ဆီးရီးယားတွင် IS အား မြေပြင်တပ်ဖြင့်တိုက်ခိုက်ရန် ဆော်ဒီစီစဉ်

ဖေဖော်ဝါရီ ၇၊ ၂၀၁၆
M-Media

– အမေရိကန်ဦးဆောင်တဲ့ မဟာမိတ်ခေါင်းဆောင်တွေက သဘောတူမယ်ဆိုရင် ဆီးရီးယားမှာ IS အကြမ်းဖက်အဖွဲ့ကို တိုက်ခိုက်ဖို့အတွက် ခြေလျင်တပ်သားတွေ ဖြန့်ထားဖို့ စီစဉ်နေတယ်လို့ ဆော်ဒီအာရေဗျက ကြာသာပတေးနေ့မှာ ပြောကြားလိုက်ပါတယ်။

ဆော်ဒီစစ်တပ်က ဗိုလ်မှူးချုပ် အဟ်မဒ် အက်ဆာရီကတော့ မိမိတို့လေတပ်ဟာ ၂၀၁၄ စက်တင်ဘာလောက်ကတည်းက IS တွေကို လေကြောင်းတိုက်ခိုက်မှုတွေ ပြုလုပ်ခဲ့တာဖြစ်ပြီး အခုဆိုရင် ဆော်ဒီအနေနဲ့ အဲဒီ လက်နက်ကိုင်အကြမ်းဖက်အဖွဲ့ကို ချေမှုန်းဖို့အတွက် ခြေလျင်တပ်တွေ စေလွှတ်ဖို့ အသင့်ဖြစ်နေပြီလို့ ပြောကြားခဲ့ပါတယ်။

“မိမိတို့နိုင်ငံအနေနဲ့ အမေရိကန်ဦးဆောင်တဲ့ မဟာမိတ်တပ်တွေနဲ့အတူ IS တွေကို တိုက်ခိုက်ရေး ခြေလျင်တပ်ဖွဲ့တွေစေလွှတ်ဖို့ အသင့်ဖြစ်နေပြီဆိုတာကို ဒီနေ့မှာ ကြေငြာလိုက်ပါတယ်။ ဘာကြောင့်လဲဆိုတော့ ကျွန်တော်တို့ဟာ ယီမင်နိုင်ငံမှာ အတွေ့အကြုံရခဲ့လို့ ဖြစ်ပါတယ်။ လေကြောင်းတိုက်ခိုက်မှုတွေနဲ့တင် မလုံလောက်ဘဲ မြေပြင်စစ်ဆင်ရေးလည်း လိုအပ်နေပြီဆိုတာကို ကျွန်တော်တို့သိပါတယ်၊ မြေပြင်စစ်ဆင်ရေးမှာ ပိုကောင်းမွန်တဲ့ အောင်မြင်မှုတွေရဖို့ နှစ်ဖက်စလုံး ပူးပေါင်းဖို့လိုအပ်ပါတယ်” လို့ အဆ်ဆာရီက ပြောကြားခဲ့ပါတယ်။

ဒီလို ဆော်ဒီက မြေပြင်တပ်တွေ စေလွှတ်ဖို့ကိစ္စကို လာမယ့်တစ်ပတ် ဘရပ်ဆဲလ်မြို့မှာ ပြုလုပ်ဖို့ရှိနေတဲ့ မဟာမိတ်နိုင်ငံများ အစည်းအဝေးမှာ ဆွေးနွေးသွားဖို့ ရှိနေပါတယ်။

အမေရိကန်ကာကွယ်ရေးဝန်ကြီး အက်ရ်ှတန် ကာတာကတော့ ဆီးရီးယား မြေပြင်စစ်ဆင်ရေးမှာ ပါဝင်ဖို့ ဆော်ဒီရဲ့ ကမ်းလှမ်းချက်ကို ကြိုဆိုလိုက်ပါတယ်။ သူက အခြားနိုင်ငံတွေအနေနဲ့ တက်ကြွစွာ ပါဝင်လာခြင်းဟာ အမေရိကန်က IS တွေကို အရှိန်မြှင့်တိုက်ခိုက်ရေးမှာ ကူညီရာရောက်တယ်လို့ ဆိုပါတယ်။

Ref: IINA