မြန်မာနိုင်ငံရှိ အိုးအိမ်စွန့်ခွာ ထွက်ပြေးရသူများနှင့် မွတ်စလင်လူနည်းစုများ၏ ဒုက္ခများကို မျက်ကွယ်ပြု၍ မရဟု ကုလပြော

မတ် ၂၊ ၂၀၁၆
M-Media

– မြန်မာနိုင်ငံအတွင်း နေရပ်စွန့်ခွာ ထွက်ပြေးတိမ်းရှောင်ရသူများနှင့် မွတ်စလင်လူနည်းစုများ ကြုံတွေ့ခံစားနေရသည့် ဒုက္ခသုက္ခများအား မျက်ကွယ်ပြုမေ့လျော့ထား၍ မရဟု ကုသမဂ္ဂ လူသားချင်းစာနာထောက်ထားမှုဆိုင်ရာ ညှိနှိုင်းရေးမှူးရုံးမှ လုပ်ငန်းဆောင်ရွက်မှုဆိုင်ရာ ညွှန်ကြားရေးမှူး ဂျွန် ဂင်းက ပြောကြားလိုက်သည်။

ဖေဖော်ဝါရီ ၂၂ ရက်နေ့မှ ၂၅ နေ့အထိ မြန်မာနိုင်ငံသို့ သွားရောက်ခဲ့သော ခရီးစဉ်နှင့်ပတ်သက်၍ မတ်လ ၁ ရက်နေ့တွင် နယူးယောက်မြို့၌ ပြုလုပ်ခဲ့သော သတင်းစာရှင်းလင်းပွဲတွင် ထိုကဲ့သို့ ပြောကြားခဲ့ခြင်းဖြစ်သည်။

ထိုခရီးစဉ်အတွင်း ဂျွန် ဂင်းမှာ ၂၀၁၂ ခုနှစ်တွင် ရခိုင်ပြည်နယ်၌ ဖြစ်ပွားခဲ့သည့် ရိုဟင်ဂျာနှင့် ကမန်မွတ်စလင်များကို ဦးတည်သော အကြမ်းဖက်တိုက်ခိုက်မှုအတွင်း နေရပ်စွန့်ခွာ ထွက်ပြေးခဲ့ရသူများ နေထိုင်သည့် မြေပုံဒုက္ခသည်စခန်းကို သွားရောက်ခဲ့ပြီး ထိုစခန်းတွင် တဲများ ပြိုကျပျက်ဆီးမှု ပတ်ဝန်းကျင်သန့်ရှင်းရေး အခြေအနေများ အလွန်ဆိုးဝါးမှုအတွက် အံ့သြတုန်လှုပ်ရသည်ဟု ဆိုသည်။

ထို့ပြင် မွတ်စလင်ဒုက္ခသည်စခန်းများတွင် နေထိုင်သူများမှာ လွတ်လပ်စွာ သွားလာခွင့်ကို ကန့်သတ်ခံထားရကြောင်း၊ ဆေးရုံသို့သွားရောက် ဆေးကုသမှုလည်း ပိတ်ပင်ခံထားရကြောင်း ၎င်းက ထည့်သွင်းပြောကြားခဲ့သည်။

“ဒီလို ဆိုးရွားတဲ့အခြေအနေမျိုးမှာ ကလေးသူငယ်များစွာကို တွေ့ရတာဟာ တော်တော်လေး စိတ်ထိခိုက်စရာဖြစ်ပါတယ်”

ရိုဟင်ဂျာမိခင်တစ်ဦးကမူ မြေပုံမြို့ရှိ မြို့နယ်ဆေးရုံက ၎င်းအား မွတ်စလင်ဖြစ်နေသည့်အတွက် ဆေးကုသခွင့် မပေးခဲ့သောကြောင့် ၎င်း၏ တစ်လအရွယ် ကလေးငယ် သေဆုံးခဲ့ရသည်ဟု ဖွင့်ဟခဲ့ကြောင်း ညွှန်ကြားရေးမှူးက ထပ်လောင်းပြောကြားခဲ့သည်။

“ခွဲခြားဆက်ဆံမှုတွေနဲ့ အခွင့်အရေးတွေကို ကန့်သတ်ပိတ်ပင်တာ၊ လူမဆန်တဲ့ မူဝါဒတွေဟာ ဆုံးရှုံးမှု၊ ကျဆုံးမှုကိုသာ ဖြစ်စေမှာဖြစ်ပြီး၊ အဲဒီလိုပြုလုပ်တဲ့အခါတိုင်းမှာ ကျရှုံးမှုနဲ့သာ ရင်ဆိုင်ခဲ့ရတာကို သမိုင်က သင်ခန်းစာ ပေးနေပါတယ်”

အိုးအိမ်စွန့်ခွာ ထွက်ပြေးနေရသူများတွက် ရခိုင်ပြည်နယ်အစိုးရ၏ ဆောင်ရွက်မှုများတွင် တိုးတက်မှုများ ရှိနေခြင်းကို ဂျွန် ဂင်းက အသိအမှတ်ပြုခဲ့သော်လည်း ခွဲခြားဆက်ဆံသော မူဝါဒများအား အဆုံးသတ်ရန်လည်း မေတ္တာရပ်ခံခဲ့သည်။

ကုသမဂ္ဂ လူသားချင်းစာနာထောက်ထားမှုဆိုင်ရာ ညှိနှိုင်းရေးမျူးရုံးမှ ညွှန်ကြားရေးမှူး ဂျွန် ဂင်းမှာ ၎င်း၏ ခရီးစဉ်အတွင်း ကချင်ပြည်နယ်နှင့် ရှမ်းပြည်နယ်မြောက်ပိုင်းတွင် ဆက်လက်ဖြစ်ပွားနေသည့် ပဋိပက္ခများကြောင့် အိုးအိမ်စွန့်ခွာ ထွက်ပြေးနေရသူများကိုလည်း သွားရောက် ကြည့်ရှုခဲ့သည်။

မြန်မာနိုင်ငံတွင် ပဋိပက္ခကြောင့် ပြည်သူများ အသက်မဆုံးရှုံးသင့်ဘဲ ဆုံးရှုံးရမှုများ၊ ဘေးဒုက္ခ ခံစားနေရမှုများအတွက် ၀မ်းနည်းကြောင်း၊ ကချင်ပြည်သူများက ဒေသအတွင်း မြေမြှုပ်မိုင်းများ များပြားလာမှုအတွက် စိုးရိမ်မှုများရှိနေသည်ကို ကြားသိခဲ့ရကြောင်း ဂျွန် ဂင်းက ပြောကြားခဲ့ပြီး လူသားချင်းစာနာထောက်ထားမှုဆိုင်ရာ အဖွဲ့အစည်းများ၊ အထူးသဖြင့် ပြည်တွင်းမှ အစိုးရမဟုတ်သော အဖွဲ့များ၏ စွမ်းဆောင်ချက်များကို ချီးကျူးပြောဆိုခဲ့သည်။

Ref: UN