အလဲထိုးဘုရင် ရိုးရာလက်ဝှေ့ချန်ပီယံ ထွန်းထွန်းမင်း

ကျော်ဇင်လှိုင် ရေးသည်။

မြန်မာတိုင်း(မ်) မှ ကူးယူဖော်ပြပါသည်။

ယနေ့ခေတ် ရိုးရာလက်ဝှေ့ လောကမှာ အလဲထိုးဘုရင်အဖြစ် နာမည်ကြီးသူ၊ အားမာန် အပြည့်နဲ့ ပွဲစဉ်တိုင်းမှာ ရင်ဆိုင်ထိုးသတ်သူ၊ ပြင်းထန်တဲ့ ခြေကန်ချက်တွေနဲ့ ပြိုင်ဘက် တိုင်းကို အချိန်တို အတွင်း အလဲထိုးအနိုင်ယူ နိုင်သူဆိုတဲ့ ဂုဏ်ပုဒ်တွေကို ပိုင်ဆိုင်ထားသူကတော့ လက်ရှိရိုးရာ လက်ဝှေ့ အလွတ်တန်းချန်ပီယံ ထွန်းထွန်းမင်း ဖြစ်ပါတယ်။

ထွန်းထွန်းမင်းရဲ့ပွဲဆို ပြည်တွင်းပြိုင်ဘက် နဲ့ထိုးထိုး၊ ပြည်ပပြိုင်ဘက်နဲ့ တွေ့တွေ့ ဘယ်နေရာမှာပဲ ကျင်းပပါစေ ပွဲစဉ်တိုင်းက ပရိသတ်အပြည့်ပါပဲ။ သူထိုးတဲ့ပွဲစဉ်တိုင်းက ပရိသတ်ပြည့်သလို မထိုးခင်မှာရော ထိုးနေစဉ် အတွင်းမှာပါ ဆုတော်ငွေတွေ အများကြီး ရရှိတတ်တဲ့ ရိုးရာလက်ဝှေ့မောင်တစ်ဦးဖြစ်ပါတယ်။

ဒါကြောင့် ရိုးရာလက်ဝှေ့ပရိသတ်တွေ ရဲ့ အသည်းနှလုံး ရရှိထားသူလို့လဲ ဆိုနိုင်ပါတယ်။ လက်ရှိအချိန်မှာ အသက် ၂၄ နှစ်သာရှိသေးတဲ့ ထွန်းထွန်းမင်းဟာ ၂၀၁၂ အာရှ ‘မွေ’ ငွေတံဆိပ် ဆု၊ ၂၀၁၃ ဆီးဂိမ်း’မွေ’ ရွှေတံဆိပ်ဆု၊ ၂၀၁၅ ခုနှစ်အတွက် အကောင်း ဆုံး လက်ဝှေ့သမားဆု၊ ဒဂုံရွှေအောင်လံဆု၊ ၂၀၁၅ Air KBZ  အောင်လံဆုစတဲ့ ဆုတံဆိပ် များစွာကို ရရှိထားသူဖြစ်ပြီး မြန်မာပြည်အလွတ်တန်းချန်ပီယံဘွဲ့ကိုတော့ အသက်၂၃ နှစ်မှာ ရရှိခဲ့သူဖြစ်ပါတယ်။

ဓာတ်ပုံများ- ဇာနည်ဖြိုး

ရွှေခါးပတ် ချန်ပီယံဟောင်းဖြစ်တဲ့ စောငမန်းကို ၂၀၁၄ ခုနှစ်၊ စက်တင်ဘာမှာ အလဲထိုး အနိုင်ယူပြီး မြန်မာပြည်အလွတ် တန်း ချန်ပီယံရွှေခါးပတ်ကို လွှဲပြောင်းရယူခဲ့တာပါ။ လက်ဝှေ့သမား သက်တမ်းတစ်လျှောက် ရင်ဆိုင်ထိုးသတ်ခဲ့တဲ့ ၅၆ ပွဲမှာ ၄၃ ပွဲနိုင်၊
၁၂ ပွဲသရေ၊ တစ်ပွဲရှုံးဆိုတဲ့ စံချိန်ကောင်းကိုလည်း ရရှိထားသူဖြစ်ပါတယ်။

