တောင်တရုတ်ပင်လယ်တင်းမာမှုကို အာဆီယံ စိုးရိမ်နေ

ဖေဖော်ဝါရီ ၂၈၊ ၂၀၁၆
M-Media

– ပိုင်ဆိုင်မှု အငြင်းပွားမှုတွေရှိနေတဲ့ တောင်တရုတ်ပင်လယ်က တင်းမာမှုတွေ တိုးတက်လာတာနဲ့ ပတ်သက်ပြီး မိမိတို့က အလွန်အမင်း စိုးရိမ်နေတယ်လို့ အာဆီယံနိုင်ငံတွေက ပြောကြားလိုက်ပါတယ်။

တောင်တရုတ်ပင်လယ်အတွင်း ပိုင်နက်အများစုကို တရုတ်က ပိုင်ဆိုင်ကြောင်း ပြောဆိုထားပြီး အရှေ့တောင်အာရှနိုင်ငံတွေဖြစ်တဲ့ မလေးရှား၊ ဖိလစ်ပိုင်၊ ဘရူနိုင်း၊ ဗီယက်နမ်တို့ကလည်း အပြိုင်တောင်းဆိုမှုတွေ ရှိနေပါတယ်။ အငြင်းပွားရေပိုင်နက်တစ်ခုဖြစ်တဲ့ ပါရာဆယ်ကျွန်းစုအနီးမှာ တရုတ်က ဒုံးကျည်ပစ်စင်နဲ့ တိုက်လေယာဉ်တွေချထားလိုက်တဲ့အတွက် တင်းမာမှုတွေက ပိုကြီးလာပါတယ်။

“မကြာသေးမီက ဖြစ်ပျက်ခဲ့တာတွေနဲ့ပက်သက်ပြီး ၀န်ကြီးတွေက အလွန်အမင်း စိုးရိမ်လျက်ရှိနေပါတယ်” လို့ အဖွဲ့ဝင် ၁၀ နိုင်ငံပါတဲ့ အရှေ့တောင်အာရှနိုင်ငံများအသင်း (အာဆီယံ) က လာအိုမှာ ပြုလုပ်ခဲ့တဲ့ နိုင်ငံခြားရေးဝန်ကြီးများ ပုံမှန်တွေ့ဆုံမှုအပြီး ကြေညာချက်ထဲမှာ ထည့်သွင်းပြောဆိုလိုက်ပါတယ်။

နယ်မြေပိုင်ဆိုင်လိုမှုနဲ့ အရှိန်မြင့်လာတဲ့လုပ်ဆောင်ချက်တွေက တင်းမာမှုတွေ မြင့်တက်လာစေတဲ့အပြင် ဒေသတွင်း ငြိမ်းချမ်းရေး၊ လုံခြုံရေးနဲ့ တည်ငြိမ်မှုတွေကို ထိပါးနှောက်ယှက်လာနိုင်တယ်လို့ အာဆီယံရဲ့ ကြေညာချက်ထဲမှာ ဖော်ပြထားပါတယ်။

အမေရိကန်ကတော့ တရုတ်အနေနဲ့ပင်လယ်ထဲမှာ ကျွန်းတုတွေ တည်ဆောက်နေတာနဲ့ပက်သက်လို့ ဝေဖန်ပြောဆိုခဲ့ပါတယ်။ လွတ်လပ်စွာ ကူးသန်းသွားလာနိုင်ခွင့်ရှိဖို့ဆိုပြီးတော့လည်း အငြင်းပွားကျွန်းတွေနဲ့ကပ်လျက်မှာ စစ်သင်္ဘောတွေကို ခုတ်မောင်းတာတွေလည်း ရှိနေပါတယ်။

တရုတ်နိုင်ငံအနေနဲ့ တောင်တရုတ်ပင်လယ်အတွင်းမှာ စစ်ရေးပြင်ဆင်မှုတွေကို ရပ်တန့်ဖို့အတွက် တရုတ်သမ္မ ဇီဂျင်ပင်းကို အမေရိကန်က သောကြာနေ့မှာ တိုက်တွန်းခဲ့ပါတယ်။

တရုတ်နိုင်ငံနဲ့ စီးပွားရေးဆက်ဆံမှုတွေ ကြီးထွားလာပြီး အပြန်အလှန်အားပေးထောက်ခံမှုကို အာဆီယံနိုင်ငံတွေက ချိန်ညှိနေရတဲ့အချိန် တရုတ်နိုင်ငံရဲ့ ပိုင်နက်ပိုင်ဆိုင်ကြောင်း ပြောကြားမှုက အာဆီယံနိုင်ငံတွေအတွက် အငြင်းပွားဖွယ်အဖြစ်ဆုံး ပြဿနာ ဖြစ်နေပါတယ်။ တရုတ်နိုင်ငံဟာ အာဆီယံနိုင်ငံတော်တော်များများရဲ့ အကြီးဆုံး ကုန်သွယ်ဖက်နိုင်ငံ ဖြစ်နေပါတယ်။

Ref : channelnewsasia