တရုတ်စတော့ဈေးကွက် အခြေအနေပြန်ကောင်း၊ ရေနံဈေးနှုန်းလည်း ပြန်တက်လာ

ဖေဖော်ဝါရီ ၂၂၊ ၂၀၁၆
M-Media

– နိုင်ငံ၏ ငွေချေးသက်သေခံလက်မှတ်ဆိုင်ရာ စည်းကမ်းထိန်းသိမ်းရေး ကော်မရှင်အကြီးအကဲကို တရုတ်နိုင်ငံက အစားထိုးခဲ့ပြီးနောက် ယနေ့တွင် တရုတ်နိုင်ငံ၏ စတော့ရှယ်ယာဈေးကွက်များမှာ မြင့်တက်လာခဲ့ပြီး ၄ ပတ်အတွင်း အမြင့်ဆုံးသို့ ရောက်ရှိခဲ့သည်။

ပြီးခဲ့သည့်နွေရာသီနှင့် ယခုနှစ်အစောပိုင်းတွင် စတော့ဈေးကွက် ပြိုလဲလုနီးပါးဖြစ်ခဲ့သည့် တရုတ်နိုင်ငံ၏ ထိုလုပ်ရပ်ကို ရင်းနှီးမြှုပ်နှံသူများက အကောင်းမြင်ခဲ့ကြသည်။ Shanghai Composite Index မှာ ၂.၃၇ ရာခိုင်နှုန်း တက်လာခဲ့ပြီး ၂ ၉၂၇.၁ ပွိုင့်သို့ ရောက်ရှိခဲ့ကာ ဟောင်ကောင်ရှိ Hang Seng Index မှာလည်း ၀.၉၃ ရာခိုင်နှုန်း တက်ခဲ့ကာ ၁၉၄၆၄.၀၉ အထိ ရှိခဲ့သည်။

အမေရိကန်၏ ရေနံထုတ်လုပ်မှုနှုန်းမှာ ကျဆင်းသွားသည်ဟု အချက်အလက်များ ထွက်ပေါ်လာပြီးနောက် ရေနံဈေးနှုန်းမှာ ယနေ့တွင် တက်လာခဲ့သည်။ West Texas Intermediate (WTI) ရှိ ရေနံဈေးနှုန်းမှာ ၀.၅ ဒေါ်လာ တက်လာခဲ့ပြီး တစ်စည်ကို ကန်ဒေါ်လာ ၃၀ အထက်သို့ ရောက်ရှိလာခဲ့သည်။

သို့သော်လည်း ဈေးကွက်အတွင်း ရောင်းလိုအား ပိုလျှံနေမှုကြောင့် ရေနံဈေးနှုန်းမှာ မတည်ငြိမ်သေးပေ။ အမေရိကန်ကမူ ယခုနှစ်အတွင်း ရေနံထုတ်လုပ်မှုကို လျှော့ချရန်ရှိနေပြီး ဈေးကွက်အား ရိုက်ခတ်မှုများ ရှိနိုင်သည်။ ရုရှားနှင့် အိုပက်နိုင်ငံတို့ကမူ ပြီးခဲ့သည့်လအတွင်းက စံချိန်တင်ပမာဏ ရောက်လုနီးပါးအထိ ရေနံထုတ်လုပ်ခဲ့သည်။

Ref : Channelnewsasia