၂၀၁၅ ခုနှစ်တွင် အာဖဂန်ပြည်သူများ ထိခိုက်သေဆုံးမှု စံချိန်တင်ပမာဏဖြစ်ခဲ့

ဖေဖော်ဝါရီ ၁၅၊ ၂၀၁၆
M-Media

– အာဖဂန်နစ္စတန်နိုင်ငံမှာ ၂၀၁၅ ခုနှစ်အတွင်း တိုက်ခိုက်မှုတွေကြောင့် ထိခိုက်သေဆုံး ဒဏ်ရာရရှိခဲ့တဲ့ ပြည်သူအရေအတွက်ဟာ ၁၁၀၀၀ ကျော်ခဲ့ပြီး အမေရိကန်ရဲ့ ကျူးကျော်တိုက်ခိုက်မှု ၁၄ နှစ်တာကာလအတွင်းမှာ တစ်နှစ်တာအမြင့်ဆုံး အရပ်သားသေဆုံးမှု ဖြစ်ခဲ့ပါတယ်။

ယမန်နေ့က ထုတ်ပြန်ခဲ့တဲ့ ကုလသမဂ္ဂရဲ့ နှစ်ပတ်လည်အစီရင်ခံစာထဲမှာ ပြီးခဲ့တဲ့နှစ်အတွင်း အာဖဂန်ပြည်သူ ၃၅၄၅ ဦး သေဆုံးခဲ့ပြီး ၇၄၅၇ ဦး ဒဏ်ရာရရှိခဲ့တယ်လို့ ဖော်ပြထားပါတယ်။ အာဖဂန်တပ်တွေဟာ တာလီဘန်နဲ့ တခြားလက်နက်ကိုင်အဖွဲ့တွေရဲ့ တိုက်ခိုက်မှုတွေကိုလည်း ရင်ဆိုင်ခဲ့ရပြီး သေဆုံးသူအများစုဟာ ကလေးငယ်တွေ ဖြစ်ပါတယ်။

၂၀၁၅ ခုနှစ်အတွင်း အာဖဂန်ပြည်သူတွေ ထိခိုက်သေဆုံးမှုဟာ ယခင်အမြင့်ဆုံးမှတ်တမ်းဖြစ်တဲ့ ၂၀၁၄ ခုနှစ်ထက်ကို ၄ ရာခိုင်နှုန်း ပိုများခဲ့ပါတယ်။

အာဖဂန်က စစ်ဘေးဒဏ်ကြောင့် သေဆုံးဒဏ်ရာရသူ လေးယောက်အနက် တစ်ယောက်ဟာ ကလေးငယ်ဖြစ်နေပြီး ဆယ်ယောက်မှာ တစ်ယောက်က အမျိုးသမီးဖြစ်နေတယ်လို့ မှတ်တမ်းတွေအရ သိရပါတယ်။ အာဖဂန်ဆိုင်ရာကုလသမဂ္ဂအထူးကိုယ်စားလှယ် နီကိုးလပ်စ် ဟေးဆမ်ကတော့ ထွက်ပေါ်လာတဲ့ကိန်းဂဏန်းတွေဟာ လက်ခံနိုင်စရာမကောင်းတဲ့ ကိန်းဂဏန်းဖြစ်တယ်လို့ ပြောကြားခဲ့ပါတယ်။

ထိခိုက်သေဆုံးခဲ့တဲ့ အာဖဂန်ပြည်သူ ၆၂ ရာခိုင်နှုန်းလောက်ဟာ အစိုးရဆန့်ကျင်ရေးအုပ်စုတွေရဲ့ လက်ချက်ကြောင့်ဖြစ်ပြီး ၁၇ ရာခိုင်နှုန်းလောက်က အာဖဂန်အစိုးရတပ်တွေကြောင့် သေဆုံးဒဏ်ရာရခဲ့တာ ဖြစ်တယ်လို့ ဆိုပါတယ်။

“ပြီးခဲ့တဲ့နှစ်က ကလေးအရေအတွက်ပေါင်းများစွာဟာ တိုက်ခိုက်သတ်ဖြတ် ခံခဲ့ရပါတယ်။ တစ်ချို့ကလေးငယ်တွေဟာ သူတို့ရဲ့မိဘတွေကို ရှာမတွေ့ကြတော့ပါဘူး။ သေဆုံးသူ ၁၀ ယောက်မှာ အမျိုးသမီးတစ်ယောက်လောက် ပါနေပါတယ်” လို့ အာဖဂန်နစ္စတန်ဆိုင်ရာ ကုလသမဂ္ဂ လူအခွင့်အရေးဒါရိုက်တာ ဒန်နီယဲလီ ဘဲလ်က ပြောကြားခဲ့ပါတယ်။

တာလီဘန်နဲ့ တခြားသော လက်နက်ကိုင်အဖွဲ့တွေဟာ အစိုးရတပ်တွေနဲ့ ပြည်ပတပ်တွေကို ပြင်းပြင်းထန်ထန်တိုက်ခိုက်ခဲ့တဲ့အတွက် အာဖဂန်မြောက်ပိုင်းနဲ့ တောင်ပိုင်းနေပြည်သူတွေဟာ အထူး ထိခိုက်ခံစားရသူတွေ ဖြစ်နေတယ်လို့ အသတင်းတွေက ဖော်ပြကြပါတယ်။

ပြီးခဲ့တဲ့နှစ်အနည်းငယ်က အမေရိကန်နဲ့ နေတိုးတပ်ဖွဲ့တွေ ဆုတ်ခွာခဲ့ပြီးနောက်မှာ အာဖဂန်စစ်တပ်နဲ့ ရဲတွေဟာ အစိုးရဆန့်ကျင်တိုက်ခိုက်ရေးသမားတွေရဲ့ မြင့်တက်လာတဲ့ ထိုးနှက်တိုက်ခိုက်မှုတွေကို တွန်းလှန်ဖို့ ရုန်းကန်နေရပါတယ်။

Ref : Al-jazeera