သူ့ကို ပထမဆုံးရှုံးပွဲတွေ့စေခဲ့တဲ့ ကမ္ဘာ့ မွေထိုင်းချန်ပီယံဟောင်း အမေရိကန်နိုင်ငံသား ဆိုင်းရပ်စ်ဝါရှင်တန်ကို နှစ်ကြိမ်တိုင် တိုင် ပြန်လည်အနိုင်ယူပြီး လက်စားချေထားနိုင်သူ ဖြစ်ပါတယ်။ ပြီးခဲ့တဲ့ဒီဇင်ဘာ ၂၀ ရက် က ဆိုင်းရပ်စ်နဲ့ ထိုးသတ်ခဲ့တဲ့ နောက်ဆုံးပွဲ
မှာ ၇၁ စက္ကန့်နဲ့ပဲ အလဲထိုးအနိုင်ယူခဲ့ပြီး ရိုးရာ လက်ဝှေ့ဂုဏ်ကို ဆောင်နိုင်ခဲ့သူ ဖြစ်ပါတယ်။ မြန်မာပြည်ချန်ပီယံ ဖြစ်ပြီးနောက်ပိုင်း ၂၀၁၅ ခုနှစ် တစ်နှစ်လုံး နိုင်ငံခြားသားတွေ နဲ့သာ ရင်ဆိုင်ထိုးသတ်ခဲ့ရတဲ့ ထွန်းထွန်းမင်း အတွက်၂၀၁၆ ခုနှစ်မှာတော့ ပထမဆုံး ပြည်တွင်းစိန်ခေါ်သူပေါ်လာခဲ့ပါတယ်။သတ္တိကလပ်ရဲ့ ပထမတန်းလက်ဝှေ့ကျော် စောဂေါ်မူတိုပါ။ စောဂေါ်မူတိုနဲ့ ဇန်န၀ါရီ ၁၇ ရက်မှာ မြန်မာပြည် ချန်ပီယံစိန်ခေါ်ပွဲအဖြစ် ရင်ဆိုင်ထိုးသတ်ခဲ့ရာ ဒုတိယအချီ ၃၃ စက္ကန့်မှာ အလဲထိုးနဲ့ အနိုင်ရခဲ့ပြီး ချန်ပီယံဘွဲ့ ကို ကာကွယ်ခဲ့ပါတယ်။ ဒီလိုမြန်မာပြည်ချန်ပီယံကို မွန်ပြည်နယ်၊ မုဒုံမြို့၊ ဖနုံကျေးရွာမှာ မွေးဖွားခဲ့တာဖြစ်ပြီး အရင်က မုဒုံသားကလပ် ကိုယ်စားပြု  လက်ဝှေ့ သမားဖြစ်ပေမယ့် လက်ရှိအချိန်မှာတော့ သူ့ရဲ့နေအိမ်မှာပဲ ရိုးရာကလပ်ကို ဖွင့်လှစ်ထားပြီး မျိုးဆက်သစ် လက်ဝှေ့သမားလေး တွေကို လေ့ကျင့်ပေးနေပါတယ်။

ကလပ် အမည်ကို သူ့ရဲ့နာမည်ဖြစ်တဲ့ ထွန်းထွန်းမင်းနာမည်နဲ့ပဲ ဖွင့်လှစ်ထားပါတယ်။ မြန်မာပြည်ချန်ပီယံကြီး လေ့ကျင့်တဲ့ ရိုးရာ လက်ဝှေ့ကလပ်ဆိုပေမယ့် နိုင်ငံတကာအဆင့်မီ အားကစားပစ္စည်းတွေနဲ့ လေ့ကျင့် တာကိုတော့ မတွေ့ရပါဘူး။ ရိုးရှင်းတဲ့ သဲအိတ် နဲ့ လက်သီး ထိုးလေ့ကျင့်ပြီး သူရဲ့နာမည်ကျော် ခြေကန်ချက်တွေအတွက်ကတော့ သဲအိတ်တွေ၊ တာယာတွေနဲ့ပတ်ထားတဲ့သစ်ပင်ကိုပဲ တွေ့ရမှာပါ။ ဒါကိုပဲကန်ပြီးတော့ လေ့ကျင့် တာလို့ ဆိုပါတယ်။ ထွန်းထွန်းမင်းက တစ်နေ့ကို လေးနာရီလောက် ပုံမှန်လေ့ကျင့်ဖြစ်တယ်လို့ ဆိုပါတယ်။ “ကျွန်တော်တစ်နေ့ကို လေးနာရီလောက် လေ့ကျင့် ဖြစ်ပါတယ်။ မနက် ၆ နာရီလောက် ကနေ ၈ နာရီ၊ ညနေဆိုရင် ၃ နာရီခွဲလောက် ကနေ ၅ နာရီခွဲလောက်ထိ လေ့ကျင့်ဖြစ်ပါတယ်” လို့ မြန်မာတိုင်း(မ်)ကို ပြောပါတယ်။ သူ့က အစားအသောက်ကို အဓိကထားဆင်ခြင်ပြီး ခန္တာကိုယ်ဝိတ်ကို ထိန်းရတယ်လို့ဆိုပါတယ်။

