ဝက်စ်ဘရွန်းနှင့်ပွဲ သရေသာရမှုမှာ မမျှတဟု လက်စတာ ကွင်းလယ်လူပြော

မတ် ၂၊ ၂၀၁၆
M-Media

– ၀က်စ်ဘရွန်းနှင့်ပွဲတွင် ထိုက်တန်သည့်အနိုင် မရရှိခဲ့သည့်အတွက် စိတ်ပျက်မိသည်ဟု လက်စတာအသင်း ကွင်းလယ်လူ အန်ဒီကင်းက ပြောကြားလိုက်သည်။

ယမန်နေ့က ကစားခဲ့သည့် အဆိုပါပရီးမီးယားလိဂ်ပွဲတွင် လက်စတာမှာ ကစားကွက်နှင့် ဂိုးသွင်းခွင့် အသာရခဲ့သော်လည်း ၂ ဂိုးစီသရေဖြင့်သာ ကျေနပ်ခဲ့ရသည်။ ထိုပွဲတွင် ၁ ဂုိုးသွင်းယူပေးခဲ့သည့် ကင်းကမူ ထိုရလဒ်မှ တရားမျှတမှုမရှိဟု ဆိုသည်။

“ကျွန်တော်တို့ နိုင်ခဲ့သင့်တာပါ။ သူတို့ ဂိုးသွင့်ခွင့် ၂ ကြိမ်လောက်ပဲရပြီး ၂ ဂိုးသွင်းနိုင်ခဲ့ပါတယ်။ ကျွန်တော်တို့ကတော့ ကိုယ့်ကိုယ်ကို အားတင်းပြီး စနေနေ့ပွဲ (၀က်ဖို့ဒ်နှင့်ပွဲ) ကို ယှဉ်ပြိုင်မှာပါ” ဟု ကင်းက ပြောကြားခဲ့သည်။ ထို့ပြင် မိမိတို့မှာ အမြဲတမ်းဂိုးသွင်းနိုင်မည်ဟူသော ယုံကြည်ချက်ရှိနေပြီး ယခုရလဒ်မှာ စိတ်ပျက်ဖွယ်ဖြစ်ကြောင်း ထည့်သွင်းပြောကြားခဲ့သည်။

လက်စတာမှာ လက်ရှိအချိန်တွင် ၁ ပွဲပိုဖြင့် ဒုတိယနေရာမှ စပါးကို ၃ မှတ်ဖြတ်ကာ ပရီးမီးယားလိဂ်ဇယားအား ဦးဆောင်ထားသည်။

Ref: Goal