အာရုံကြောရောဂါများလေ့လာရန် ဦးနှောက်ငယ်များကို သိပ္ပံပညာရှင်များ ဖန်တီးနိုင်

ဖေဖော်ဝါရီ ၁၇၊ ၂၀၁၆
M-Media

– အမေရိကန်ပြည်ထောင်စု ဂျွန်ဟော့ကင်းတက္ကသိုလ်ရှိ သိပ္ပံပညာရှင်တွေက အာရုံကြောရောဂါဆိုင်ရာ သုတေသနပြုလုပ်ဖို့ တိရစ္ဆာန်ဦးနှောက်တွေထက် ပိုအသုံးဝင်မယ့် ဦးနှောက်ငယ်တွေကို မကြာခင်က တီထွင်ဖန်တီးလိုက်ပါတယ်။

အဲဒီဦးနှောက်ငယ်တွေကို အကျယ်ချဲ့ကိရိယာ မလိုအပ်ဘဲ သာမန်မျက်စိနဲ့ ကြည့်ရှုနိုင်ပါတယ်။ တကယ့်ဦးနှောက်ပုံသဏ္ဍာန်တော့ မဟုတ်ပဲ ဦးနှောက်အစစ်ကဲ့သို့ အလုပ်လုပ်ပုံအတိုင်း တည်ဆောက်ထားတဲ့ ဆဲလ်ဘောလုံးငယ်လေးများသာ ဖြစ်ပါတယ်။

အမေရိကန် သိပံ္ပတိုးတက်ရေးအသင်း (AAAS) ရဲ့ နှစ်ပတ်လည်အစည်းအဝေးမှာ သုတေသီတွေက သူတို့ရဲ့ဖန်တီးမှုကို ထုတ်ဖော်ပြသခဲ့တာပါ။ ၎င်းတို့က အဲဒီ ဦးနှောက်ငယ်လေးတွေက တကယ့်ဦးနှောက်အစစ် မဟုတ်ပေမယ့် လူ့ဦးနှောက်လိုမျိုး အတိအကျအလုပ်လုပ်နိုင်တဲ့အတွက် လူ့ဦးနှောက်မှာဖြစ်တတ်တဲ့ ရောဂါတွေ ကုသပျောက်ကင်းရေး ပိုမိုအသုံးဝင်တဲ့ သုတေသနလုပ်ငန်းပြုလုပ်ဖို့ လုံလောက်တာထက်ကို ပိုနေတယ်လို့ ဆိုပါတယ်။

“တိရစ္ဆာန်တွေမှာ ၉၅ ရာခိုင်နှုန်းလောက် အလုပ်ဖြစ်တဲ့ စမ်းသပ်ဆေးဝါးတွေဟာ လူ့ဦနှောက်မှာ စမ်းသပ်ကြည့်တဲ့အခါ အလုပ်မဖြစ်တာကိုတွေ့ရပြီး အချိန်ကုန်၊ ငွေကုန်တာပဲ အဖတ်တင်ပါတယ်။ တိရစ္ဆာန်တွေဟာ စမ်းသပ်မှုမှာ အသုံးဝင်ပေမယ့်လို့ သူတို့တွေဟာ လူသားတွေလို ပေါင် ၁၅၀ အလေးချိန် မရှိပါဘူး။ ကျွန်တော်တို့ ဦးနှောက်တွေဟာလည်း ဆဲလ်ဘောလုံးတွေမဟုတ်ပေမယ့် ဒီဘောလုံးတွေဟာ တိရစ္ဆာန်စမ်းသပ်ခံတွေထက် ပိုမိုကောင်းမွန်တဲ့ အချက်အလက်တွေကို ရရှိနိုင်ပါတယ်” လို့ ဂျွန်ဟော့ကင်းတက္ကသိုလ်က သဘာပတ်ဝန်းကျင်ဆိုင်ရာ ကျန်းမာရေးသိပ္ပံဌာနရဲ့ ပါမောက္ခ သောမတ်စ် ဟာတန်ဂ်က ပြောကြားခဲ့ပါတယ်။

ဒီဦးနှောက်ငယ်လေးကို တီထွင်ခဲ့တဲ့ သိပ္ပံပညာရှင်တွေဟာ လူ့အရေပြားနမူနာကနေ ပင်မဆဲလ်ကို ထုတ်ယူနိုင်တဲ့ ဂျပန်နည်းပညာတစ်ခုကို အသုံးပြုခဲ့ပါတယ်။ ပြီးတော့ ၎င်း ပင်မဆဲလ်ကို ဦးနှောက်ဆဲလ်တွေထဲမှာ ကြီးထွားစေပြီး ရက်သတ္တပတ်ရှစ်ပတ်အတွင်း ဦးနှောက်နဲ့တူတဲ့ ဖွဲ့စည်းပုံတွေ ဖြစ်ပေါ်လာစေကာ ဦးနှောက်ငယ်လေးတွေဟာ ၃၅၀ မိုက်ခရိုမီတာအထိ အရွယ်အစားအထိ ကြီးထွားလာတာ ဖြစ်ပါတယ်။

ဒီဦးနှောက်ငယ်လေးတွေကို ထောင်ပေါင်းများစွာ ထုတ်လုပ်နိုင်မှာဖြစ်ပြီး သုတေနသပြုရာမှာ၊ ရောဂါရှာဖွေကုသရာမှာ အထောက်အကူဖြစ်မှာစေမှာဖြစ်ပါတယ်။

ဘယ်အရေပြားနမူနာကမဆို ဖန်တီးနိုင်တဲ့ ဦးနှောက်ငယ်လေးတွေဟာ မူးယစ်ဆေးစွဲရောဂါကုသရာတွင်လည်းကောင်း တစ်ဦးတစ်ယောက်ချင်းစီတွေမှာ ဖြစ်တတ်လေ့ရှိတဲ့ အထီးကျန်စိတ်ဝေဒနာကဲ့သို့ရောဂါတွေကို ကုသရာမှာ နည်းလမ်းသစ်တွေကို လမ်းဖွင့်ပေးနိုင်မယ်လို့ သိပ္ပံပညာရှင်တွေက ထင်မြင်ယူဆနေကြပါတယ်။

အဲဒီ ဦးနှောက်ငယ်တွေကို အယ်ဇိုင်းမားရောဂါ၊ ပါကင်ဆန်ရောဂါ၊ အာရုံကြောထုံထိုင်းရောဂါ၊ ဗိုင်းရပ်စ်ကူးစက်ခြင်း၊ လေဖြတ်ခြင်းစတဲ့ အခြားသော ဦးနှောက်ရောဂါအများအပြားအတွက်လည်း အသုံးဝင်နိုင်မယ်လို့ မျှော်လင့်ထားပါတယ်။

IINA