“အစားအသောက်ကတော့ ဆင်ခြင်ရတယ်။ အဆီများတဲ့ အစားအစာ ရှောင်တယ်။ အချဉ်တွေကို ရှောင်တယ်။ အဆီများတဲ့ အစားအစာ တွေက လူကို မောစေတယ်။ အချဉ်ကျတော့ လူကိုအားလျော့စေတယ်။ အလေးအချိန်ကိုတော့ ကိုယ်နဲ့ထိုးမယ့် ပြိုင်ဘက်အပေါ်မူတည်ပြီး ၀ိတ်အတိုးအလျှော့ လုပ်ရတာပေါ့” လို့ ပြောပါ တယ်။ ထွန်းထွန်းမင်းက လက်ရှိသူရဲ့ စွမ်းဆောင်ရည်အပေါ် အပြည့်အ၀ အားမရသေးဘူးလို့ မြန်မာတိုင်း(မ်)ကို ပြောပါတယ်။

“လက်ရှိ ကိုယ့်ရဲ့ပုံစံကိုတော့ အားရ ကျေနပ်မှု ရှိပါတယ်။ ဒါပေမဲ့ အပြည့်အ၀တော့မဟုတ်သေးပါဘူး။ တခြားလက်ဝှေ့ သမားတွေထက်စာရင် ကျွန်တော်လေ့ကျင့်တာနည်းနေသေးတယ်လို့ ထင်တယ်။ ကျွန်တော်က ကိုယ့်ကိုယ်ကိုယ် အညံ့ဆုံးလို့
အမြဲတမ်းတွေးပြီးတော့ ကြိုးစားလေ့ကျင့်ပါ တယ်”လို့ ပြောပါတယ်။ ထွန်းထွန်းမင်းဟာရိုးရာလက်ဝှေ့ ကို ၁၀ နှစ်သားအရွယ်ကတည်းက ထိုးသတ်ခဲ့တာဖြစ်ပြီး အသက် ၂၇၊၂၈ နှစ် အရွယ်လောက်မှာ အနားယူ မယ်လို့ ဆိုပါတယ်။ သူ လက်ဝှေ့ စထိုးဖြစ်ခဲ့ပုံနဲ့ ရိုးရာ
လက်ဝှေ့သမား ဖြစ် လာခဲ့ပုံကိုလည်း ပြောပြခဲ့ပါသေးတယ်။

“ကျွန်တော်ငယ်ငယ်က ရန် လည်းတစ်ခါမှမဖြစ်ဖူးဘူး။ ကြောက် တတ်ပြီးခပ်အေးအေးပဲနေတတ်တဲ့ ကျောင်းသား တစ်ယောက်ပါ။ ဒါပေမဲ့ တစ်ရက် ကျောင်းမှာကျောင်းသားတစ်ယောက်နဲ့ရန်ဖြစ်တယ်။ အဲဒီကျောင်းသားနဲ့ အပြင် က အပျော်တမ်းပွဲ လက်ဝှေ့ ပြန်ထိုးဖြစ်တယ်။ အဲဒီမှာလက်ဝှေ့ ထိုးတာကို ၀ါသနာပါလာပြီး ရိုးရာလက်ဝှေ့သမား ဖြစ်လာတာပါ” လို့ ပြောပါတယ်။ ထွန်းထွန်းမင်းဟာ လက်ဝှေ့သမား တစ်ဦး ဖြစ်ပေမယ့် မြန်မာနိုင်ငံသားအချင်းချင်းထိုးရတာထက် နိုင်ငံခြားသားတွေနဲ့ပဲ ထိုးချင် တဲ့ လက်ဝှေ့သမားဖြစ်ပါတယ်။ “ကျွန်တော် မြန်မာအချင်းချင်း မထိုးသတ်ချင်ပါဘူး။ ကျွန်တော့်ဘ၀မှာ ကိုစောငမန်းနဲ့ထိုးတုန်းက တစ်ကြိမ်၊ ဂေါ်မူဒိုနဲ့ ထိုးတုန်းကတစ်ကြိမ် စိတ်မကောင်းဖြစ်ရပါတယ်။ အနိုင် ရခဲ့တယ်ဆိုပေမယ့် အားနာမိတယ်။ လက်ဝှေ့
သမားတွေဆိုတာ တစ်ယောက်နဲ့ တစ်ယောက် က အမြဲတမ်းတွေ့နေရတာပါ။ အပြင်တွေအတူတူ သွားလာစားသောက်နေကြတာပါ။

