ဗလီကိုဗုံးခွဲမည်ဟု ခြိမ်းခြောက်ခဲ့သည့် အမေရိကန်တစ်ဦး ထောင်ဒဏ် နှစ် ၂၀ ကျခံရဖွယ်ရှိနေ

ဖေဖော်ဝါရီ ၁၄၊ ၂၀၁၆
M-Media

– နိုဝင်ဘာလက ဖြစ်ပွားခဲ့တဲ့ ပဲရစ်တိုက်ခိုက်မှုဖြစ်ပြီး မကြာမီ အမေရိကန်ရှိ ဗလီဝတ်ကျောင်းတော် ၂ လုံးကို ဗုံးခွဲပြီး လာရောက်ဝတ်ပြုတဲ့ လူစုလူဝေးကို ပစ်ခတ်မယ်လို့ ခြိမ်းခြောက်ခဲ့တဲ့ အမုန်းရာဇ၀တ်မှုအတွက် အပြစ်ရှိကြောင်း ဖလော်ရီဒါမှ အမျိုးသားတစ်ဦးက ယမန်နေ့မှာ ၀န်ခံထွက်ဆိုခဲ့ပါတယ်။

ဆီမီနိုလီမြို့က အသက် ၄၃ နှစ်အရွယ်ရှိသူ မာတင် ရှင်ဇလာဆိုသူဖြစ်ပြီး သူတစ်ပါးရဲ့ လွတ်လပ်စွာကိုးကွယ်ယုံကြည်မှုကို စော်ကားနှောင့်ယှက်ခဲ့တယ်ဆိုတဲ့ စွဲချက်အတွက် အပြစ်ရှိကြောင်း ၀န်ခံခဲ့တာဖြစ်တယ်လို့ ဖလော်ရီဒါ အလယ်ပိုင်းခရိုင် တရားသူကြီး အေ လီ ဘန်တလေက ပြောလိုက်တာပါ။

ဒါ့ကြောင့် ရှင်ဇလာအနေနဲ့ ထောင်ဒဏ် အနှစ် ၂၀ ထိ ကျခံရနိုင်ပေမယ့် ပြည်နယ်လုပ်ထုံးလုပ်နည်းတွေကြောင့် ဒီထက်လျော့နည်းဖွယ် ရှိနိုင်တယ်လို့ ဆိုပါတယ်။ ၎င်းကိုတော့ စီရင်ချက်မချသေးဘဲ ဆိုင်းငံ့ထားလိုက်ပါတယ်။

ရှင်ဇလာက စိန့်ပီတာစဘတ် ဗလီနဲ့ ပင်နဲလက်က်ဒေသက ဗလီတွေကို ၂၀၁၅ နိုဝင်ဘာ ၁၃ ရက်နေ့မှာ ဘာသာရေးစော်ကားတဲ့စကားတွေကို ပေးပို့ခြိမ်းခြောက်ခဲ့တာဖြစ်တယ်လို့ ၀န်ခံထွက်ဆိုခဲ့ပါတယ်။ အဲဒီ စော်ကားပြောဆိုလိုက်တဲ့ စာသားတွေကို လူအယောက် ၁၃၀ သေဆုံးခဲ့တဲ့ ပဲရစ်တိုက်ခိုက်မှု ဖြစ်ပွားတဲ့ နေ့မှာပဲ ပေးပို့ခဲ့တာပါ။

ရှေ့နေဖြစ်တဲ့ ဘရိုင်ယန် ကမာရီနိုကတော့ သူ့ရဲ့အမှုသည်ဟာ ခံစားချက်တွေ ပေါက်ကွဲမိတဲ့အတွက် ၀မ်းနည်းကြေကွဲရတယ်လို့ ဆိုပါတယ်။ ၎င်းက ရှင်ဇလာဟာ သူခြိမ်းခြောက်ပြောဆိုခဲ့သလို ဆောင်ရွက်လုပ်ကိုင်ခြင်း လုံးဝမရှိခဲ့ဘူးလို့လည်း ပြောပါတယ်။

ပဲရစ်တိုက်ခိုက်မှုအပြီး နောက်တစ်ရက်မှာ ကွန်နက်တီကတ်မှာ နေထိုင်သူတစ်ဦးဖြစ်တဲ့ တက်ဒ် ဟာကေ ဂျုနီယာဟာ သူ့ရဲ့ အိမ်ဘေးမှာရှိတဲ့ လူမရှိတဲ့ဗလီတစ်လုံးကို သေနတ်နဲ့ပစ်ခတ်ပြီး အမုန်းရာဇ၀တ်မှု ကျူးလွန်ခဲ့ကြောင်း ၀န်ခံပြီးတဲ့ နောက်တစ်ရက်မှာပဲ ရှင်ဇလာအအနေနဲ့ အခုလို တရားရုံးမှာ ၀န်ခံထွက်ဆိုခဲ့တာ ဖြစ်ပါတယ်။

Ref: IINA