အစ္စလာမ့်ခေတ်ဦးမှ ထိပ်တန်းအနုသုခုမလက်ရာ ပြပွဲကို ဆော်ဒီ၌ ပြုလုပ်

ဖေဖော်ဝါရီ ၂၆၊ ၂၀၁၆
M-Media

– အစ္စလာမ့် အနုပညာလက်ရာများနှင့် အစ္စလာမ့်ခေတ်ဦးက ကြွယ်ဝခဲ့သည့် ယဉ်ကျေးမှု အမွေအနှစ်များအား ပြသသည့် ပြပွဲတစ်ခုကို ဆော်ဒီအာရေဗျနိုင်ငံ ရီယာ့ဒ်မြို့ရှိ အမျိုးသားပြတိုက်တွင် ပြုလုပ်နေသည်ဟု သိရသည်။

“အစ္စလာမ့်ယဉ်ကျေးမှုမှ အစောပိုင်း ထိပ်တန်းလက်ရာများ” (Early Capitals of Islamic Culture) ခေါင်းစဉ်ဖြင့် ပြု လုပ်သည့် အဆိုပါ ပြပွဲကို ဆော်ဒီ ခရီးသွားလာရေးနှင့် အမျိုးသား အမွေအနှစ်ကော်မရှင် (SCTNH) က ဂျာမနီမှ Pergamon ပြတိုက်နှင့်အတူ ပူးပေါင်း စီစဉ်ခြင်းဖြစ်ပြီး ဖေဖော်ဝါရီ ၅ ရက်နေ့မှ စတင်ကာ မေလ ၃ ရက်နေ့အထိ ပြသသွားမည်ဖြစ်သည်။

အဆိုပါ ပြပွဲတွင် အိုမိုင်ယာမင်းဆက်နှင့် အဘ္ဘာစစ်မင်းဆက် ကာလများအတွင်း ထိပ်ဆုံးရောက်ခဲ့သည့် အစ္စလာမ့် လူ့အဖွဲ့အစည်းများ၌ ထွန်းကားခဲ့သော အဖိုးမဖြတ်နိုင်သည့် အစ္စလာမ့်အနုပညာ လက်ရာများကို ပြသထားသည်။ ဂျာမနီနိုင်ငံ Pergamon ပြတိုက်မှ အစ္စလာမ့် အနုပညာလက်ရာ ၁၀၄ ခုနှင့် ဆော်ဒီအမျိုးသားပြတိုက်မှ ဗိသုကာလက်ရာ ၂၁ ခုတို့လည်း ထိုပြပွဲတွင် ပါဝင်သည်။

ထိုဗိသုကာလက်ရာများမှာ စောစောပိုင်း အစ္စလာမ့်လူ့အဖွဲ့အစည်း၏ ဖွံ့ဖြိုးတိုးတက်မှုများကို ရောင်ပြန်ဟပ်နေပြီး ထိုအချိန်က အစ္စလာမ့်နိုင်ငံများနှင့် ကျန်ကမ္ဘာ့နိုင်ငံများအကြား ယဉ်ကျေးမှုချင်း ကူးလူးဆက်ဆံမှု၊ အစ္စလာမ့်ယဉ်ကျေးမှုဆိုင်ရာ တိုးတက်မှုနှင့် ပြန့်နှံ့မှုများကိုလည်း ဖော်ပြနေသည့် လက်ရာများဖြစ်သည်။

ပြတိုက်တာဝန်ရှိသူတစ်ဦးကမူ ဆော်ဒီနိုင်ငံသို့ အလည်အပတ် ရောက်ရှိနေသည့် တရုတ်ရေအရင်းမြစ် ၀န်ကြီးဌာန ဒုတိယ၀န်ကြီးနှင့် အဖွဲ့ကလည်း လာရောက်ကြည့်ရှုခဲ့ကြသည်ဟု ဗုဒ္ဓဟူးနေ့က ပြောကြားခဲ့သည်။

ဝန်ကြီးကမူ ပြခန်းတွင် ပြသထားသည့် ကြွယ်ဝသော သမိုင်းအမွေအနှစ်၊ ဗိသုကာနှင့် သမိုင်းဆိုင်ရာ ပစ္စည်းများအား ချီးကျူးပြောဆိုခဲ့သည်။ ပြတိုက်တာဝန်ရှိသူများကမူ ၀န်ကြီးအား ဗိသုကာဆိုင်ရာ လက်ဆောင်ပစ္စည်းများ ပေးအပ်ခဲ့သည်။

ဆော်ဒီနိုင်ငံဆိုင်ရာ ဂျာမနီသံအမတ်ကြီး ဘောရစ် ရူဂီလည်း အဆိုပါ ပြပွဲသို့ လာရောက်ကြည့်ရှုခဲ့ကာ ပြပွဲ၏ ယဉ်ကျေးမှုတန်ဖိုးကို ချီးကျူးခဲ့သည်။ ထို့ပြင် ဆော်ဒီနှင့် ဂျာမနီနိုင်ငံတို့အကြား နှစ်နိုင်ငံဆက်ဆံရေး တိုးတက်မှု အရေးပါပုံကိုလည်း ရည်ညွှန်းပြောကြားခဲ့သည်။

ဖွင့်ပွဲအခမ်းအနားသို့ ဘာလင်ရှိ နိုင်ငံတော်ပြတိုက်မှ ညွှန်ကြားရေးမှူး မီခေးလ် အိုက်စင်ဘာ့ဂ်၊ ဘာလင်ရှိ Pergamon ပြတိုက်မှ အစ္စလာမ့်အနုပညာဆိုင်ရာ ညွှန်ကြားရေးမှူး စတီဖင်ဝဘ်ဘာတို့ တက်ရောက်ခဲ့ကြသည်။

Ref: Arabnews