မြန်မာနိုင်ငံ၏ တရားစီရင်ရေး ပြိုလဲနေသည်ဟု သင့်မြတ်လိုသူများအဖွဲ့မှ ကိုဇော်ဇော်လတ်ပြော

ဖေဖော်ဝါရီ ၂၀၊ ၂၀၁၆
M-Media

– သင့်မြတ်လိုသူများ ဘာသာပေါင်းစုံ ညီညွတ်ရေးအဖွဲ့မှ တရားမ၀င်အဖွဲ့အစည်းနှင့် ဆက်သွယ်မှု၊ လူဝင်မှုကြီးကြပ်ရေးဥပဒေများကို ချိုးဖောက်မှုတို့ဖြင့် တရားစွဲဆိုခံထားရသည့် အဖွဲ့ဝင်နှစ်ဦးဖြစ်သူ ကိုဇော်ဇော်လတ်နှင့် မပွင့်ဖြူ လတ်တို့၏ ဖေဖော်ဝါရီ ၁၇ က်နေ့ ကြားနာမှုကို ရွှေ့ဆိုင်းလိုက်သည်ဟု သိရသည်။

ထိုကဲ့သို့ ရွှေ့ဆိုင်းခဲ့ခြင်းမှာ ထိုအမှုကို ကိုင်တွယ်ရန်အတွက် တရားသူကြီးအသစ်တစ်ဦးကို ခန့်အပ်မှုကြောင့်ဖြစ်ပြီး၊ အဆိုပါ တရားသူကြီးမှာ ထပ်မံဆောင်ရွက်မှုများ မပြုလုပ်ခင် ယခင်ကြားနာမှုများကို လေ့လာလိုသည်ဟု တာဝန်ရှိသူများက ပြောကြားခဲ့သည်။ နောက်ထပ် ကြားနာမှုကို ဖေဖော်ဝါရီ ၂၆ ရက်နေ့တွင် ပြုလုပ်မည်ဖြစ်သည်။

သင့်မြတ်လိုသူများအဖွဲ့ကို ၂၀၁၃ ခုနှစ် မိတ္ထီလာ အကြမ်းဖက်တိုက်ခိုက်မှုပြီးနောက်ပိုင်း ဗုဒ္ဓဘာသာ ဘုန်းတော်ကြီးတစ်ဦးက ဦးဆောင်ဖွဲ့စည်းခဲ့ခြင်းဖြစ်ပြီး၊ ကိုဇော်ဇော်လတ်နှင့် မပွင့်ဖြူလတ်တို့မှာ ပြီးခဲ့သည့် ဇူလိုင်လက ဖမ်းဆီးခံခဲ့ရခြင်းဖြစ်သည်။

ကိုဇော်ဇော်လတ်အတွက် တရားမ၀င်အဖွဲ့အစည်းနှင့် ဆက်သွယ်ခြင်း စွဲချက်မှာ ၂၀၁၃ ခုနှစ် ဇွန်လအတွင်းက လိုင်ဇာရှိ ကချင်လွတ်မြောက်ရေးတပ်မတော် အဖွဲ့ဝင်များနှင့် တွေ့ဆုံမှုကို ရည်ညွှန်းခြင်းဖြစ်သည်။ ကိုဇော်ဇော်လတ်မှာ ထိုခရီးစဉ်တွင် ရိုင်ဖယ်ကိုင်ထားသည့် ဓာတ်ပုံအား Facebook စာမျက်နှာတွင် လွှင့်တင်ခဲ့သည်။

၂ နှစ်အကြာတွင် အမျိုးသားရေးအုပ်စုများ၏ ဖိအားပေးမှုများ ပေါ်ထွက်လာပြီးနောက်ပိုင်း အစိုးရက ထိုကဲ့သို့ ဖမ်းဆီးခဲ့ခြင်းဖြစ်ကာ ချမ်းအေးသာဇံမြို့ရှိ တရားရုံးတွင် ဇူလိုင်လ ၁၅ ရက်နေ့က တရားစွဲဆိုခဲ့သည်။

