အသက်အန္တရာယ်ခြိမ်းခြောက်ခံရသည့် ဒေါ်အောင်ဆန်းစုကြည်ကို အထူးအဖွဲ့တစ်ခုဖြင့် ရဲတပ်ဖွဲ့က လုံခြုံ ရေးပေးထား

ဖေဖော်ဝါရီ ၁၂၊ ၂၀၁၆
M-Media

– အမျိုးသားဒီမိုကရေစီအဖွဲ့ချုပ် NLD ဥက္ကဌ ဒေါ်အောင်ဆန်းစုကြည်မှာ ဆိုရှယ်မီဒီယာမှတစ်ဆင့် အသက်အန္တရာယ် ခြိမ်းခြောက်ခံရပြီးနောက် မြန်မာနိုင်ငံရဲတပ်ဖွဲ့က သူမအား ကာကွယ်ပေးရန် ဆုံးဖြတ်ခဲ့သည်ဟု သိရသည်။

ရဲတပ်ဖွဲ့အကြီးအကဲက ဘီဘီစီမြန်မာပိုင်းအစီအစဉ်ကို ထိုကဲ့သို့ ပြောကြားခဲ့ခြင်းဖြစ်ပြီး အထူးတပ်ဖွဲ့တစ်ခုကို ဖွဲ့စည်းကာ ဒေါ်အောင်ဆန်းစုကြည်အား ကာကွယ်ရန်အတွက် တာဝန်ပေးလိုက်ပြီဟု ဆိုသည်။

ဒေါ်အောင်ဆန်းစုကြည် သမ္မတဖြစ်ခွင့်ကို တားဆီးထားသည့် ဖွဲ့စည်းပုံအခြေခံဥပဒေမှ ပုဒ်မတစ်ခုကို ပြင်ဆင်နိုင်ဖွယ်ရှိသည်ဆိုသည့် အကြောင်းအရင်းနှင့်ပတ်သက်၍ သူမမှာ ဆိုရှယ်မီဒီယာမှတစ်ဆင့် အသက်အန္တရာယ် ခြိမ်းခြောက်ခံခဲ့ရခြင်း ဖြစ်သည်။

လက်ဖြောင့်သေနတ်ဖြင့် လုပ်ကြံမည်ဟုဆိုသော အဆိုပါပို့စ်ကို ရေးသားသူမှာ နောက်ပိုင်းတွင် NLD ရုံးသို့ သွားရောက်တောင်းပန်ခဲ့သည်ဟု ဆိုသည်။ သို့သော်လည်း ၎င်း၏ ထိုလုပ်ရပ်က မြန်မာဆိုရှယ်မီဒီယာလောကတွင် ဟိုးလေတကျော်ကျော် ဖြစ်ခဲ့သည်။

လက်ရှိအချိန်အထိ ဒေါ်အောင်ဆန်းစုကြည်မှာ ၎င်း၏ လုံခြုံရေးအတွက် ကိုယ်ပိုင်အဖွဲ့ကို အသုံးပြုနေပြီး ရဲတပ်ဖွဲ့မှ အထူးအဖွဲ့ကမူ သူမ၏အိမ် အပြင်ဘက်တွင် ထပ်မံ လုံခြုံရေးပေးမည်ဖြစ်သည်။

ဒေါ်အောင်ဆန်းစုကြည်၏ ဖခင်ဖြစ်ပြီး အမျိုးသားခေါင်းဆောင်ကြီးဖြစ်သူ ဗိုလ်ချုပ်အောင်ဆန်းနှင့် ၀န်ကြီးအဖွဲ့မှာ တိုင်းပြည်လွတ်လပ်ရေးရရှိရန် ကြိုးစားနေချိန်တွင် ၁၉၄၇ ခုနှစ် ဇူလိုင်လ ၁၉ ရက်နေ့၌ မျိုးချစ်ခေါင်းဆောင်တစ်ဦးဖြစ်သူ ဂဠုန်ဦးစောနှင့် အပေါင်းအပါများ၏ လုပ်ကြံသတ်ဖြတ်ခြင်းကို ခံခဲ့ရသည်။

Ref: BBC