အနောက်ဖက်ကမ်းရှိ ပါလက်စတိုင်းပိုင်နက်များကို အစ္စရေးက ထပ်မံ ကျူးကျော် သိမ်းပိုက်

မတ် ၁၆၊ ၂၀၁၆
M-Media

– ပါလက်စတိုင်းပိုင် အနောက်ဖက်ကမ်းရှိ မြေဧက ၂၃၄ ဟက်တာကို အစ္စရေးက သိမ်းယူလိုက်ပြီး ပါလက်စတိုင်းပိုင်နက်များအား ကျူကျော်သိမ်းပိုက်မှုတွင် အကြီးမားဆုံး ပမာဏလည်း ဖြစ်ခဲ့သည်။

ဂျီရီချိုဒေသ တောင်ပိုင်းတွင် မတ်လ ၁၀ ရက်နေ့က သိမ်းယူခဲ့ခြင်းဖြစ်သည်ဟု အစ္စရေး၏ တရားမ၀င်အိမ်ယာများ ဆောက်လုပ်မှုကို ဆန့်ကျင်သည့် အန်ဂျီအို Peace Now က ယမန်နေ့တွင် ပြောကြားခဲ့သည်။

ထို့ပြင် သိမ်းယူသောဒေသအနီးရှိ ပါလက်စတိုင်းနယ်မြေများတွင် တရားမ၀င် ဂျူးအခြေချအိမ်ယာများ တိုးချဲ့ရန်၊ ခရီးသွားလာရေးနှင့် စီးပွားရေးဆိုင်ရာ အဆောက်အဦးများ ဆောက်လုပ်ရန်လည်း အစ္စရေးက စီစဉ်နေသည်ဟု ထည့်သွင်းပြောကြားခဲ့သည်။

“အခြေအနေတည်ငြိမ်စေရမယ့်အစား၊ အစ္စရေးအစိုးရဟာ မီးလောင်ရာလေပင့်နေပြီး၊ ငြိမ်းချမ်းရေးနဲ့ နှစ်နိုင်ငံတည်ရှိရေး ဆောင်ရွက်ဖို့သဘောထား လုံးဝမရှိဘူးဆိုတာ ပါလက်စတိုင်းပြည်သူတွေနဲ့ အစ္စရေးပြည်သူတွေကို ပြသလိုက်တာပါပဲ” ဟု Peace Now က ဖော်ပြခဲ့သည်။

ထိုမြေယာ သိမ်းယူရေးနှင့်ပတ်သက်၍ အနောက်ဖက်ကမ်းတွင် ကပ်ထားသော အစ္စရေး၏ သတိပေးချက်တွင် အဆိုပါ မြေများမှာ အနောက်ဖက်ကမ်းရှိ အစိုးရပိုင်မြေနှင့် စွန့်ပစ်မြေများဖြစ်သည်ဟု ဖော်ပြထားသည်။

ထိုကဲ့သို့ ပါလက်စတိုင်းပိုင်နက်များကို အစ္စရေးက သိမ်းယူခြင်းမှာ ၂၀၁၄ ခုနှစ် သြဂုတ်လနောက်ပိုင်း အကြီးမားဆုံး သိမ်းယူမှုဖြစ်ပြီး၊ ပင်လယ်သေနားတွင် အစိုးရပိုင်မြေအဖြစ် သတ်မှတ်မည်ဟု ဇန်န၀ါရီလက ကြေငြာထားသည့် ပမာဏထက်လည်း ကျယ်ပြန့်သည်။ ထိုကဲ့သို့ ကြေငြာစဉ်ကလည်း နိုင်ငံတကာအသိုင်းအ၀ိုင်းက အစ္စရေးအား ပြစ်တင်ရှုတ်ချခဲ့သည်။

ပါလက်စတိုင်းပိုင် အနောက်ဖက်ကမ်းတွင် အစ္စရေးကဆောက်လုပ်ထားသော ဂျူးအခြေချအိမ်ယာများမှာ တရားမ၀င်ဟု နိုင်ငံတကအ၀ိုင်းအ၀ိုင်းက သတ်မှတ်ထားသော်လည်း အစ္စရေးအစိုးရက လိုက်နာခြင်းမရှိပေ။ အစ္စရေး၏ ထိုတရားမ၀င်အိမ်ယာများမှာ ငြိမ်းချမ်းရေးကြိုးပမ်းအားထုတ်မှုအတွက် အဓိက အတားအဆီးဖြစ်နေသည်။

Ref: Aljazeera