တရုတ်တွင် အမျိုးသမီးတစ်ဦး ဓာတ်လှေကားအတွင်း တစ်လကြာ ပိတ်မိသေဆုံး

မတ် ၇၊ ၂၀၁၆
M-Media

ပုံ ၁ – ပိတ်မိသေဆုံးခဲ့သည့် ဓာတ်လှေကား ပုံ ၂ – ဓာတ်လှေကားတည်ရှိရာ အဆောက်အဦး

– တရုတ်နှစ်သစ်ကူးအတွက် တစ်လတာ ပိတ်ရက်ယူခဲ့ပြီးနောက် လုပ်ငန်းခွင်သို့ပြန်လည်ဝင်ရောက်လာတဲ့ ဓာတ်လှေကား ထိန်းသိမ်းပြုပြင်သူတွေဟာ ပျက်နေတဲ့ ဓာတ်လှေကားအခန်းငယ်အတွင်းမှာ အမျိုးသမီးတစ်ယောက် သေဆုံးနေတာကို တွေ့ခဲ့ရပါတယ်။

နိုင်ငံအလယ်ပိုင်း ရှန်ဇီပြည်နယ် ရှီအန်မြို့က လူနေအဆောက်အဦးတစ်ခုမှာ ဖြစ်ပွားခဲ့တာဖြစ်ပြီး အဲဒီအမျိုးသမီးဟာ ဇန်န၀ါရီလကတည်းက ဓာတ်လှေကားမှာ ပိတ်မိနေကာ အစာငတ်ပြီး သေဆုံးခဲ့တာပါ။ ဒါဟာ ဓာတ်လှေကား ပြုပြင်ထိန်းသိမ်းရေး ကုမ္ပဏီနဲ့ အဆောက်အဦး စီမံခန့်ခွဲရေးအဖွဲ့ရဲ့ ဂရုမစိုက်မှုကြောင့် ဖြစ်ပွားတာဖြစ်တယ်လို့ ပြောဆိုမှုတွေ ရှိနေပါတယ်။

ယင်းအဆောက်အအုံရဲ့ မန်နေဂျာဖြစ်သူက ဓာတ်လှေကား ပျက်သွားပြီးတဲ့နောက် ပထမထပ်သို့ ပြန်ရွှေ့ထားခဲ့ပြီး အလုပ်သမားတွေက ဓာတ်လှေကားထဲမှာ ဘယ်သူမှမရှိကြောင်း အတည်ပြုပြီးမှ ၀န်ဆောင်မှုရပ်ဆိုင်းခဲ့တာ ဖြစ်တယ်လို့ ဆိုပါတယ်။ သို့သော်လည်း စုံစမ်းစစ်ဆေးမှုတွေရတော့ အလုပ်သမားတွေက အထဲမှာ ဘယ်သူ ရှိ၊ မရှိ စစ်ဆေးဖို့ ရိုးရိုးလေး အော်ပြောခဲ့ရုံသာရှိပြီး ဓာတ်လှေကားဖွင့်ကာ မျက်မြင်စစ်ဆေးတာမျိုး မလုပ်ခဲ့ဘူးလို့ ဆိုပါတယ်။

အာဏာပိုင်တွေက ဒီကိစ္စဟာ ဓာတ်လှေကားပြင်ဆင်ရေးကုမ္ပဏီရဲ့ လုံးဝ ပေါ့လျော့မှုသာဖြစ်ပြီး တာဝန်ရှိသူအနည်းဆုံး တစ်ယောက်ကို ဖမ်းဆီးထိန်းသိမ်းထားတယ်လို့ ပြောကြားခဲ့ပါတယ်။

သေဆုံးခဲ့သူဟာ အသက်သုံးဆယ်ကျော် လေးဆယ်ဝန်းကျင်လောက်ဖြစ်မယ်လို့ ယူဆရပြီး သူမရဲ့ မျိုးနွယ်အမည် ၀ူ ဖြစ်တယ်လို့သာ သိရပါသေးတယ်။ စုံစမ်းစစ်ဆေးသူတွေက သူမအလောင်းကို တွေ့ရှိစဉ် သူမရဲ့လက်တွေဟာ ရုပ်ပျက်ဆင်းပျက်ဖြစ်နေပြီး ဓာတ်လှေကားတံခါးဖွင့်ဖို့ အသည်းအသန်ကြိုးစားခဲ့တာကြောင့်လို ဆိုပါတယ်။

တရုတ်နိုင်ငံရဲ့ စည်းမျဉ်းစည်းကမ်းတွေအရ ဓာတ်လှေကားပြင်ဆင်ဖို့ တစ်လကြာစောင့်ဆိုင်းရတာမျိုး ဖြစ်လေ့ဖြစ်ထမရှိပေမယ့် စီးပွားရေးလုပ်ငန်းများနဲ့ ၀န်ဆောင်မှုလုပ်ငန်းအတော်များများဟာ နှစ်သစ်ကူးအားလပ်ရက်အတွင်း လုပ်ငန်းနှောင့်နှေးကြန့်ကြာတာမျိုးတွေ ရှိတတ်ပါတယ်။

နှစ်သစ်ကူးအတွက် တရားဝင်ပိတ်ရက်ဟာ ရက်သတ္တပတ် တစ်ပတ်သာဖြစ်သော်လည်း အလုပ်သမားအများစုက နှစ်သစ်ကူးမလာခင်နဲ့ လာပြီးအချိန်ထိ တစ်လကြာအောင် ခွင့်ယူလေ့ရှိပါတယ်။

Ref: latimes.com