မှတ်ဉာဏ်ဆုံးရှုံးသည့် အယ်ဇိုင်းမားရောဂါကို ကုသရန် လမ်းစပေါ်လာ

ဇန်န၀ါရီ ၃၁၊ ၂၀၁၆
M-Media

– အယ်ဇိုင်းမားရောဂါရှိသူတွေမှာ တွေ့ရလေ့ရှိပြီး မှတ်ဉာဏ်ဆုံးရှုံးမှုတွေဖြစ်စေတဲ့ beta-amyloid ချပ်ပြားတွေကို ကြွက်တွေရဲ့ဦးနှောက်မှာ ကန့်သတ်ပစ်နိုင်တဲ့ နည်းလမ်းတစ်ခုကို စပိန်သိပ္ပံပညာရှင်တွေက မကြာခင်ကာလအတွင်း တွေ့ရှိခဲ့ပြီး ဒါဟာ အယ်ဇိုင်းမားရာဂါ ကုသနိုင်ဖို့ လမ်းစပေါ်လာတာပဲဖြစ်ပါတယ်။

လူနဲ့သတ္တ၀ါတွေမှာ သင်ယူတတ်မှုနဲ့ မှတ်ဉာဏ်ဆိုင်ရာလုပ်ငန်းတွေဟာ ဦးနှောက်ထဲမှာရှိတဲ့ အာရုံကြောအမျှင်တွေကြားက သတင်းအချက်အလက်ဖလှယ်မှုကို အခြေခံထားတာဖြစ်ပြီး အယ်ဇိုင်းမာရောဂါဖြစ်တဲ့အခါ beta-amyloid ချပ်ပြားတွေ အထပ်ထပ်တည်ဆောက်ကာ တစ်ဆက်တည်း အာရုံကြောအမျှင်တန်း (syanaptic connection) ကို ပိတ်ဆို့လိုက်တာဖြစ်ပါတယ်။

ဒီလိုသိလာတာဟာ အယ်ဇိုင်းမားနဲ့ပက်သက်လို့ ပြည့်ပြည့်စုံစုံ နားလည်သွားတာမျိုးတော့ မဟုတ်ပါဘူးလို့ beta-amyloid ချပ်ပြားတွေ ကန့်သတ်နိုင်တဲ့ နည်းလမ်းကို တွေ့ရှိခဲ့တဲ့ စပိန် Basque Country တက္ကသိုလ်က သုတေသီတွေက ပြောပါတယ်။ ဒါပေမယ့် ပရိုတိန်းရဲ့ လုပ်ဆောင်ချက်တွေနဲ့ အသိဉာဏ်ပျောက်ဆုံးမှုအပေါ် အကျိုးသက်ရောက်မှုတွေကို နားလည်စပြုလာတာလို့ဆိုပါတယ်။

Nature ဂျာနယ်မှာ ဖော်ပြခဲ့တဲ့ ဒီ လေ့လာတွေ့ရှိချက်အသစ်မှာ သုတေသီတွေက ဦးနှောက်အတွင်းက အာရုံကြောဆဲလ်တွေ beta-amyloid ရဲ့ သက်ရောက်မှုဒဏ်ခံနိုင်မယ့် မော်လီကျူးကိရိယာတစ်ခုကို ဖော်ထုတ်နိုင်ခဲ့တယ်လို့ ဆိုပါတယ်။ အဲဒီ beta-amyloid ကို ပိတ်ဆို့လိုက်ခြင်းအားဖြင့် အလ်ဇိုင်းမားရောဂါဖြစ်နေတဲ့ ကြွက်တွေမှာ မှတ်ဉာဏ်ပြန်ရစေခဲ့တာဖြစ်ပါတယ်။

“ဒါဟာ တိရစ္ဆာန်တွေကိုအသုံးပြုတဲ့ အခြေခံလေ့လာမှု ဖြစ်ပေမယ့်လည်း ဒီလေ့လာမှုဟာ ကျွန်တော်တို့ရဲ့ မှတ်ဉာဏ်လုပ်ငန်းစဉ်ကို ထိန်းချုပ်တဲ့နည်းလမ်းကို ခွဲခြမ်းစိတ်ဖြာနားလည်မှုမှာ အထောက်အကူဖြစ်စေခဲ့ပြီး၊ ဒီနည်းလမ်းအားနည်းလာတဲ့အခါ ဖြစ်ပွားတတ်တဲ့ စိတ်ပိုင်းဆိုင်ရာ ရောဂါတွေအတွက် ကုသနိုင်ဖွယ်ရာနည်းလမ်းတွေဆီသွားဖို့ ကျွန်တော်တို့ကို တွန်းအားပေးနေပါတယ်” လို့ သုတေသီတွေက သတင်းစာရှင်းလင်းပွဲမှာ ပြောကြားခဲ့ပါတယ်။

Ref: IINA