အာဇာနည်များ၏အမည်ဖြင့် ဆော်ဒီတွင် ဗလီဝတ်ကျောင်းတော် ၂၀၀ တည်ဆောက်မည်

ဖေဖော်ဝါရီ ၂၄၊ ၂၀၁၆
M-Media

– ကျဆုံးသွားတဲ့ အာဇာနည်တွေကို ဂုဏ်ပြုတဲ့အနေနဲ့ ဆော်ဒီတစ်ဝှမ်းက အိမ်ရာသစ်စီမံကိန်းတွေမှာ သူတို့ရဲ့ အမည်နဲ့ ဗလီဝတ်ကျောင်းတော် အလုံး ၂၀၀ တည်ဆောက်ဖို့ အိမ်ရှေ့မင်းသား မိုဟာမက် ဘင် နအီဖ်က အမိန့်ပေးလိုက်ပါတယ်။

ပြီးခဲ့တဲ့ ၁၄ နှစ်အတွင်း သေဆုံးခဲ့သူ အာဇာနည် ပေါင်း ၂၁၀ အတွက် ဂုဏ်ပြုသ၀ဏ်လွှာတွေကိုလည်း မင်းသားက ထုတ်ပြန်ခဲ့ပါတယ်။ နောက်ပြီး အဲဒီအာဇာနည်တွေဟာ အပြစ်မဲ့ အမျိုးသား၊ အမျိုးသမီး၊ ကလေးတွေကို တရားမဲ့စွာ ပစ်မှတ်ထားတိုက်ခိုက်ခဲ့တဲ့ အုပ်စုတွေကို ရင်ဆိုင်ကာ တိုင်းပြည်ကိုကာကွယ်ရင်း ကျဆုံးခဲ့သူတွေဖြစ်တယ်လို့လည်း သူက ထည့်သွင်းပြောကြားခဲ့ပါတယ်။

အကြမ်းဖက်သမားတွေပါဝင်တဲ့ သွေဖည်သူအုပ်စုတွေဟာ တည်ငြိမ်အေးချမ်းရေးကို နှောင့်ယှက်ဖျက်ဆီးကြပြီး ညီညွတ်ရေး၊ တိုင်းပြည်တည်ငြိမ်ရေးတို့ကို ကမောက်ကမဖြစ်အောင် လုပ်သူတွေဖြစ်ကြောင်း၊ မိမိတို့တတွေ အိမ်မှာ လုံလုံခြုံခြုံနေနိုင်ပြီး ကိုယ့်မိသားစုအတွက် အနှောက်အယှက်ကင်းကင်း ပိုက်ဆံရှာနိုင်ဖို့အတွက် အဲ့ဒီအာဇာနည်သူရဲကောင်းတွေက သူတို့ရဲ့အသက်ကို စတေးခဲ့ကြတာဖြစ်ကြောင်း မင်းသား နအီဖ်က ချီးကျူးခဲ့ပါတယ်။

အဲဒီအာဇာနည်တွေရဲ့ မျိုးချစ်စိတ်နဲ့ သူရဲကောင်းစိတ်တို့ကို ပြန်လည်အသိအမှတ်ပြုတဲ့အနေနဲ့ သူတို့ရဲ့ ကျန်ရစ်သူ မိသားစုတွေကို စောင့်ရှောက်ကြဖို့ ဆော်ဒီအစိုးရက ဘာမဆိုလုပ်ဆောင်သွားမယ်လို့ မင်းသားက ထည့်သွင်း ကတိပေးခဲ့ပါတယ်။

“ဘုရင်ဆလ်မန်ဦးဆောင်တဲ့ ဆော်ဒီအစိုးရအဖွဲ့ဟာ ၎င်းတို့ရဲ့ အာဇာနည်ပီသမှုတို့ တန်ဖိုးထားအသိအမှတ်ပြုခဲ့ပြီး သူတို့ ငြိမ်းချမ်းစွာ မျက်စိမှိတ်နိုင်ဖို့အတွက် သက်ဆိုင်ရာမိသားစုတွေကို ထောက်ပံ့ပေးဖို့ အစီအစဉ်ရေးဆွဲခဲ့ပါတယ်”

ဆော်ဒီအစိုးရဟာ အာဇာနည်တွေရဲ့ စွန့်လွှတ်အနစ်နာခံမှုကို တန်ဖိုးထားဂုဏ်ပြုတဲ့အနေနဲ့ ကျန်ရစ်သူမိသားစု တစ်စုစီကို ဆော်ဒီရီယဲလ် ၁ သန်းပေးဖို့လည်း အစီအစဉ်ရှိနေပါတယ်။

Ref: Arabnews