ယာကူဇာဂိုဏ်းအား နှိမ်နင်းရန် ဂျပန်က အထူးတပ်ဖွဲ့တစ်ခု ဖွဲ့စည်း

မတ် ၉၊ ၂၀၁၆
M-Media

– ယာကူဇာအပါအ၀င် နိုင်ငံအတွင်းက ရာဇ၀တ်ဂိုဏ်းတွေကို တိုက်ဖျက်နှိမ်နင်းဖို့အတွက် ဂျပန်ရဲတပ်ဖွဲ့က အထူးတပ်ဖွဲ့တစ်ခုကို ဖွဲ့စည်းလိုက်တယ်လို့ သိရပါတယ်။

ယာမာဂူချီ-ဂူမီလို့ခေါ်တဲ့ ဂိုဏ်းတစ်ခု ပြီးခဲ့တဲ့နှစ်အတွင်းက ခွဲထွက်ခဲ့ပြီးတဲ့နောက်ပိုင်း ဂျပန်ရဲတပ်ဖွဲ့ဟာ နိုင်ငံအတွင်းက အကြီးဆုံး ယာကူဇာ ရာဇ၀တ်ဂိုဏ်းကြီးကို တောက်လျှောက်တိုက်ခိုက်ခဲ့တာပါ။ ယာကူဇာဂိုဏ်းမှာ အဖွဲ့တွင်းတိုက်ခိုက်မှုတွေဖြစ်ပြီး အဓိကအဖွဲ့ကနေ အနည်းဆုံး ၁၀ ခုလောက် ခွဲထွက်ကုန်ကြကာ ကိုဘေး ယာမာဂူချီ-ဂူမီလို့ခေါ်တဲ့ ပြိုင်ဘက်ဂိုဏ်းတစ်ခုကို ဖွဲ့စည်းခဲ့ကြပါတယ်။

အဆိုပါအဖွဲ့ကွဲမှုကနေ ၁၉၈၀ တုန်းကလို လူဆိုးဂိုဏ်းတွေအချင်းချင်း သွေးချောင်းစီး တိုက်ခိုက်တာမျိုးတွေ ပြန်ဖြစ်မှာကို ရဲတွေကလည်း စိုးရွံ့နေကြပါတယ်။ အဲဒီဂိုဏ်းနှစ်ခုဟာ လက်ရှိအချိန်မှာ အပြန်အလှန်တိုက်ခိုက်နေကြတဲ့ အခြေအနေမျိုးမှာ ရှိနေတယ်လို့ ဂျပန်ရဲတပ်ဖွဲ့က တနင်္လာနေ့မှာ ကြေငြာခဲ့ပြီး တိုက်ခိုက်မှုတွေတိုးမြှင့်လုပ်ဆောင်ဖို့အတွက် ဌာနချုပ်တွေကိုလည်း ဖွဲ့စည်းထားကြတယ်လို့ ဆိုပါတယ်။

အဖွဲ့ဝင် ၂၃၀၀၀ လောက်ရှိတဲ့ ယာမာဂူချီ-ဂူမီဂိုဏ်းဟာ ကမ္ဘာ့အကြီးဆုံး ရာဇ၀တ်ဂိုဏ်းကြီးတစ်ခု ဖြစ်ပြီး၊ ရဲတွေရဲ့နှိမ်နှင်းမှုတွေနဲ့ အဖွဲ့ဝင်သစ်တွေ စုဆောင်းရ ခက်လာတာကြောင့် မကြာသေးမီနှစ်တွေမှာ ပြဿနာအမြောက်အများနဲ့ ရင်ဆိုင်ခဲ့ရပါတယ်။

ဂျပန်မာဖီးယားလို့ခေါ်တဲ့ ယာကူဇာအဖွဲ့ဟာ လောင်းကစား၊ မူးယစ်ဆေးနဲ့ လိင်လုပ်ငန်းတွေကနေစပြီး ကြေးစားလူသတ်လုပ်ငန်း၊ ရာဇ၀တ်အဖွဲ့တွေကို အကာအကွယ်ပေးတဲ့လုပ်ငန်း၊ အစိုးရအရာရှိတွေနဲ့ပေါင်းပြီး ရာဇ၀တ်မှုလုပ်ငန်းတွေအထိ လုပ်ဆောင်နေကြပါတယ်။

ဂျပန်မှာ ယာကူဇာအဖွဲ့ဝင်ခြင်းဟာ ဥပဒေချိုးဖောက်မှုဖြစ်တယ်လို့ သတ်မှတ်ထားပေမယ့် ယာကူဇာအဖွဲ့ကတော့ နိုင်ငံတစ်ဝှမ်းက မြို့တိုင်းနီးနီမှာ အဖွဲ့ချုပ်တွေ ရှိနေပါတယ်။

Ref: Presstv