ရုရှားတွင် ကလေးထိန်းက ကလေးငယ်အား ခေါင်းဖြတ်သတ်ဖြတ်မှု ဖြစ်ပွား

မတ် ၁၊ ၂၀၁၆
M-Media

– ရုရှားနိုင်ငံ မော်စကိုမြို့တွင် ကလေးထိန်း အမျိုးသမီးတစ်ဦးမှာ ၎င်းထိန်းပေးသည့် ကလေးငယ်၏ ဦးခေါင်းကို ဖြတ်၍ ယူလာမှုတစ်ခု ဖြစ်ပွားခဲ့သည်ဟု သိရသည်။

ကလေးငယ်၏ ဦးခေါင်းအား ယူဆောင်လာသည့် အဆိုပါအမျိုးသမီးကို မော်စကိုရှိ ရထားဘူတာတွင် ဖမ်းဆီးခဲ့ခြင်းဖြစ်ပြီး ကလေးငယ်မှာ အသက် ၃ နှစ် သို့မဟုတ် ၄ နှစ်ရှိမည်ဟု ခန့်မှန်းရကြောင်း ရဲတပ်ဖွဲ့က ပြောကြားခဲ့သည်။

ရုရှားစုံစမ်းစစ်ဆေးရေးကော်မတီမှ ထုတ်ပြန်ခဲ့သည့် ကနဦးစုံစမ်းစစ်ဆေးမှုအရ အဆိုပါ ကလေးထိန်းအမျိုးသမီးမှာ မိဘများက ကလေးအကြီးတစ်ယောက်ကိုခေါ်၍ အပြင်ထွက်သွားသည့်အချိန်ကို စောင့်ခဲ့ကာ ကျန်ရှိသည့် ကလေးငယ်တစ်ဦးကို သတ်ဖြတ်၍ တိုက်ခန်းအား မီးရှို့ ထွက်လာခဲ့ခြင်းဖြစ်သည်ဟု တွေ့ရှိရကြောင်း ဖော်ပြခဲ့သည်။

မီးငြှိမ်းသက်ပြီးနောက် ကလေးငယ်၏ ခန္ဓာကိုယ်ကို အခန်းထဲတွင် တွေ့ခဲ့ရပြီး နှိပ်စက်ထားသည့် လက္ခဏာများလည်း ရှိနေသည်ဟုဆိုသည်။ မည်သည့်အတွက်ကြောင့် ထိုကဲ့သို့ သတ်ဖြတ်ရခြင်းကို ရှင်းရှင်းလင်းလင်း မသိရသေးဘဲ စုံစမ်းစစ်ဆေးမှုများကို ဆက်လက်လုပ်ဆောင်နေဆဲဖြစ်သည်။

ကလေးထိန်း၏အမည်ကို ရဲတပ်ဖွဲ့က ထုတ်ဖော်ပြောကြားခြင်းမပြုခဲ့ဘဲ ၎င်းမှာ ၁၉၇၇ ခုနှစ်တွင် မွေးဖွားသူဖြစ်ကာ အလယ်အာရှမှဖြစ်သည်ဟု ဆိုသည်။ လမ်းသွားလမ်းလာတစ်ဦးက ရိုက်ကူးထားသည့်ဗီဒီယိုတွင် အဆိုပါ အမျိုးသမီးမှာ ရထားဘူတာအပြင်ဘက်၌ ဟစ်အော်ပြေးလွှားနေသည်ကို တွေ့ရှိခဲ့ရသည်။

စုံစမ်းစစ်ဆေးသူများကမူ ထိုအမျိုးသမီး၏ စိတ်ပိုင်းဆိုင်ရာ အခြေအနေကို စစ်ဆေးရန် အမိန့်ပေးထားသည်။

Ref: CNN