IS မှာ အစ္စလာမ်မှ သွေဖည်သည့်အဖွဲ့သာဖြစ်သည်ဟု ထင်ရှားသည့် ဗြိတိန်မွတ်စလင်များပြော

ဖေဖော်ဝါရီ ၁၉၊ ၂၀၁၆
M-Media

– နယ်ပယ်ပေါင်းစုံက ထင်ရှားတဲ့ကျော်ကြားတဲ့ ဗြိတိန်မွတ်စလင်အားလုံးနီးပါးက IS အဖွဲ့ဟာ မွတ်စလင်လူထုကြီးရဲ့ အမြင်တွေ၊ ကျင့်သုံးမှုတွေကို ကိုယ်စားမပြုဘဲ သွေဖည်တဲ့ အုပ်စုဖြစ်တယ်လို့ တစ်ညီတစ်ညွတ်တည်း ပြောကြားခဲ့ကြောင်း စစ်တမ်းကောက်ယူမှုအရ သိရပါတယ်။

အဲဒီစစ်တမ်းကို 5Pillars အစ္စလာမ့်မစ်ဖိုရမ်က ကောက်ယူကာ ဗုဒ္ဓဟူးနေ့မှာ ထုတ်ပြန်ခဲ့တာဖြစ်ပြီး ထင်ရှားပေါက်ရောက်တဲ့ ဗြိတိန်မွတ်စလင် ၉၀ ရာနှုန်းကျော်က အရပ်သားတွေကို သတ်ဖြတ်နေခြင်းဟာ အစ္စလာမ်ရဲ့ သွန်သင်မှုနဲ့ မညီညွတ်ဘူးလို့ ပြောခဲ့ကြပါတယ်။

နောက်ပြီး အစ္စလာမ်မှာ တိုက်တွန်းထားတာက မည်သည့်ဘာသာဝင်ဖြစ်စေ၊ မည်သည့် လူ့အသိုင်းအ၀ိုင်းကဖြစ်စေ၊ မည်သည့် လူမျိုး သို့မဟုတ် မည်သည့်အခြေအနေမှာဖြစ်စေ မေတ္တာနဲ့ တရားမျှတမှု လက်ကိုင်ပြုထားရမယ်လို့သာ ဆုံးမထားတယ်လို့ စစ်တမ်းကောက်ယူခံရတဲ့ မွတ်စလင်တွေက ပြောကြားခဲ့ကြပါတယ်။

ဒီစစ်တမ်းကောက်ယူမှုရဲ့ ရည်ရွယ်ချက်က အစ္စလာမ့်ရဲ့ စံသင်ကြားမှုတွေကို ထွန်းကားစေဖို့ ရည်ရွယ်တာဖြစ်ပြီး ရှေ့ဆောင်အီမာမ်တွေ၊ မွတ်စလင်ပညာရှင်တွေ၊ ဆရာဝန်တွေ၊ ရှေ့နေတွေ၊ ဂျာနယ်လစ်တွေနဲ့ ဘလော့ဂ်ဂါတွေက ပါဝင် ဖြေကြားခဲ့ကြပါတယ်။

နောက်ပြီး အစ္စလာမ်သာသနာမှာ အတင်းအကြပ်ထိမ်းမြားတာ၊ အတင်းအကြပ် ဘာသာကူးပြောင်းစေတာ၊ လူမျိုးရေးခွဲခြားတာတွေကို လက်မခံဘူးလို့လည်း သူတို့တွေက ဖြေကြားခဲ့ကြပါတယ်။

စစ်တမ်းကောက်ယူသူတွေကတော့ ဒီရလဒ်တွေကို နိုင်ငံရေးသမားတွေ၊ မီဒီယာတွေက အသုံးပြုပြီး မွတ်စလင်လူထုကြီးက ယုံကြည်လက်ခံထားတဲ့ အစ္စလာမ့်သဘောတရားတွေအပေါ်မှာ ပိုမိုနားလည်မှု ရရှိစေဖို့အတွက် ဆောင်ရွက်နိုင်လိမ့်မယ်လို့ ပြောကြားခဲ့ပါတယ်။

“ဗြိတိန်နိုင်ငံမှာ မွတ်စလင်တွေအပေါ် အလယ်အလတ်သမား၊ လစ်ဘရယ်သမား၊ ပြုပြင်ပြောင်းလဲရေးသမား၊ ရှေးရိုးစွဲဝါဒီများ၊ အစွန်းရောက်များ၊ အစ္စလာမ့်ဝါဒီများ စသဖြင့် စုံနေအောင် တံဆိပ်ကပ်ကြပါတယ်။ ဒါဟာ မွတ်စလင်လူ့အဖွဲ့အစည်းအတွင်းမှာရော၊ ဗြိတိန်ရဲ့ မွတ်စလင်ဟုတ်တဲ့ ပြည်သူလူထုအတွင်းမှာပါ သွေးကွဲမှုတွေကို ဖြစ်စေနိုင်ပါတယ်။ ဒီလေ့လာမှုကို လုပ်တဲ့ ရည်ရွယ်ချက်ကို မီဒီယာတွေ၊ ပညာရှင်တွေနဲ့ ပေါ်လစီရေးဆွဲသူတွေအတွက် ‘စံ အစ္စလာမ်’ ဆိုတာ ဘာလဲလို့ ဆန်းစစ်ကြတဲ့အခါ ခိုင်မာတဲ့ အထောက်အထား ပေးအပ်နိုင်ဖို့ ဖြစ်ပါတယ်။ ” လို့ အဲဒီ စစ်တမ်းကောက်ယူမှုရလဒ်မှာ ဖော်ပြထားပါတယ်။

ဗြိတိန်အပါအ၀င် ဥရောပတစ်ဝှမ်း၊ အစ္စလာမ်ကမ္ဘာနဲ့ ကမ္ဘာ့နိုင်ငံတွေက မွတ်စလင်တွေရဲ့ IS အကြမ်းဖက်အဖွဲ့အပေါ် သဘောထားအမြင်တွေကို စစ်တမ်းကောက်ယူမှုတွေ ပြုလုပ်လျက်ရှိနေရာမှာ မွတ်စလင်လူထုကြီးက အဲဒီအကြမ်း ဖက်အဖွဲ့ဟာ အစ္စလာမ်နဲ့မဆိုင်သလို၊ အစ္စလာမ်သာသနာကို အလွဲသုံးစားလုပ်နေတဲ့အဖွဲ့အဖြစ် တစ်ညီတစ်ညွတ်တည်း ဖြေကြားခဲ့ကြပါတယ်။

Ref: IINA