“လက်ရှိအချိန်မှာ တရားစီရင်ရေးက မတည်ငြိမ်သေးပါဘူး။ ပြိုလဲနေပါတယ်။ ရွေးကောက်ခံရတဲ့ အစိုးရ တာဝန်ယူတဲ့အချိန်မှာတော့ တရားစီရင်ရေးကို ဖြောင့်မတ်အောင် ဆောင်ရွက်ဖို့လိုပါတယ်” ဟု ကိုဇော်ဇော်လတ်က တရားရုံးတွင် ပြောကြားခဲ့သည်။

မပွင့်ဖြူလတ်ကို သင့်မြတ်လိုသူများအဖွဲ့မှ ခြားသောအဖွဲ့ဝင် ၅ ဦးနှင့်အတူ လူဝင်မှုကြီးကြပ်ရေး အက်ဥပဒေဖြင့် တရားစွဲဆိုခဲ့ခြင်းဖြစ်သည်။ သူမကမူ ထိုအချိန်ထဲက နောက်ထပ်တစ်ဦးကို ဖမ်းဆီးခဲ့ပြီး ကျန် ၄ ဦးကိုမူ ၀ရမ်းထုတ်ထားသည်ဟု ဆိုသည်။

“တရားသူကြီးအနေနဲ့ နှလုံးသားနဲ့ရော ဦးနှောက်နဲ့ပါ ဆုံးဖြတ်မယ်လို့ ကျွန်မ မျှော်လင့်ပါတယ်။ ဒီအမှုနှစ်ခုစလုံးဟာ အထက်ကနေ ဖိအားပေးထားတာပါ။ (အာဏာပိုင်တွေကို) ဆန့်ကျင်တာကြောင့် တရားစွဲဆိုခံရတာလို့ ကျွန်မ ထင်ပါတယ်” ဟု မပွင့်ဖြူလတ်က ပြောကြားခဲ့သည်။

ကိုဇော်ဇော်လတ်အား လိုင်ဇာသို့သွားရောက်မှုဖြင့် တရားစွဲဆိုခဲ့သော်လည်း၊ လိုင်ဇာသို့ ပုံမှန်သွားရောက်နေသည့် အခြားတက်ကြွလှုပ်ရှားသူများအဖွဲ့မှ အဖွဲ့ဝင်များကိုမူ အာဏာပိုင်များက ဖမ်းဆီးခြင်းမရှိပေ။

ထိုအမှုအား အနီးကပ်စောင့်ကြည့်နေသည့် ထိုင်းနိုင်ငံအခြေစိုက် အန်ဂျီအိုတစ်ဦးဖြစ်သော Fortify Rights ကမူ အဆိုပါ တရားစွဲဆိုမှုမှာ နိုင်ငံရေးအရ လှုံ့ဆော်မှုဖြစ်ပြီး၊ ရုပ်သိမ်းသင့်သည်ဟု ပြောကြားခဲ့သည်။

“ဒါဟာ ဘာသာရေခြေခံ အမျိုးသားရေးလှုပ်ရှားမှုကို မြန်မာဥပဒေထိန်းသိမ်းရေးအဖွဲ့တွေက ပစားပေးတဲ့ နောက်ထပ်လုပ်ရပ်တစ်ခုပါပဲ။ ဘာသာပေါင်းစုံ တက်ကြွလှုပ်ရှားသူတွေကို ပစ်မှတ်ထား ဖမ်းဆီးမယ့်အစား၊ မြန်မာအာဏာပိုင်တွေဟာ သူတို့ကို ကာကွယ်ပေးသင့်တာပါ” ဟု Fortify Rights အမှုဆောင်ဒါရိုက်တာ မသယူးစမစ်က ပြောကြားခဲ့သည်။

Ref: mmtimes