မိမိကိုယ်ကို ကာကွယ်ရန် အမေရိကန် မွတ်စလင်အမျိုးသမီးများ တိုက်ခိုက်ရေးပညာ သင်ယူနေကြ

မတ် ၁၄၊ ၂၀၁၆
M-Media

– အမေရိကန်ပြည်ထောင်စုမှာ မွတ်စလင်ဆန့်ကျင်ရေး သဘောထားတွေ မြင့်တက်လာတာကို စိုးရိမ်တဲ့အတွက် ဟီဂျဘ်ဝတ်အမျိုးသမီးတွေဟာ သူတို့ကို တိုက်ခိုက်လာနိုင်ဖွယ်ရှိသူတွေကို ပြန်လည် ခုခံဖို့အတွက် တိုက်ခိုက်ရေးပညာတွေကို သင်ယူနေကြတယ်လို့ သိရပါတယ်။

နိုင်ငံတစ်ဝှမ်း အဲဒီ တိုက်ခိုက်ရေးပညာ အတန်းတွေကို အီဂျစ်-အမေရိကန်သူဖြစ်ပြီး ရှိုတိုကန် ကရာတေး ခါးပတ်နက်ရထားတဲ့ ရာနာ အဘ်ဒဲလ် ဟာမစ်က ဦးဆောင်သင်ကြားပေးနေတာ ဖြစ်ပါတယ်။

“ငါပြန်တိုက်မယ်ကွ – အဲဒီလိုမျိုး ကျယ်နိုင်သမျှ ကျယ်ကျယ် အော်စေချင်တယ်” လို့ သူမက ပြောကြားခဲ့ပါတယ်။ ဟမစ်ဟာ လူ့အခွင့်အရေး တက်ကြွလှုပ်ရှားသူတစ်ဦးလည်း ဖြစ်ပါတယ်။ ဟာမစ်ဟာ အမေရိကန်တစ်ဝှမ်းမှာ အလားတူသင်တန်းပေါင်းများစွာကို သင်ကြားပေးနေတာဖြစ်ပြီး မွတ်စလင်လူငယ်အမျိုးသမီး အတော်များများ တက်ရောက်နေကြပါတယ်။

သမ္မတရွေးကောက်ပွဲ ကျင်းပဖို့ နီးလာတဲ့အချိန် နိုင်ငံရေးသမားတစ်ချို့က လူပြိန်းကြိုက် မွတ်စလင်ဆန့်ကျင်ရေးသဘောထားတွေ ပြောကြားလာခဲ့ပြီးနောက်ပိုင်းမှာ နိုင်ငံအတွင်းက မွတ်စလင်တွေဟာ အမုန်းတရား ပပျောက်ရေး လှုပ်ရှားမှုတွေကို လုပ်ဆောင်နေကြပါတယ်။

ဟီဂျဘ်ဝတ်ဆင်ထားတဲ့ မွတ်စလင်အမျိုးသမီးတွေဟာ လူရမ်းကားတွေရဲ့ ပစ်မှတ်ထားတိုက်ခိုက်ခံရဖို့ လွယ်ကူတဲ့အတွက်ကြောင့်မို့လို့ ဒီလိုသင်တန်းတွေ ဖွင့်လှစ်ပေးတာလို့ ဟာမစ်က ပြောကြားခဲ့ပါတယ်။ သင်တန်းထဲက သစ်လွင်မွတ်စလင် အမျိုးသမီးတစ်ယောက်ဖြစ်တဲ့ ခရစ်စတင်း ဂါရစ်တီ ဆီကာစီက တိုက်ခိုက်ခံလာရတဲ့အခါ ကိုယ်ကိုယ့်ကိုယ် ကာကွယ်နိုင်စွမ်းရှိချင်တယ်လို့ ပြောကြားခဲ့ပါတယ်။

“ကျွန်မတို့ ပစ်မှတ်ထားခံရတယ်။ ဒါဟာ မမျှတပါဘူး။ ဒါပေမယ့် တစ်ကယ်ဖြစ်နေတာပါ။ ဒါကိုရင်ဆိုင်ဖို့အတွက် ကိုယ့်ကိုယ်ကို စွမ်းရည်ဖြည့်ထားဖို့ လိုအပ်ပါတယ်”

ခရစ္စတင်းဟာ ၀ါရှင်တန်က ဂျော့ဂ်ျတောင်းတက္ကသိုလ်မှာ အစ္စလာမ်ကြောက်ရောဂါကို ဆန်းစစ်လေ့လာနေတဲ့ လှုပ်ရှားမှုတစ်ခုမှာ အလုပ်လုပ်နေသူဖြစ်ပါတယ်။

အမေရိကန်-အစ္စလာမ် ဆက်ဆံရေးကောင်စီ (CAIR) လို လူအခွင့်အရေးလှုပ်ရှားတဲ့ အဖွဲ့တွေက နိုဝင်ဘာမှာ ဖြစ်ပွားခဲ့တဲ့ ပဲရစ်တိုက်ခိုက်မှုနဲ့ ဆန်ဘာဒီနိုမှာ အစွန်းရောက်တွေရဲ့ပစ်ခတ်မှုတွေဖြစ်ပြီးနောက်ပိုင်း အမေရိကန်မှာ မွတ်ဆလင်ဆန့်ကျင်ရေး တိုက်ခိုက်မှုတွေဟာ သုံးဆလောက် မြင့်တက်လာတယ်လို့ ပြောကြားခဲ့ပါတယ်။ အဲဒီ တိုက်ခိုက်မှုတွေရဲ့ ၈၀ ရာနှုန်းလောက်ဟာ အမျိုးသမီးတွေဖြစ်တယ်လို့ ဆိုပါတယ်။

“ဒီလူ့အဖွဲ့အစည်းထဲမှာ မွတ်စလင်အမျိုးသမီးတွေအနေနဲ့ ကိုယ့်ကိုယ်ကိုကာကွယ်နိုင်ဖို့ တကယ်ပဲလိုအပ်ပါတယ်” လို့ CAIR ပြောရေးဆိုခွင့်ရှိသူ အီဘရာဟင် ဟူးပါးက ပြောကြားခဲ့ပါတယ်။

Ref: IINA