ရော်နယ်ဒိုမှာ နောက်ထပ် ၃ နှစ် ထိပ်တန်းအဆင့်တွင် ရှိနေမည်ဟု ကာပယ်လိုပြော

ဖေဖော်ဝါရီ ၉၊ ၂၀၁၆
M-Media

– ရီးယဲလ်တိုက်စစ်မှူး ခရစ္စတီယာနို ရော်နယ်ဒိုမှာ ထိပ်တန်းအဆင့်တွင် နောက်ထပ် ၃ နှစ် ဆက်ရှိနေမည်ဟု ရီးယဲလ်နည်းပြဟောင်း ဖေဘီယို ကာပယ်လိုက ပြောကြားလိုက်သည်။

လာလီဂါပွဲစဉ် ၂၃ ပွဲကစားပြီးချိန်တွင် ရော်နယ်ဒိုမှာ ၁၉ ဂိုး သွင်းယူထားနိုင်ပြီး ထိုမှတ်တမ်းမှာ ၎င်း ရီးယဲလ်သို့ ရောက်ရှိပြီးနောက်ပိုင်းကတည်းက တင်ထားခဲ့သည့် ၁ ပွဲ ၁ ဂိုးနှုန်းအောက်ကို ရောက်ရှိသွားခြင်းဖြစ်သည်။ ယခုတစ်ပတ် ဂရာနာဒါအား ၂ ဂိုး ၁ ဂိုးဖြင့်အနိုင်ရခဲ့သည့်ပွဲတွင် ရော်နယ်ဒိုမှာ ရုန်းကန်ခဲ့ရပြီး ဝေဖန်မှုအချို့ကိုလည်း ခံခဲ့ရသည်။

ကာပယ်လိုကမူ အသက် ၃၁ နှစ်အရွယ်ရှိပြီဖြစ်သည် ရော်နယ်ဒိုမှာ ခြေစွမ်းမကျဆင်းနိုင်သေးဟု မှတ်ချက်ပြုခဲ့သည်။

“ရော်နယ်ဒိုဟာ ဘောလုံးလောကမှာ နောက်ထပ် ၃ နှစ်လောက် သာသာလေး ခြေစွမ်းပြနိုင်ပါတယ်။ အတွေ့အကြုံတွေလည်း ထပ်ရမှာပါ။ သူ့ကိုယ့်သူ တော်တော်လေးဂရုစိုက်ပြီး ၃၄ နှစ်လောက်အထိ ကောင်းကောင်း ကစားနိုင်ပါတယ်။ သူ့လို့ ဂိုးသွင်းစက်မျိုး ရှာဖို့ဆိုတာ မလွယ်ပါဘူး” ဟု ကာပယ်လိုက ပြောကြားခဲ့သည်။

ထို့ပြင် လက်ရှိနည်းပြသစ် ဇီဒိန်းမှာ အောင်မြင်မှု ရရှိနိုင်မည်ဟုလည်း ၎င်းက ထည့်သွင်းပြောကြားခဲ့သည်။

Ref: Goal