အာရပ်နိုင်ငံများ သွေးစည်းရန်လိုဟု ဆော်ဒီအိမ်ရှေ့မင်းသား ပြော

မတ် ၄၊ ၂၀၁၆
M-Media

– မိမိတို့ရဲ့ လုံခြုံရေးကို ခြိမ်းခြောက်နေတဲ့၊ မိမိတို့ရဲ့ ဓနစည်းစိမ်တွေကို ခိုးယူပြီး ပြည်သူတွေကို အကြပ်အတည်းတွေ့စေတဲ့ ရန်သူတွေကို တွန်းလှန်ဖို့အတွက် အာရပ်နိုင်ငံတွေဟာ သွေးစည်းညီညွှတ်ဖို့ လိုနေပြီလို့ ဆော်ဒီ ပြည်ထဲရေးဝန်ကြီးဖြစ်တဲ့ အိမ်ရှေ့မင်းသား မိုဟာမက် ဘင် နာအစ်ဖ်က ပြောကြားလိုက်ပါတယ်။

တူနီးရှားသမ္မတ အလ်-ဘာဂျီ ကွာအစ်ဒ် အလ်-ဆစ်ဘ်စီက ဦးစီးကာ ဗုဒ္ဓဟူးနေ့မှာပြုလုပ်တဲ့ ၃၃ ကြိမ်မြောက် အာရပ် ပြည်ထဲရေးဝန်ကြီးများ အစည်းအဝေးမှာ ဒီလို ပြောကြားလိုက်တာဖြစ်ပြီး ရန်သူတွေဟာ အာရပ်နိုင်ငံတွေရဲ့ အတွင်းမှာရော အပြင်မှာပါ ရှိနေကာ နိုင်ငံရေးနဲ့ စီးပွားရေးကိုအသုံးပြုပြီး ၎င်းတို့ရဲ့ ဂိုဏ်းဂဏရေးရာ အစီအစဉ်တွေကို ဆောင်ရွက်နေတာ ဖြစ်ကြောင်း၊ ထိထိရောက်ရောက် မတုန့်ပြန်ဘူးဆိုရင်တော့ အာရပ်ကမ္ဘာဟာ ပျက်ဆီးဆုံးရှုံးမှုကို ဦးတည်နေမှာဖြစ်ကြောင်း ထည့်သွင်းပြောကြားခဲ့ပါတယ်။

ဒါမျိုး ဖြစ်မလာအောင် ကာကွယ်ဖို့အတွက် ဒီအစည်းအဝေးကို တက်ရောက်လာသူတွေရဲ့ ပုခုံးပေါ်မှာ ကြီးမားတဲ့ တာဝန်တွေ ရှိနေတယ်လို့ဆိုပြီး လုံခြုံမှုမရှိဘဲ တည်ငြိမ်မှု မရနိုင်ဘူးလို့လည်း ၎င်းက ထည့်သွင်းပြောကြားခဲ့ပါတယ်။

ဒါတင်မကသေးဘဲ လုံခြုံရေးဆိုင်ရာကိစ္စတွေမှာ အာရပ်နိုင်ငံတွေအကြား ပိုမိုကောင်းမွန်တဲ့ ပူးပေါင်းဆောင်ရွက်မှုတွေ အသေအချာ ပြုလုပ်ကြရမှာဖြစ်ကြောင်း၊ ဒီလိုလုပ်တဲ့အခါ ဘာသာရေးအခန်းကဏ္ဍ၊ မီဒီယာ၊ ပညာရေးနဲ့ မှုခင်းဆိုင်ရာ အသိပညာပေးလှုံ့ဆော်နိုင်တဲ့ အရပ်ဘက်အဖွဲ့အစည်းတွေ အားကောင်းအောင် ဆောင်ရွက်ဖို့လိုကြောင်း ပြောဆိုခဲ့ပါသေးတယ်။

တူနီးရှားသမ္မတကတော့ အာရပ်နိုင်ငံတော်တော်များများရဲ့ လုံခြုံရေးအခြေအနေဟာ သိသိသာသာဆိုးရွားလျက်ရှိပြီး ပတ်ဝန်းကျင်နိုင်ငံတွေကြားမှာ စိုးရိမ်မှုတွေ ဖြစ်ပေါ်စေတယ်လို့ ပြောကြားခဲ့ပါတယ်။ အာရပ်နိုင်ငံတွေအနေနဲ့ ဦးစားပေးလုပ်ဆောင်ရမယ့် ကိစ္စတွေကို ပြန်လည်သတ်မှတ်ရမှာဖြစ်ပြီး လုံခြုံရေး မဟာဗျူဟာအသစ်ကိုလည်း ချမှတ်ရမယ်လို့ အလ်-ဆစ်ဘစီက ထည့်သွင်းအကြံပြုခဲ့ပါတယ်။

အာရပ်နိုင်ငံတွေအတွက် နိုင်ငံရေး၊ စီးပွားရေး၊ လူမှုရေးနဲ့ ယဉ်ကျေးမှုဆိုင်ရာ ဖွံ့ဖြိုးတိုးတက်အောင် ပံ့ပိုးပေးဖို့လည်း လိုအပ်နေပြီး သူတို့ကြားက အငြင်းပွားမှုတွေအတွက် အဖြေထုတ်ရတော့မှာ ဖြစ်တယ်လို့က သူက ဆိုပါတယ်။ ဒါ့အပြင် အကြမ်းဖက်မှု၊ ဆင်းရဲမွဲတေမှု၊ လူမျိုးရေးခွဲခြားမှုနဲ့ အစ္စလာမ့်ဆန့်ကျင်ရေး အပြုအမှုတွေကို အပြတ်ချေမှုန်းဖို့ ဘာမဆိုလုပ်ရလိမ့်လို့လည်း ထည့်သွင်းပြောကြားခဲ့ပါတယ်။

အာရပ်နိုင်ငံတွေရဲ့ ပြည်ထဲရေးဝန်ကြီးတွေ ပြုလုပ်ခဲ့တဲ့ အဲဒီအစည်းအဝေးကို တက်ရောက်လာသူတွေထဲမှာ ကုလသမဂ္ဂ၊ အာရပ်အဖွဲ့ချုပ်၊ ပင်လယ်ကွေ့ ပူးပေါင်းရေးကောင်စီ၊ အာရပ်မဟ်ရဘ်သမဂ္ဂ၊ အာရပ်ရုပ်မြင်သံကြားသမဂ္ဂ၊ အာရပ်ခရီးသွားလာရေးအဖွဲ့ကြီး၊ နိုင်ငံတကာရဲတပ်ဖွဲ့နဲ့ သိပ္ပံနည်းကျ လုံခြုံရေးဆိုင်ရာ နအီးဖ်အာရပ်တက္ကသိုလ်မှ ကိုယ်စားလှယ် စသဖြင့် တက်ရောက်ခဲ့ကြပါတယ်။

Ref: Arab News