ပယ်လီဂရီနီအတွက် ရေကုန်ရေခမ်း ပေးဆပ်မည်ဟု မန်စီးတီးဂိုးသမားပြော

ဖေဖော်ဝါရီ ၁၁၊ ၂၀၁၆
M-Media

– ရာသီကုန်တွင် ထွက်ခွာရတော့မည်ဖြစ်သည့် နည်းပြ ပယ်လီဂရီနီအတွက် ရေကုန်ရေခမ်း တိုက်ပွဲဝင်သွားမည်ဟု မန်စီးတီးဂိုးသမား ဂျိုးဟတ်က ပြောကြားလိုက်သည်။

ပယ်လီဂရီနီမှာ မန်စီးတီးအသင်းအား ၃ နှစ်ကြာကိုင်တွယ်မှုအတွင်း ပရီးမီးယားလိဂ် ဖလားတစ်လုံးနှင့် လိဂ်ဖလားတစ်လုံးကို ဆွတ်ခူးပေးထားနိုင်သည်။ ရာသီကုန်တွင် ဘိုင်ယန်နည်းပြ ဂွာဒီယိုလာမှာ အသင်းသို့ ရောက်ရှိမည်ဟု မန်စီးတီးက မကြာသေးမီတွင် ကြေငြာခဲ့ပြီး ကစားသမားများနှင့် ပရိတ်သတ်များအကြား စိတ်လှုပ်ရှားမှုများ မြင့်တက်လာခဲ့သည်။

သို့သော်လည်း ဂျိုးဟတ်ကမူ ပယ်လီဂရီက ထောက်ခံအားပေးခဲ့သည်။

“သူက လူကောင်းတစ်ယောက်ပါ။ ဘောလုံးရဲ့ပြင်ပမှာ ကိုယ်ပိုင်အမြင်အတွက် ကျွန်တော်ဟာ အမြဲတမ်း သူနဲ့ ဆွေးနွေးပါတယ်။ ကျွန်တော် သူ့ကို သဘောကျပါတယ်။ သူထွက်ခွာသွားတာကို ကြည့်ရမှာ ၀မ်းနည်းစရာပါပဲ။ အသင်းအတွက် စာမျက်နှာသစ် ဖွင့်လှစ်လိုက်တယ်ဆိုတာ မှန်ပေမယ့် ဒါက နောက်နှစ်မှပါ။ ဒီရာသီ ကျွန်တော်တို့မှာ ပယ်လီဂရီနီရှိနေတယ်။ သူနဲု့အတူ အဆုံးအထိ တိုက်ပွဲ ၀င်သွားမှာပါ” ဟု ဂျိုးဟတ်က BT Sport သို့ ပြောကြားခဲ့သည်။

Ref: Goal