ဘန်ကောက်ဗုံးကွဲမှုအတွက် စွပ်စွဲခံထားရသူ ၀ီဂါလူမျိုးနှစ်ဦးက ပြစ်မှုကျူးလွန်မှုမရှိကြောင်း ငြင်းဆို

ဖေဖော်ဝါရီ ၁၆၊ ၂၀၁၆
M-Media

– သြဂုတ်လက ဘန်ကောက်မြို့ရှိ ဧရာဝဏ်နတ်ကွန်း ဗုံးပေါက်ကွဲမှုအတွက် စွပ်စွဲခံထားရသည့် ၀ီဂါလူမျိုး ၂ ဦးက ထိုအဖြစ်အပျက်တွင် ၎င်းတို့ ပါဝင်မှုမရှိဟု ဆိုပြီး၊ ရဲတပ်ဖွဲ့က နှိပ်စက်ငြှင်းပမ်းမှုကြောင့် ဖြောင့်ချက်ပေးခဲ့ရသည်ဟု ယနေ့တွင် ပြောကြားလိုက်သည်။

အဒီမ်း ကရာဒဂ်နှင့် ယူဆူဖူ မီလာရိုင်လီတို့ဖြစ်ကြပြီး ယနေ့တွင် ရုံးချိန်းအတွက် စစ်ခုံရုံးသို့ ရောက်ရှိလာခဲ့ခြင်းဖြစ်သည်။ တရားရုံးကမူ ၎င်းတို့ နှစ်ဦးအား ကြိုတင်ကြံစည်မှုဖြင့် လူသတ်ခြင်း၊ တရားမ၀င် လက်နက်များ ကိုင်ဆောင်ခြင်း စသည့် စွဲချက်များဖြင့် တရားစွဲဆိုထားခြင်း ဖြစ်သည်။ ၎င်းတို့နှစ်ဦးကမူ ထိုဗုံးပေါက်ကွဲမှုအတွက် အပြစ်မရှိဟု ပြောကြားခဲ့သည်။

“ကျွန်တော့်မှာ အပြစ်မရှိပါဘူး။ ကျွန်တော်ထောင်ထဲရောက်နေတာ ၆ လရှိပါပြီ” ဟု မီရိုင်လီက ဆိုသည်။

သြဂုတ်လ ၁၇ ရက်နေ့က ဖြစ်ပွားခဲ့သည့် အဆိုပါ နတ်ကွန်း ဗုံးပေါက်ကွဲမှုအတွင်း လူ ၂၀ ခန့် သေဆုံးခဲ့ပြီး အများအပြား ဒဏ်ရာရရှိခဲ့သည်။ ဗုံးဖောက်မှု၏ နောက်ကွယ်မှ အကြောင်းအရင်းကို အတိအကျ ထုတ်ဖော် မပြောဆိုနိုင်သေးသော်လည်း အခင်းမဖြစ်ပွားခင် ၀ီဂါပြောင်းရွှေ့အခြေချသူများအား တရုတ်နိုင်ငံသို့ ပြန်ပို့ခဲ့ခြင်းက ဗုံးဖောက်ခွဲမှု၏ အကြောင်းအရင်း ဖြစ်နိုင်သည်ဟု ပြောဆိုမှုများ ရှိသည်။

ရဲတပ်ဖွဲ့ကမူ ဖမ်းဆီးခံထားရသည့် ၀ီဂါလူမျိုး နှစ်ဦးစလုံးက စောစောပိုင်းတွင် ၀န်ခံခဲ့သည်ဟု ပြောကြားခဲ့သည်။ သို့သော်လည်း CCTV တွင် တွေ့မြင်ခဲ့ရသည့် ဗုံးထောင်သူနှင့် တူညီသည်ဟုဆိုကာ ဖမ်းဆီးခံခဲ့ရသည့် အဒီမ်း ကရာဒဂ်၏ ရှေ့နေကမူ ၎င်းအမှုသည်မှာ ညှင်းပမ်းနှိပ်စက်မှုနှင့် တရုတ်နိုင်ငံသို့ ပြန်ပို့မည်ဟူသော ခြိမ်းခြောက်မှုများကြောင့် ၀န်ခံထွက်ဆိုခဲ့ရသည်ဟု ပြောကြားခဲ့သည်။

ထို့ပြင် ကရာဒဂ်မှာ ဗုံးပေါက်ကွဲမှု ဖြစ်ပွားပြီးနောက်ပိုင်း ၄ ရက်ကြာမှ ထိုင်းနိုင်ငံအတွင်းသို့ လာအိုနယ်စပ်မှ ၀င်ရောက်လာခဲ့ခြင်းဖြစ်ပြီး နယ်ခြားစောင့်တပ်ဖွဲ့ကို ကန်ဒေါ်လာ ၆၀၀ လာဘ်ထိုးခဲ့ရကြောင်း ရှေ့နေကဆိုသည်။

အသက် ၂၆ နှစ်အရွယ် မီရိုင်လီကမူ ဗုံးထည့်ထားသော ကျောပိုးအိတ်ကို ပေးပို့ခဲ့သည်ဟု စွပ်စွဲခံထားရသည်။ ၎င်းတို့ နှစ်ဦးစလုံးမှာ စစ်ကြောမှုအတွင်း အထိုးခံရခြင်း၊ မျက်နှာကိုအ၀တ်စည်းကာ ပြစ်မှုကျူးလွန်သည်ဟု မထွက်ဆိုပါက တရုတ်အစိုးရထံသို့ လွှဲပြောင်းပေးအပ်မည်ဟု ခြိမ်းခြောက်ခံရခြင်း စသည်တို့ ရှိခဲ့သည်ဟု ရှေ့နေက ထုတ်ပြန်ခဲ့သည့် ကြေငြာချက်တွင် ဖော်ပြထားသည်။

ထို့ပြင် ကရာဒဂ်မှာ လူမှောင်ခိုကူးသူများ၏ ခေါ်ဆောင်မှုကြောင့် ဘန်ကောက်သို့ ရောက်ရှိလာကြောင်း၊ CCTV တွင် တွေ့ရသည့်လူနှင့် တူညီအောင် ဆံပင်တု၊ မျက်မှန်နှင့် အ၀ါရောင်အင်္ကျီတို့ကို ၀တ်ဆင်ပေးခဲ့ကြောင်း ထည့်သွင်းဖော်ပြခဲ့သည်။

Ref: Channelnewsasia