ယူရိုပါလိဂ်ရမှ လီဗာပူးလ် အခြေအနေကောင်းမည်ဟု တိုးရေးပြော

မတ် ၁၊ ၂၀၁၆
M-Media

– လိဂ်ဖလားဖိုင်နယ်တွင် ရှုံးနိမ့်ခဲ့ပြီးနောက် ယူရိုပါလိဂ် အောင်မြင်မှုကသာ ယခုနှစ် အသင်း၏ ဂုဏ်သိက္ခာကို ကယ်တင်နိုင်မည်ဟု ယုံကြည်ကြောင်း လီဗာပူးလ်နောက်ခံလူ ကိုလိုတိုးရေးက ပြောကြားလိုက်သည်။

ပြီးခဲ့စနေနေ့ လိဂ်ဖလားဗိုလ်လုပွဲတွင် ယာဂန်ကလော့ပ်၏ လီဗာပူးလ်မှာ မန်စီးတီးအား ပင်နယ်တီဖြင့် ရှုံးနိမ့်ခဲ့ပြီး ယခုနှစ် ဖလားရရန် အကောင်းဆုံးအခြေအနေကို လက်လွှတ်ဆုံးရှုံးခဲ့ရသည်။ ယူရိုပါလိဂ်တွင်မူ လီဗာပူးလ်မှာ ၁၆ သင်းအဆင့်သို့ တက်ရာက်သွားခဲ့ပြီး မန်ယူနှင့် တွေ့ဆုံရမည်ဖြစ်သည်။

“ယူရိုပါလိဂ်ကို ရရှိမှ ဒီရာသီ ကျွန်တော်တို့ရဲ့ အခြေအနေကို ကယ်တင်နိုင်မှာပါ။ ပရီးမီးယားလိဂ်မှာတော့ ကျွန်တော်တို့ မလုပ်နိုင်သေးပါဘူး။ တကယ်တော့ အရှေ့မှာ ကျွန်တော်တို့ ပွဲတွေအများကြီး ကစားဖို့ ရှိနေပါတယ်။ အရေးပါတဲ့ ပရီးမီးယားလိဂ်ပွဲတစ်ပွဲလည်း ရှိနေပါတယ်။ ဒီအရှုံး (လိဂ်ဖလားအရှုံး) ကို ချေဖျက်ဖို့လိုပါတယ်။ ပြီးတော့ ရှေ့လာမယ့်ပွဲတွေ ခက်ခဲမှာဖြစ်တဲ့အတွက် အာရုံစိုက်ရပါမယ်” ဟု တိုးရေးက ပြောကြားခဲ့သည်။

Ref: Goal