ဂျစ်ဒါတွင် အာရှရုပ်ရှင်ပွဲတော် ကျင်းပ

ဖေဖော်ဝါရီ ၂၈၊ ၂၀၁၆
M-Media

– အာရှ ကောင်စစ်ဝင်များကလပ် (ACGC) က ကြီးမှူးကျင်းပတဲ့ ၉ ကြိမ်မြောက် အာရှရုပ်ရှင်ပွဲတော်ကို ဆော်ဒီအာရေဗျနိုင်ငံက ဂျစ်ဒါမြို့မှာရှိတဲ့ ဂျပန်ကောင်စစ်ဝန် မာတာ ဟီရို ယာမာဂူချီရဲ့ နေအိမ်မှာ ကျင်းပပြုလုပ်ခဲ့တယ်လို့ သိရပါတယ်။

၎င်းရုပ်ရှင်ပွဲတော်မှာ အာရှနိုင်ငံ ၁၃ နိုင်ငံ ပါဝင်မှာဖြစ်ပြီး ပါကစ္စတန်၊ တောင်ကိုးရီးယား၊ တရုတ်၊ သီရိလင်္ကာ၊ အိန္ဒိယ၊ ဖိလစ်ပိုင်၊ ဘင်္ဂလားဒေ့ရှ်၊ မလေးရှားနဲ့ အင်ဒိုးနီးရှားတို့က ရုပ်ရှင် ၁၀ ကားကို ပြသသွားမှာဖြစ်ပါတယ်။ ကြာသာပတေးနေ့မှာ ပြုလုပ်ခဲ့တဲ့ ဖွင့်ပွဲမှာတော့ ဂျပန်ရုပ်ရှင်ကားဖြစ်တဲ့ “Always Sunset on Third Street” ကို ပြသခဲ့ပါတယ်။

ဖွင့်ပွဲအခမ်းအနားမှာ ဆော်ဒီဂုဏ်သရေရှိလူကြီးများ၊ သံအရာရှိများ၊ ရုပ်ရှင်ချစ်သူများ အပါအ၀င် ဖိတ်ကြားထားသူ ၃၀၀ ကျော် တက်ရောက်ခဲ့ပြီး အရသာရှိတဲ့ ဂျပန်အစားအသောက်တွေနဲ့လည်း ဧည့်ခံကျွေးမွေးခဲ့ပါတယ်။

“ရုပ်ရှင်ဆိုတာ နိုင်ငံ့ယဉ်ကျေးမှုရဲ့ အဓိကကျတဲ့ အခန်းကဏ္ဍ တစ်ရပ်ပါပဲ၊ လူ့ဘ၀သရုပ်သကန် တစ်ခုလည်း ဖြစ်တဲ့အပြင် နိုင်ငံတစ်နိုင်ငံက ပြည်သူတွေရဲ့ စိတ်ကူးပုံဖော်ချက်လည်း ဖြစ်ပါတယ်။ ရုပ်ရှင်အနုပညာဟာ နေ့စဉ်နဲ့အမျှ တိုးတက်နေပါတယ်။ ပွဲတော်အတွင်း ပြသမယ့် ရုပ်ရှင်တွေကတော့ ဂျစ်ဒါမှာရှိတဲ့ ACGC အဖွဲ့ဝင် အာရှနိုင်ငံတွေက ဖြစ်ပါတယ်” လို့ ကောင်စစ်ဝန် ယာမာဂူချီက ပြောကြားခဲ့ပါတယ်။

ဆုတံဆိပ် ၉ ဆုရရှိခဲ့တဲ့ “Always Sunset on Third Street” ဇာတ်ကားကို ဒါရိုက်တာ တာကာရှီ ယာမာဇာကီက ရိုက်ကူးခဲ့တာဖြစ်ပြီး နွမ်းပါးတဲ့ဒေသတွေက လက်လုပ်လက်စားသမားတွေရဲ့ တစ်ဦးအပေါ်တစ်ဦး မှီခိုနေရတာတွေကို ပုံဖော်ရိုက်ကူးထားတာ ဖြစ်ပါတယ်။

သောကြာနေ့မှာတော့ ပါကစ္စတန်ရုပ်ရှင်ကားဖြစ်တဲ့ “မာလာလာ” ကို ပြသခဲ့ပြီး နောက်ရက်တွေမှာ တောင်ကိုးရီးဒရာမာဇာတ်လမ်းဖြစ်တဲ့ “How to steal a dog” နဲ့ နာမည်ကျော်အီတလီရုပ်ရှင် “The Name of the Rose” ကို ပြသဖို့ ရှိနေပါတယ်။

Ref : Arab News