သဘာဝဘေးအန္တရာယ်တုံ့ပြန်ရေး စုပေါင်း စီမံကိန်းတစ်ခုကို အာဆီယံက ဖော်ဆောင်နေ

ဖေဖော်ဝါရီ ၂၆၊ ၂၀၁၆
M-Media

– ဒေသတွင်း အရေးအပေါ်အခြေအနေတွေ ဖြစ်လာတဲ့အခါ ပိုမိုလျင်မြန်ထိရောက်အောင် တုံ့ပြန်နိုင်ဖို့အတွက် အာဆီယံအဖွဲ့ဟာ သဘာဝဘေးအန္တရာယ်တုံ့ပြန်ရေး အစီအစဉ်တစ်ခုကို ပူးပေါင်းဆောင်ရွက်နေတယ်လို့ သိရပါတယ်။

ဒါဟာ အာဆီယံဆောင်ပုဒ်ဖြစ်တဲ့ “တစ်ခုတည်းသော အာဆီယံ၊ တစ်ခုတည်းသော တုံ့ပြန်ရေး ရည်ရွယ်ချက်” ကို အကောင်အထည်ဖော်ဖို့အတွက် ပထမဆုံး ခိုင်မာတဲ့လှုပ်ရှားမှု ဖြစ်ပါတယ်။ ကြီးမားတဲ့သဘာဝဘေးအန္တရယ်တွေနဲ့ပက်သက်လို့ စီမံခန့်ခွဲရာမှာ အာဆီယံအတွက် မှတ်တိုင်တစ်ခုအဖြစ် ကျန်ရစ်စေမယ့် ဒီအစီအစဉ် ရေးဆွဲရေး အလုပ်ရုံဆွေးနွေးပွဲတစ်ခုကို ဂျကာတာမှာ ယမန်နေ့က ကျင်းပခဲ့ပြီး ပြည်သူ၊ အရပ်ဘက်၊ စစ်ဘက်နဲ့ လူသားချင်း စာနာထောက်ထားမှု အဖွဲ့အစည်းတွေက ကိုယ်စားလှယ် ၁၀၀ ကျော် တက်ရောက်ခဲ့ပါတယ်။

အာဆီယံဒေသ လူသားချင်းစာနာထောက်ထားမှု ကူညီရေးနဲ့ သဘာဝဘေးအန္တရာယ် စီမံခန့်ခွဲရေး စင်တာ (AHA Centre) ဟာ ပြီးခဲ့တဲ့ လေးနှစ်အတွင်း သဘာဝဘေးအန္တရာယ် ၁၃ ခုကို ရင်ဆိုင်ကိုင်တွယ်ခဲ့ရပြီး ၂၀၁၃ ခုနှစ်က ဖိလစ်ပိုင်မှာ ဖြစ်ပေါ်ခဲ့တဲ့ တိုင်ဖုန်းဟိုင်ယန်က အကြီးဆုံး သဘာဝဘေးအန္တရာယ်တစ်ခု ဖြစ်ခဲ့ပါတယ်။

“လုပ်စရာတွေတော့ အများကြီးရှိပါတယ်၊ ပုဂ္ဂလိက ကဏ္ဍအသီးသီးကလူတွေဟာ လူသားချင်းစာနာထောက်ထားမှုဆိုင်ရာ လုပ်ငန်းတွေနဲ့ သဘာဝဘေးအန္တရာယ် ဖြေရှင်းနည်းတွေကို နားလည်ပြီး ကျွမ်းကျင်တတ်မြောက်ဖို့ လိုအပ်တယ်လို့ ကျွန်တော်တို့ ခံစားမိပါတယ်၊ ဒါ့အပြင် လက်ရှိ ရှိနေတဲ့ လူသားချင်းစာနာထောက်ထားမှုဆိုင်ရာ ယန္တရားနဲ့ ဂေဟစနစ်တို့ကို တန်ဖိုးထားနိုင်စွမ်းလည်း ရှိရပါမယ်” လို့ AHA Centre ရဲ့ နည်းပညာအကြံပေး ဖြစ်သူ ဟာစန်အဟ်မဒ်က ပြောကြားခဲ့ပါတယ်။

သဘာဘေးအန္တရာယ်ကို ရင်ဆိုင်ဖြေရှင်းဖို့ လက်ရှိဆောင်ရွက်မယ့် အစီအစဉ်ဟာ စံညွှန်းတစ်ခုတည်းဖြစ်ဖို့ လုပ်နေတာမဟုတ်ပဲ သဘာဝဘေးအန္တရာယ် ဖြေရှင်းရေးအတွက် ရှိနေပြီးသား မတူညီတဲ့ယန္တရားတွေကို သဟဇာတဖြစ်ဖို့ ရည်ရွယ်တယ်လို့ အာဆီယံနိုင်ငံတွေက ပြောကြားခဲ့ပါတယ်။

အဖွဲ့ရဲ့ အဓိကရည်ရွယ်ချက်ဟာ အရင်သဘာဝဘေးဖြစ်ခဲ့သလိုမျိုး ၀ရုန်းသုန်းကားနဲ့ ပြုန်းတီးမှုတွေ မဖြစ်ရအောင် သဘာဝဘေးဖြစ်ပေါ်နေတဲ့နေရာတွေကို နှောင့်နှေးကြန့်ကြာခြင်းမရှိဘဲ အလျင်မီအောင် အကူညီပေးနိုင်ဖို့ ဖြစ်တယ်လို့လည်း ထည့်သွင်းပြောကြားခဲ့ပါတယ်။

Ref: Channelnewsasia