ပလက်စတစ်အိတ်တွင် ၎င်း၏အမည်ရေးထိုးကာ ၀တ်ဆင်ကစားခဲ့သည့် အာဖဂန်ကလေးငယ်ကို မက်ဆီ တွေ့ဆုံမည်

ဖေဖော်ဝါရီ ၂၊ ၂၀၁၆
M-Media

– ပလက်စတစ်အိတ်တွင် ဘာစီလိုနာတိုက်စစ်မှူး မက်ဆီ၏ ကျောနံပါတ်နှင့် အမည်ကိုရေးထိုးကာ ၀တ်ဆင်၍ ဘောလုံးကစားခဲ့သည့် အာဖဂန်ကလေးငယ်အား မက်ဆီက တွေ့ဆုံရန် စီစဉ်နေသည်ဟု အာဖဂန်ဘောလုံးအဖွဲ့ချုပ်က ပြောကြားလိုက်သည်။

မြို့တော်ကဘူးလ် ဆင်ခြေဖုံးရှိ ဂါဇ်နီဒေသတွင် နေထိုင်သော အသက် ၅ နှစ်အရွယ် မူတာဇာ အဟ်မာဒီဖြစ်ပြီး မက်ဆီအား အရူးအမူး ကြိုက်နှစ်သော်လည်း ဒေသမတည်ငြိမ်သည့်အတွက် မိသားစုမှာ ချို့တဲ့သောကြောင့် မက်ဆီ၏ ဂျာစီကို ၀ယ်ယူဝတ်ဆင်နိုင်သည့် အခြေအနေ မရှိပေ။

၎င်း၏ အသက် ၁၅ နှစ်အရွယ် အစ်ကို ဟိုမာယွန်ကမူ ညီဖြစ်သူ၏ဆန္ဒ ပြည့်ဝစေရန် အဖြူနှင့် အပြာစင်းပါဝင်သည့် ပလက်စတစ်အိတ်ဟောင်းတစ်ခုတွင် ဆော့ပင်ဖြင့် မက်ဆီ၏ အမည်နှင့် နံပါတ်တို့ကို ရေးထိုး၍ အဟ်မာဒီအား ၀တ်ဆင်ကာ ဘောလုံးကစားစေခဲ့သည်။ ထိုကဲ့သို့ မက်ဆီအမည်ရေးထိုးထားသည့် ပလက်စတစ်အိတ်အား ၀တ်ဆင်ထားသည့် အဟ်မာဒီ၏ ပုံမှာ ဇန်န၀ါရီလ အလယ်ပိုင်းက အွန်လိုင်းစာမျက်နှာတွင် ပြန့်နှံ့ခဲ့သည်။

မက်ဆီ၏အဖေဖြစ်သူ ဂျော့ဂ်ျမက်ဆီက ၎င်း၏ သားမှာ ထိုပုံကို တွေ့ရှိသွားခဲ့ပြီးနောက် အဆိုပါ ကလေးငယ်လေးအတွက် တစ်ခုခုဆောင်ရွက်ပေးချင်စိတ် ဖြစ်သွားခဲ့သည်ဟု ပြောကြားခဲ့သည်။

အာဖဂန်ဘောလုံးအဖွဲ့ချုပ် AFF ကမူ မက်ဆီမှာ အဟ်မာဒီအား အမြန်ဆုံး တွေ့ဆုံလိုနေသော်လည်း လာရောက်မည့် ရက်အတိအကျကို မသတ်မှတ်ရသေးဟု ယမန်နေ့တွင် ပြောကြားခဲ့သည်။

“အဲဒီကလေးနဲ့တွေ့ဖို့အတွက် မက်ဆီက ကျွန်တော်တို့ ဘောလုံးအဖွဲ့ချုပ်ကို ဆက်သွယ်ခဲ့ပါတယ်” ဟု AFF ပြောရေးဆိုခွင့်ရှိသူ ဆယဒ်အလီ ကာဇီမီက AFP သတင်းဌာနသို့ ပြောကြားခဲ့သည်။

“မက်ဆီက အာဖဂန်လာမှာလား၊ ကလေးကာ စပိန်ကိုသွားမှာလား၊ သူတို့နှစ်ယောက် တတိယနိုင်ငံတစ်ခုခုမှာ တွေ့ကြမှာလားဆိုတာ ချိန်နေပါတယ်”

ဘာစီလိုနာအသင်းက ထိုကိစ္စနှင့်ပတ်သက်၍ မှတ်ချက်မပေးခဲ့သော်လည်း ကဘူးလ်မြို့ရှိ စပိန်သံရုံးကမူ ကလေးငယ်နှင့် မက်ဆီတို့ ဥရောပတွင် တွေ့ဆုံနိုင်ရေး အစွမ်းကုန်ကြိုးပမ်းပေးသွားမည်ဟု ပြောကြားခဲ့သည်။

Ref: Todayonline