ကလေးများအပါအ၀င် ဥရောပသို့ဝင်ရောက်လာသည့် ဒုက္ခသည်များ အမြတ်ထုတ်ခံနေရ

ဖေဖော်ဝါရီ ၁၊ ၂၀၁၆
M-Media

– ဥရောပ ဒုက္ခသည်ပြဿနာအတွင်းမှာ လူကုန်ကူးသူတွေဟာ အထူးသဖြင့် ကလေးငယ်တွေကို လိင်ကျွန်နဲ့ အလုပ်ကျွန်ပြု ခိုင်းစေမှုတွေအတွက် ကိုယ်ကျိုးရှာ အမြတ်ထုတ်မှုတွေ ရှိနေတယ်လို့ ဥရောပသမဂ္ဂ ရဲတပ်ဖွဲ့ က ပြောကြားလိုက်ပါတယ်။

ဥရောပရဲတပ်ဖွဲ့ အကြီးအကဲ ဘရိုင်ယန် ဒေါ်နယ်က ဒုက္ခသည်တွေ ဥရောပအာဏာပိုင်တွေဆီမှာ မှတ်ပုံတင်ပြီးနောက်ပိုင်း သူတို့ထဲက အရွယ်မရောက်သူ ထောင်ပေါင်းများစွာ ပျောက်ဆုံးနေတယ်လို့ ပြောပါတယ်။

အီတလီ တစ်နိုင်ငံထဲမှာပဲ အနည်းဆုံး ကလေး ၅၀၀၀ လောက် ပျောက်နေတာဖြစ်ပြီး ဆွီဒင်မှာလည်း နောက်ထပ် အယောက် ၁၀၀၀ လောက် ပျောက်နေတယ်လို့ ဆိုပါတယ်။ နောက်ပြီး ဥရောပတစ်ခွင်လုံးက မှုခင်းဌာနတွေအနေနဲ့ ဒုက္ခသည်ကလေးငယ်တွေကို ပစ်မှတ်ထားရှာဖွေသင့်ကြောင်း အလေးအနက်ထား ပြောကြားခဲ့ပါသေးတယ်။

ဂျာမနီနဲ့ ဟန်ဂေရီမှာလည်း ဒုက္ခသည်ကလေးငယ်တွေဟာ လိင်ပိုင်းဆိုင်ရာ အမြတ်ထုတ်ခံနေရတယ်ဆိုတာကို တွေ့ရပြီး ဒုက္ခသည်တွေ စီးဝင်လာတာကို အမြတ်ထုတ်တဲ့ ရာဇ၀တ်ဂိုဏ်းတွေဟာ လွန်ခဲ့တဲ့ ၁၈ လလောက်အတွင်းမှာ ကြီးထွားလာကြောင်း၊ ပြောင်းရွှေ့အခြေချသူပြဿနာနဲ့ ဆက်စပ်ပြီး ဖမ်းဆီးထားသူတွေ၊ ထိန်းသိမ်းထားသူတွေဟာ ဂျာမနီနဲ့ ဟန်ဂေရီက အကျဉ်းထောင်တွေအတွင်းမှာ ရှိနေကြောင်း ဒေါ်နယ်က ပြောခဲ့ပါတယ်။

အခုလို ကလေးငယ်အမြောက်အများ ပျောက်ဆုံးနေတဲ့အတွက် ကလေးဒုက္ခသည်အရေးဟာ ဥရောပသမဂ္ဂအဖွဲ့ဝင်နိုင်ငံတွေရဲ့ အဓိက စိုးရိမ်စရာကိစ္စတစ်ခု ဖြစ်လာပါတယ်။

ယူကေအခြေစိုက် Save the Children ပရဟိတ အဖွဲ့က ၂၀၁၅ အတွင်း ဥရောပကိုဝင်လာတဲ့ ဒုက္ခသည်ကလေးငယ် အနည်းဆုံး ၂၆၀၀၀ လောက်ရှိတယ်လို့ ခန့်မှန်းထားပါတယ်။ ကလေးတွေဟာ လိင်အလွဲသုံးစားမှု၊ အကြမ်းဖက်မှုပေါင်းများစွာ ပြုလုပ်ခံခဲ့ရတဲ့ မှတ်တမ်းတွေလည်း သူတို့မှာရှိနေပြီး အဲဒီကလေးငယ်တွေထဲက ၃၀၀၀ လောက်ကို အင်္ဂလန်မှာ အမြန်ဆုံး ပြန်လည်နေရာချထားပေးဖို့လည်း တောင်းဆိုခဲ့ပါတယ်။

အင်္ဂလန်ဝန်ကြီးချုပ် ဒေးဗစ်ကင်မရွန်းကတော့ ဥရောပက ဒုက္ခသည်ကလေးငယ် ၃၀၀၀ကို အင်္ဂလန်မှာလက်ခံထားဖို့ ငြင်းဆိုခဲ့ပါတယ်။

Ref : RT