ္ဂတို့က ဝေဖန်မှုများကို အဆက်မပြတ်ပြုလုပ်ခဲ့သည်။ သို့သော်လည်း အစ္စရေးဝန်ကြီးချုပ်ကမူ ထိုဝေဖန်မှုများကို ဂရုမစိုက်ခဲ့ပေ။

Ref: Aljazeera