အထင်အမြင်လွဲမှားမှုကို အောင်မြင်မှုဖြင့် ချေဖျက်ရန် အမေရိကန်မွတ်စလင်အားကစားမယ် ကြိုးပမ်းနေ

မတ် ၁၁၊ ၂၀၁၆
M-Media

– မွတ်စလင်အမည်ခံ အကြမ်းဖက်သမားတွေကြောင့် အစ္စလာမ်ဘာသာဝင်တွေအပေါ်မှာ အထင်အမြင်လွဲမှားနေမှုကို သူမရဲ့ အောင်မြင်မှုနဲ့ ဖယ်ရှားဖို့အတွက် အမေရိကန်လက်ရွေးစင် မွတ်စလင်ဓားသိုင်း အားကစားမယ် အစ်ဗသီဟဂ်ျ မိုဟာမက်က ကြိုးစားနေပါတယ်။

အစ်ဗသီဟဂ်ျဟာ အမေရိကန်ဓားသိုင်းအားကစားလောကမှာ ပထမဆုံး မွတ်စလင်အမျိုးသမီးဖြစ်ပြီး ပထမဆုံး ဟီဂျဘ်ဝတ်ဆင်ကာ ယှဉ်ပြိုင်သူလည်းဖြစ်ပါတယ်။ အသက် ၃၀ အရွယ်ရှိပြီဖြစ်တဲ့ သူမဟာ ဇန်န၀ါရီလက ဂရိနိုင်ငံမှာ ကျင်းပပြုလုပ်ခဲ့တဲ့ ကမ္ဘာ့ဖလား ဓားသိုင်းပြိုင်ပွဲမှာ လက်စွမ်းကောင်း ပြနိုင်ခဲ့တာကြောင့် မကြာခင် ဘရာဇီးလ်နိုင်ငံ ရီယိုဒီဂျနေရိုးမှာ ကျင်းပပြုလုပ်တော့မယ့် အိုလံပစ်ပြိုင်ပွဲမှာ အမေရိကန်ကိုယ်စားပြုနေရာအတွက် ရွေးချယ်ခံခဲ့ရပါတယ်။

လက်ရှိအမေရိကန်ပြည်တွင်းမှာ သမ္မတလောင်းရွေချယ်မှုနဲ့အတူ နိုင်ငံရေးသမားတွေကိုယ်တိုင်က ပြိုင်ဘက်တွေကို အသာရဖို့ လူပြိန်းကြိုက် မွတ်စလင်ဆန့်ကျင်ရေး ပြောဆိုမှုတွေ မြင့်တက်နေပြီး အစ်ဗသီဟဂ်ျကတော့ ဒါဟာ သူမအတွက် အဆန်းမဟုတ်တော့ဘူးလို့ ဆိုပါတယ်။

ဒါပေမယ့် အိုလံပစ်ပြိုင်ပွဲမှာ နိုင်ငံကိုယ်စားပြုပြီး သူမရဲ့ ၀င်ရောက်ယှဉ်ပြိုင်မှုက ဒီလို အပြုအမူတွေ၊ ပြောဆိုမှုတွေကို လျော့ပါးစေလိမ့်မယ်လို့ သူမက မျှော်လင့်နေပါတယ်။

“ကျွန်မတို့ အခုကြုံတွေ့နေရတဲ့ နိုင်ငံရေး အခြေအနေက တော်တော်လေး ကြမ်းတမ်းတဲ့ အခြေအနေပါ။ သိပ်မလွယ်ပါဘူး။ မွတ်စလင်တွေဟာ မျက်လုံးဒေါက်ထောက်ကြည့်ခံနေရပြီး ကျွန်မကတော့ မွတ်စလင်အမျိုးသမီးတွေအပေါ်မှာ လူတွေမြင်နေတဲ့ အမြင်တွေကို ပြောင်းလဲပစ်ဖို့ မျှော်လင့်ပါတယ်” လို့ သူမက ပြောကြားခဲ့ပါတယ်။

အမေရိကန်မွတ်စလင်တွေဟာ တိုင်းပြည်အတွက် ကျရာနေရာမှာ တာဝန်ထမ်းဆောင်နေပြီး အစ်ဗသီဟဂ်ျကလည်း ဒါကို ထောက်ပြ ပြောဆိုခဲ့ပါတယ်။

“မွတ်စလင်အမျိုးသမီးတွေဟာ တော်တော်လေးကို လိုက်လျောညီထွေရှိပြီး အထူးသဖြင့် အမေရိကန်လို နေရာမျိုးမှာပါ။ ကျွန်မတို့အားလုံးဟာ မတူညီတဲ့ အခြေအနေတွေ၊ အသားအရောင်တွေ၊ ပုံပန်းသဏ္ဍာန်တွေကနေ ဖြစ်တည်လာကြပါတယ်။ မတူညီတဲ့နောက်ခံတွေ၊ အသိုင်းအ၀ိုင်းတွေမှာ ကြီးပြင်းလာကြတယ်။ ဒါကို လူတွေကို မြင်စေချင်ပါတယ်”

တကယ်လို့များ နိုဝင်ဘာ သမ္မတရွေးကောက်ပွဲမှာ လူမျိုးရေးခွဲခြားသူ ဒေါ်နယ်ထရမ့် အနိုင်ရသွားရင် ဘာဖြစ်မလဲဆိုတာနဲ့ပတ်သက်ပြီး ဒီလို ဖွင့်ဟခဲ့ပါတယ်။

“ဘာဖြစ်မလဲဆိုတာကို စဉ်စားဖို့ ကျွန်မ သိပ်မုန်းပါတယ်။ အခြေအနေကို နည်းနည်းပါးပါး ပြောင်းလဲနိုင်မယ်၊ နေ့စဉ်ကြုံတွေ့နေရတဲ့ အထင်အမြင်လွဲမှားမှုတွေကို တိုက်ဖျက်ဖို့၊ မွတ်စလင်တွေ အပြုသဘောဆောင်တဲ့ အခြေအနေမျိုးတွေ ဖြစ်စေဖို့ ကျွန်မ မျှော်လင့်ပါတယ်။ လုပ်နိုင်မလားဆိုတာတော့ ကျွန်မ မသိပါဘူး။ ဒါပေမယ့် ရီယိုမှာ ကျွန်မအကောင်းဆုံးလုပ်ဖို့ ကြိုးစားသွားမှာပါ”

အစ်ဗသီဟဂ်ျဟာ သူမရဲ့ အားကစားစွမ်းရည်ကြောင့် ကျော်ကြားပြီး မကြာသေးမီက ဘာလ်တီမိုးဗလီဝတ်ကျောင်းတော်ကို သမ္မတအိုဘားမား လည်ပတ်စဉ်ကလည်း သမ္မတနဲ့ တွေ့ဆုံခဲ့ပါတယ်။ အိုဘားမားက အိုလံပစ်မှာ ရွှေတံဆိပ် ရယူပေးဖို့ သူမက အရွန်းဖောက်ခဲ့ပါသေးတယ်။ အစ်ဗသီဟဂ်ျကတော့ သူမအနေနဲ့ ဒါကို ဖိအားလို့မမြင်ဘဲ နိုင်ငံအတွက် ကိုယ်စားပြုရတာကိုပဲ ဂုဏ်ယူမိတယ်လို့ ဆိုပါတယ်။

“ဖိအားလို့ လုံးဝ မယူဆပါဘူး။ ကျွန်မသိပ်ကျေနပ်တယ်။ အမေရိကန်ကို ကိုယ်စားပြုခွင့်ရလို့လည်း ဂုဏ်ယူမိပါတယ်”

Ref: IINA