အပြင်မှာဆိုရင် ညီအစ်ကို မောင်နှမလိုနေကြ ပြီး စင်ပေါ်မှာ တကယ့်ပြိုင်ဘက်တွေလို ထိုးရတာဆိုတော့ မျက်နှာနာစရာတွေဖြစ်တယ်။ထိုင်းနိုင်ငံကလုပ်တဲ့မွေထိုင်း ပြိုင်ပွဲတွေဆိုဘယ်တော့မှ ထိုင်းချန်ပီယံချင်း ထိုးတယ်ဆိုတာမရှိပါဘူး။ အခြားနိုင်ငံက ပြိုင်ဘက်တွေနဲ့ပဲ ထိုးကြတာပါ” လို့ ပြောပါတယ်။ မြန်မာ့ရိုးရာလက်ဝှေ့နဲ့ပတ်သတ်ပြီး သူရဲ့အမြင်ကိုလည်း သုံးသပ်ပြောပြခဲ့ပါတယ်။ “ရိုးရာလက်ဝှေ့နဲ့ ‘မွေထိုင်း’ ဆိုရင် အားလုံး နီးပါးတူတယ်။

ဒါပေမဲ့ ‘မွေ’ အားကစားနည်း က လက်ဝှေ့ထက်ပိုအောင်မြင်တယ်။ ဘာလိုလဲဆိုတော့ သူတို့က ပံ့ပိုးကူညီမှု သိပ် ကောင်းပါတယ်။ ထိုင်းနိုင်ငံက သူတို့ရိုးရာအားကစားနည်းအတွက် ပိုက်ဆံအကုန်ခံပြီး လုပ်တယ်။ နိုင်ငံတကာကိုလှည့်ပြီး သူတို့ ပိုက်ဆံနဲ့သူတို့ ထိုးဖောက်ကြတယ်။ ဒါကြောင့် လူတိုင်းသိပြီး အောင်မြင်လာတာပေါ့။ ကျွန်တော်တို့ ရိုးရာလက်ဝှေ့ကို အဲဒီလို အကုန်ခံပြီး ရင်းနှီးမြှပ်နှံမယ့်လူမရှိသေးဘူး။ သံဆန်ခါ လက်ဝှေ့ဖြစ်တဲ့ MMA ပွဲတွေဆို မြန်မာ့လက်ဝှေ့လောက် ကြည့်မကောင်းပါ ဘူး။ ဒါပေမဲ့ ပံ့ပိုးမှုအားကောင်းတော့ သူတို့က အောင်မြင်တာပေါ့။ ဒီလိုတွေလုပ်နိုင်မယ်ဆိုရင် မြန်မာ့ရိုးရာလက်ဝှေ့လည်း အောင်မြင်လာ မှာပါ”လို့ ပြောပါတယ်။

နိုင်ငံခြားသားတွေနဲ့သာ ရင်ဆိုင်ထိုး သတ်ချင်တဲ့ ထွန်းထွန်းမင်းဟာ ‘မွေထိုင်း’ ဖိုက်တာတွေနဲ့ သွားရောက်ယှဉ်ပြိုင်ဖို့ စီစဉ် နေတယ်လို့ ဆိုပါတယ်။”ဒီအချိန်ကသူ့ရဲ့ အကောင်းဆုံးအချိန်ပါပဲ။ ဒါကိုအသုံးချပြီး မြန်မာ့ရိုးရာလက်ဝှေ့ ကို နိုင်ငံတကာကသိအောင် ကြိုးစားရမယ်။ သူ့အတွက် ‘မွေထိုင်းဖိုက်’ ထိပ်တန်း ကစား သမားတစ်ဦးဦးနဲ့ ပွဲစီစဉ်ဖို့ ရှိပါတယ်။တကယ့်နာမည်ကြီးကစားသမားနဲ့ တည်ပေး သွားမှာပါ။ ဒီမှာလုပ်ဖို့ထက် ဟိုမှာသွားပြိုင် ဖြစ်ဖို့ ပိုများမယ်ထင်တယ်။ ပရိသတ်တွေအတွက် ပွဲကောင်းတစ်ပွဲ ဖြစ်လာမှာပါ” ဟု ထွန်းထွန်းမင်းရဲ့ မန်နေဂျာဖြစ်တဲ့ ကိုအောင်ကျော်မိုးက မြန်မာတိုင်း(မ်) ကို ပြောပါတယ်။

ထွန်းထွန်းမင်း၊တူးတူးနဲ့ မင်းသားကြီး (ခ) ကိုအောင်ကျော်မိုးတို့ သုံးဦးပေါင်းကာ MTT Group ကိုတည်ထောင်ထားပြီး ရိုးရာ လက်ဝှေ့ပွဲကို စီစဉ်လျက်ရှိပါတယ်။ MTT Group ရဲ့ပွဲဦးထွက်ပွဲ စဉ်အဖြစ် All Star Big Fight ဆိုတဲ့ နိုင်ငံတကာ ရိုးရာလက်ဝှေ့ ပွဲကြီးကို ရန်ကုန်မြို့မှာကျင်းပပြုလုပ်ခဲ့ပြီး အောင်မြင်မှုတွေ ရရှိခဲ့ပါတယ်။ ထွန်းထွန်းမင်းနဲ့ တူးတူးတို့ဟာ ၂၀၁၂ ခုနှစ်က ဗီယက်နမ်နိုင်ငံမှာ ကျင်းပပြုလုပ်ခဲ့ တဲ့ အာရှ ‘မွေ’ ပြိုင်ပွဲအပြီးမှာ အောင်မြင်မှု တွေ အသီးသီးရရှိခဲ့ပြီး ပထမတန်းလက်ဝှေ့ ကျော်တွေဖြစ်လာတဲ့ လက်ဝှေ့သမားတွေ ဖြစ်ပါတယ်။

လက်ရှိအချိန်မှာ ထွန်းထွန်းမင်းဟာ မြန်မာပြည်ချန်ပီယံဖြစ်ပြီး တူးတူးကတော့ မြန်မာပြည်ရဲ့ဒုတိယအကောင်းဆုံး လက်ဝှေ့ သမားလို့ဆိုရမှာပါ။သူတို့ရဲ့ နှစ်ယောက်ရဲ့ ပွဲကို ရိုးရာလက်ဝှေ့ ပရိသတ်တွေက မျှော်လင့်နေကြပေမယ့် သူတို့နှစ်ဦးဟာ အရင်းနှီးဆုံး သူငယ်ချင်းတွေဖြစ်တာကြောင့် ဒီပွဲဟာ မဖြစ်နိုင်သေးဘူးလို့ ထွန်းထွန်းမင်း က ပြောပါတယ်။ “၂၀၁၂ အာရှ’မွေ’ပြိုင်ပွဲသွားပြိုင်တော့ တူးတူးက ကျွန်တော့်ရဲ့ အခန်းဖော်လေ။

သူများနိုင်ငံမှာ သွားပြိုင်ရတာဆိုတော့ ကုပေးမယ့်လူမရှိဘူး။ သူထိုးရင် ကိုယ်က ကုပေး၊ကိုယ်ထိုးရင်သူကကုပေးနဲ့ ယှဉ်ပြိုင် ခဲ့ရတာပါ။ ဒဏ်ရာတွေရရင်လည်း တစ်ယောက် နဲ့ တစ်ယောက်ပြုစုပြီး ပြိုင်ပွဲကို ဖြတ်သန်းခဲ့ ကြတာ။ ပြီးတော့ ၂၀၁၃ ဆီးဂိမ်းမှာ Camp
ဝင်ရတော့လည်း အတူတူပဲဆိုတော့ အရင်း နှီးဆုံး သူငယ်ချင်းတွေဖြစ်ခဲ့တယ်။

သူနဲ့ ထိုးဖို့ဆိုတာ တော်တော်စဉ်းစားရမယ့် အလုပ် ပါ” လို့ ထွန်းထွန်းမင်းက ပြောပါတယ်။ ထွန်းထွန်းမင်းနဲ့ တူးတူးတို့ရဲ့ မန်နေဂျာ ဖြစ်တဲ့ ကိုအောင်ကျော်မိုးက “ထွန်းထွန်းမင်းနဲ့ တူးတူးတို့ရဲ့ ပွဲကတစ်နေ့နေ့တော့ ဖြစ် လာမှာပါ။ သူတို့တွေ အနားမယူခင်လေး တော့ ဖြစ်လာမယ်ထင်တယ်။ လောလောဆယ် တော့ နိုင်ငံခြားပြိုင် ဘက်တွေနဲ့ ယှဉ်ပြိုင်ခိုင်းပြီး ရိုးရာလက်ဝှေ့ကို ကမ္ဘာက သိအောင် ကြိုးပမ်းသွားမှာပါ” ဟုမြန်မာတိုင်း(မ်) ကို ပြောပါတယ်။

မူရင်းလင့်ခ် http://myanmar.mmtimes.com/index.php/sports/17800-2016-02-19-09-55-20.html